Ibru 2:10 - Madak

¹⁰ Gak mokso do ne Moroa, neni ga rudum li levempanga axap la i lok tatao bok di, do neni na ke xepe ne Iesu xusu neni na xip laxasongsongot kusu na lox agagas avukat ti lugugu ren. Kuren la neni ga ruuna ka laasen do Lamgomgo at langas ti loklox arooro la ga lok ka bok buaang limixin kusu dina ruuna ka loklox arooro.

Ibru 2:10 Iomraidhean Croise

Lagale Lavavang At Ne Iesu Karisito Luk Ga Malagan i 13:32

Iesu ga vorang i ridi xeretna, “Mina vot pasa nom lavatman atat la mina tong asu levelinga rak tin do, ‘Nenia anak tiki asu lubunggas basinge limixin la anak lox avukat limixin lingina la kantamak bok, la at laaleng sepsev avantun aba lox axap lugugu rak.

Lagale Lavavang At Ne Iesu Karisito Luk Ga Malagan i 2:14

“Ata emi asu mi ne Moroa ik lok to vana at laxalibet, la lumulum at ne Moroa bak lok at na lavatbung menemen tinedi ne Moroa i momo midi.”

Lagale Lavavang At Ne Iesu Karisito Luk Ga Malagan i 24:26

Kereva, muxoklen i do Lanarong naba xip losongsongot at na lempanga la na beles at lixitkis orong teren?”

Lagale Lavavang At Ne Iesu Karisito Luk Ga Malagan i 24:46

La ni ga lok tidi, “Diga malagan i at Lovoang Kaala xeretna; Lanarong naba xip losongsongot la at laaleng sepsev avantun neni naba roo xat amlong.

Lagale Lavavang At Ne Iesu Karisito Jon Ga Malagan I 11:52

la kopmen tinedi xusuk, ketla tinedi bok limixin kopmen di me Judaia no diga epeseves la neni naba lox asi buru du ngan legesa bungmixin.

Lagale Lavavang At Ne Iesu Karisito Jon Ga Malagan I 19:30

Iesu ga in mo lavaen la melemu ga lok keretna, “I xap ta.” La lavatlak teren ga riding si la neni ga met.

Leven Gugu 3:15

La nemi miga sev amet ne Iesu, neni lavasuun at lorooro avolo. Ketla ne Moroa ga lox arooro amlong i basinge lanmet, la nema na ma paase katling i mi mo lavanga mila nema maga ven i.

Leven Gugu 5:31

Moroa ga xiv aurur i upana la ga vaxaxis i ro at lekngen tino mila neni lamgomgo la Laradi Loklox Arooro xusu na raba limixin me Israel mi langas ti leeng basinge laxakapmek atdi la ne Moroa naba doxoma xepe i.

Lovoang At Ne Pol Ti Limixin Nunu to Rom 11:36

Levempanga axap neni xa ga rudum li di, la levempanga axap ga ravasu mumu xa i la ateren axa, la ata emi asu mi laasen teren amisik la kopmen taxavaxap teren. Tuturun.” Ais 40:13, Jop 41:11

Lovoang At Ne Pol Ti Limixin Nunu to Rom 9:23

La ni ga vara box i xusu neni na lox asu lagale lisisixam teren, no ni ga soli asu i rinedik limixin ua neni ga belemumu dik, la ti nege atdik no neni gara gagas pam di xusu dinaba lok kaka lisisixam teren,

1 Korin 2:7

Maga tong asu Lagale Lavavang at ne Moroa rinimi, mo ga nemen alipe. Moroa gara tong li vam i xusu naba lox aurut levenasen atdik, avot ti loklok li at na lavatbung menemen.

1 Korin 8:6

Ketla legeso Moroa mun tinedik axap, neni ne Temen nedik la neni laradi loklok li at lempanga axap, la nedik ata rooro rin. La legesa Eme Silok atnedik mun ne Iesu Karisito, la keneng mun teren ne Moroa ga rudum li lempanga axap la keneng mun teren nedik di rooro.

2 Korin 3:18

La nedik axap di lox asuusu lisisixam at ne Moroa, mila kopmen bok ba tengkontata nak lok pe lengkatli atdik. La na mun lisisixam i laala boro at Leeme Silok, neni Loroonan, la ik lox ekun dik ngan lampoovo ren la ti mo langsangan lisisixam silok teren.

2 Korin 4:17

La na levesongsongot lixilik i lox asuusu i do langsangan luunun avolo i umsu aleng mi lisisixam at ne Moroa mo i gagas kusu rinama; la i silok aleng ti levesongsongot man tuuna xaka i.

2 Korin 5:18

Ana axav i boro at ne Moroa, la keneng at ne Karisito neni ga vaxat buru dik at lixitkis munepen atdik eburu min kusu nedik ateren; la ni ga raba nema mi lugugu ri vaxat buru limixin uto saparap ne Moroa.

2 Korin 6:18

La nia aba ngan ne Temen nimi, la nemi miba lok ngan luvutnuruk; nenia Leeme Silok ne Moroa a lolos aleng la a tong na levelinga.”

Galesia 3:26

Nemi axap luvutnitna ne Moroa mumu mene lunuunu atnemi saparap ne Iesu Karisito.

Epesas 2:7

Neni ga lox i na xusu at levenaleng i tu melamgo, neni naba lox asuusu i do letaba nabalamu ren i nunuan axap, mo letaba nabalamu ga ravasu at labalamu ren tidik maxeneng at lugugu at ne Iesu Karisito.

Epesas 3:10

Lavavara ren ga lok keretna, neni na lox asuvos lagale lodoxoma ren la mo nga limixin lotu dinap kip ka mo lugugu ti lox asuusu mo lodoxoma ren ti lubung angelo la leventoonan to vana at laxalibet.

Kolosi 3:4

Karisito, ni lavasuun at lorooro ruturun atnemi, la do neni naba ru asuvos, kerepmo nemi bok miba ru asuvos eburu min la minaba ruuna ka lagale lisisinang teren.

2 Timoti 2:10

Kuren la nia a tu lolos keneng at levesongsongot kusu ri lok tooro mo lavaanat soxolik at ne Moroa la kusu nedi bok dinaba lok kaka loklox arooro at ne Iesu Karisito la ri lox asuusu bok lisisixam avolo ren.

Ibru 12:2

Lodoxoma atnimi na tu atkatla at ne Iesu, neni lavasuun la lurutu kaxat at lunuunu atdik. Neni ga siam ka laxasongsongot la lainmangan at laxaba mila ni ga doma mun mo lomomo neni naba ruuna ka i; la na nga neni it kis at lenep tino at loxonin orong at ne Moroa.

Ibru 6:20

La kerepmo bok ne Iesu gamgo ridik uto vana xusu na lok lugugu ngan Lamaasa Avolo kerekngan ne Melkisedek, la lugugu at Lamaasa Avolo noxo xap.

Ibru 7:26

Lamaasa gomgo xerepmo i lox epovo lavakpakes atdik; luruptuvuk teren i nunuan axap, neni xopmen goxo ronga xepe levelinga at ne Moroa, goxopmen taxakapmek gak lok teren. Ap mo levenaleng neni ga nemen de at na lavatbung menemen neni goxo vubeles ti laxakapmek eburu mi limixin kapmek; la melemu ne Moroa ga lox asilox i ro vana at laxalibet.

Ibru 7:28

Maxeneng at Lenavolo luvuttadi diga lok lugugu ngan lavamaasa amgomgo, la lorooro atdi goxok mokso xerekngan ne Iesu. Ketla ne Moroa ga raba limixin mi Lenavolo, la melemu ni ga vangpe do ne Nitna na lok kaka lugugu at lamaasa gomgo, luruptuvuk teren nabak mokso amisik.

1 Pita 1:12

Ne Moroa ga raba asu na levelinga rinedi na luvuttadi vapaase alii xusu nedi di noxo gugu xusuk tik lok tooro nedi xa, ketla ti lok tooro nemi, at loxonaleng diga vaase mumu mo levelinga. Ana nemi mira ronga xaka vam i at luvuttadi xipkip linga di vaase asu Lagale Lavavang mi lololos at Loroonan Kaala boro vana at laxalibet. Neni na Lagale Lavavang lubung angelo bok di vara aleng i xusu dinaklen i.

1 Pita 5:1

Nenia lamgomgo at lotu ngan lubung amgomgo dik lok kantubu atnimi. Nenia aga ven levesongsongot ne Karisito gap kiv i, la nenia anaba ruuna ka lisisixam eburu minemi mo naba ru asuvos. La a sing nemi lubung amgomgo xeretna,

1 Pita 5:10

Noxo lox abao la levesongsongot atnimi naba xap, la ne Moroa i umsu mi letaba nabalamu la ni ga ro xaka nimi kusu mina ruuna ka lisisixam avolo ren keneng at ne Karisito la neni naba lox axatu nimi, la neni naba lox alolos nimi la na lok li nemi ro at lixitkis avukat.

Lisilimet 4:11

‘Moroa Leeme Silok atnama, nenu xusuk mun u epovo na lok kaka leemi asu, loklok ngangao mi lololos, mila nenu uga rudum li lempanga axap; la at lavavara mun taram uga rudum li di la uga lok li di xusu dina rooro.’

Lisilimet 7:9

Melemu at nai aga ven buaang nedi limixin, ixo epovo do tara na us nedi. Nedi boro at lengkot axap at na lavatbung menemen, la at larabibinat axap la at levenasen bantuxu axap la boro at lempapaase axap, diga tu ro melamgo at loxonin orong la to melamgo bok at Lanasip. Diga sigaara mi levempanga singsiga bunbun. La digam tebeng lempavaxan bisi at levengkikngen di.