Ibru 4:11 - Madak

¹¹ Kuren la mina raba axap lodoxoma atnimi xusu mina vubeles ap mo loklok mamas la kopmen tara noxo subu kot la na mu asu lampoovo atnedi leme Israel, diga raba arulu ne Moroa.

Ibru 4:11 Iomraidhean Croise

Metiu 11:12

Ga ru ka i at laaleng ne Jon ga vavang kaxat, i se at na laaleng lingina, Linintoo no vana at laxalibet gat pot mi lololos, ketla i ekip tangarang mi limixin kapmek di lolos kusu dina ru pe i.

Metiu 7:13

La ne Iesu ga lok bok, “Mina beles keneng at lumusaragu i veleot kusu ri lok ka lorooro, mila lumusaragu uto at lemenemen songsongot i repalas la langas ugo at lemenemen songsongot kopmen na lolos, la buaang nedi limixin di pubeles teren.

Lagale Lavavang At Ne Iesu Karisito Luk Ga Malagan i 13:24

“Mina lolos kusu miba beles at lumusaragu lixilik at Linintoo at ne Moroa, mila buaang limixin diba lok tong i do dina beles ukeneng, ketla di noxo epovo.

Lagale Lavavang At Ne Iesu Karisito Luk Ga Malagan i 16:16

Lenavolo at ne Moses la levenmamalagan at lavaeme vapaase alii ga nemen se at levenaleng at ne Jon laradi sep susu. Ga ru ka i go Lagale Lavavang mumu Linintoo at ne Moroa ga lok kun i min, la buaang nedi limixin getgesara di lolos do ukeneng di.

Lagale Lavavang At Ne Iesu Karisito Jon Ga Malagan I 6:27

Nemen mita gugu ri leveluxa ua naba sonao soso; ketla mina gugu lolos ti leveluxa i nemen amisik ti lorooro avolo. Na leveluxa, nenia, Laradi Mevana, anaba raba nemi min, mila ne Moroa ne Temen dik ira soxolik ka vam ia.”

Leven Gugu 26:19

Kuren la laradi silok ne Agripa, a goxo ronga xepe mo lisilimet aga ven i boro vana at laxalibet.

Epesas 2:2

mo ga umsu at lorooro atnimi ap mo levenaleng miga mumu asu leveloklok at na lavatkangka la levelinga at laradi gomgo, ne Satan, ik lok to vana at lamavangkap, la na loroonan kapmek i gugu keneng at limixin tongtonga xepe.

Epesas 5:6

Nemen tara na bala arup nimi ri laxakapmek mi levelinga gamasa mila, do tara na lok nom lempanga la na ronga xepe levelinga at ne Moroa, lebelemamao ren ba vot saparap nom laradi.

Pilipai 2:12

Larapen tangas orong tarak. Migang tonga res amisik tarak ap mo levenaleng, nenia aga nemen eburu minemi, la nemi move mirang tonga res bok tarak at na levenaleng nia a nemen paxalom basinge nemi. Kuren la mina gugu lolos kusu lorooro atnimi naba lok nunuan at lemeren ne Moroa, eburu mi loklok ngangao,

Kolosi 3:6

Na leveloklok naba lox asuusu lebelemamao at ne Moroa mo naba vot.

Taitas 1:16

Di tong i do di nuunu at ne Moroa, ketla kopmen na ruturun; mila levempanga nunuan kopmen na ravasu at lorooro atdi. Loklok atdi i lok kapmek at lemeren ne Moroa la at lemeren limixin. Nedi limixin tongtonga xepe mun, la dixo epovo na lok tevempanga i nunuan.

Taitas 3:3

Gano nedik limixin ta goxoklen lorooro avukat, ta goxo ronga res at levelinga at ne Moroa la levelinga bok at lavaeme silok. Satan ga xarang dik la tagara puse ri levempanga at na lavatbung menemen; la taga mumu mene nga lavavara atnedik. Lorooro atdik ga umsu mi laxakapmek mi levereven peves at lempanga at limixin petpes; la limixin diga musak dik la ta goxo epen avukat.

Ibru 3:12

Luvutnetak mi luvurinuk. Mina lok tatao avukat nimi xusu tara atnimi noxo ruuna taxakapmek la loklok ting tonga xepe levelinga at ne Moroa xeneng at lorooro ren, la kerepmo na sok tixirixes kepe ne Moroa, mo i rooro.

Ibru 3:18

La ne Moroa ga vangpe do di noxo vubeles tinotno ri mo loxot loklok mamas teren, mila diga ronga xepe levelinga ren.

Ibru 4:6

I ruturun do leventaba move diba vubeles ap mo loxot loklok mamas. La nedi gano diga ronga Lagale Lavavang, di goxo vubeles teren mila diga ronga xepe levelinga at ne Moroa.

Ibru 6:11

Nema ma vara i do nemi getgesara mina lox asuusu leveloklok kerepmo se at laxavaxap at lorooro atnimi, la kerepmo miba ruuna ka ruturun mo leveloklox anarong mim doma ngangais tin.

2 Pita 2:6

I lok ngan bok pam ne Moroa ga sele utut bok lumenemen silok to Sodom la Gomora mi laxao; la neni ga lox i na ngan ni lampoovo ri lavanga salai naba vot atnedi dixo mumu asu lodoxoma ren.