Ibru 13:9 - Madak

⁹ Nemen gat mitang tonga nedi di lox ase nimi mi levenanasa vetpes, mo ba sar asoogong nimi basinge lunuunu atnimi at ne Iesu. I lox avukat do mina lok ka letaba nabalamu eburu mi loklok tooro at ne Moroa xusu mina lox alolos lebelen nimi. La mina ke xepe mo leveloklok at Lenavolo mumu leveluxa salai ri anan la leveluxa salai kopmen ti anan; na loklok noxo lok tooro lorooro atnedi di mumu asu i.

Ibru 13:9 Iomraidhean Croise

Sam 112:8

Leveeve ren ira xus pam, la neni kopmen na marat at tempanga, i nuunu do ne Moroa naba sak tup mi lavamunepen teren.

Metiu 24:24

Mila buaang nedi limixin babala diba lok do nedi mo lavanarong at ne Moroa la lavaeme vapaase alii ren; diba lok tempanga sangsangu kusu diba sar asoogong lavaanat soxolik at ne Moroa, mo do di epovo.

Metiu 24:4

La ne Iesu ga vorang i ridi xeretna, “Mina lok tatao avukat nimi kusu tara noxo xarang arup nimi mumu i na lempanga;

Lagale Lavavang At Ne Iesu Karisito Luk Ga Malagan i 5:38

Laxadan vaen maxat mina soli li i at labantuxu maxat!

Leven Gugu 20:30

Laaleng move naba rupot la lentaba atnimi diba ba gili levelinga ruturun kusu ri sat ka limixin nuunu basinge ne Moroa.

Leven Gugu 20:32

La ana nia a lok li nimi maxopok at loklok tatao at ne Moroa la levelinga mumu letaba nabalamu ren ba lok tooro nimi. Neni xa i epovo ri lox alolos lunuunu atnimi la na raba nemi mi lapnovos no ni i gagas li i ri limixin teren.

Lovoang At Ne Pol Ti Limixin Nunu to Rom 14:17

Linintoo at ne Moroa neni xopmen loklok ti anan la ti inin, ketla neni lomokmokso, la limila, la lomomo at Loroonan Kaala im taba i.

Lovoang At Ne Pol Ti Limixin Nunu to Rom 14:2

Lunuunu at laradi ik lox i xusu neni i epovo ri anan at levenasen luxa axap, ketla laradi lunuunu ren kopmen na lolos, neni i anan mun levempanga boro xataamang.

Lovoang At Ne Pol Ti Limixin Nunu to Rom 14:6

Nege i doxoma alolos i do lara laaleng move i silok, neni i lox i mi loklok ngangao ren ti Leeme Silok. Nege do i anan gamasa levempanga axap, i lok box i mi loklok ngangao ren ti Leeme Silok, atla neni i tong loklox avukat ti ne Moroa ri levempanga anan. Nege do kopmen na anan teventaba teveluxa, neni i lok box i mi loklok ngangao ren ti Leeme Silok, la i tong loklox avukat bok ti ne Moroa rin.

1 Korin 6:13

La lentaba diba lok keretna, “Moroa ga lok levenbelen dik ti leveluxa la ga lok leveluxa ri lox aumsu levenbelen dik.” I ruturun, ketla ne Moroa naba lox asonao buru labantuxu mi lengkot teren. I ruturun bok do labantuxu atdik kopmen tik lok laxakapmek maxamang at lixitkis epot, ketla ne Moroa ga rudum li dik kusu ata emi asu mi Leeme Silok; la Leeme Silok axa ik lok tatao labantuxu atdik.

1 Korin 8:8

Leveluxa axap limixin nuunu di anan i, kopmen noxo lox axis buru di mi ne Moroa. Do nedik ata anan mo leveluxa limixin diplavang min saparap laxampoovo moroa, lixitkis etangas atdik mi ne Moroa noxo rekorop, la luruburu atdik mi ne Moroa noxo xap.

2 Korin 1:21

Moroa xa ik lox alolos nema eburu minimi xusu dik ataba tu atmatkun keneng at ne Iesu Karisito. Neni ga soxolik ka dik,

Galesia 6:1

Luvutnetak mi luvurinuk. Amo dola limixin nuunu dina long terek tara xantubu atdi do neni i lok tavanga i lok kapmek, nemi limixin tongtonga res at Loroonan Kaala, mina lox akmokso mo laradi; ketla mina lox i mi lumulus. La mina lok tatao avukat lorooro atnemi axa, kusu mo laxakapmek teren noxo lok tong pen nemi.

Epesas 4:14

Do lorooro atdik nak lok kuren, lunuunu atdik noxo lok ngan lunuunu at laxamdak lixilik, it los ekat ngan laras i repit la iap sep tang at lisim la ira onon taba ugo la ude to at lamaxat. Kerepmo lavaeme loklox ase xaxarang di lok tong i xusu dina sar asoogong lunuunu atdik basinge ne Karisito mi leveloklox ase xaxarang la levelinga babala arup.

Epesas 5:6

Nemen tara na bala arup nimi ri laxakapmek mi levelinga gamasa mila, do tara na lok nom lempanga la na ronga xepe levelinga at ne Moroa, lebelemamao ren ba vot saparap nom laradi.

Kolosi 2:4

A malagan na levelinga rinimi, kusu tara noxo xarang arup nimi mi tevelinga xaxarang, keke i do i reng nunuan mene nga.

2 Tesalonia 2:17

Ma sing du do duna lox alolos lorooro atnimi xusu mina lok leven gugu nunuan la mina tong asu levelinga i nunuan.

2 Tesalonia 2:2

do nemen mita lok bukbulu soso kopla mita rakdu at levelinga leventaba di tong i do mo laaleng at lovotpot at Leeme Silok ga rupot pam. Leventaba diga xarang nimi do na levelinga ni lavapaase alii boro atnama kopla maga lox aonon i saparap nimi ro xeneng at lovoang maga malagan i rinimi.

1 Timoti 6:20

Timoti, una lok tatao avukat nom lugugu ne Moroa gara raba vam u min. Una ke xepe levelinga kopmen at ne Moroa, la levelinga rangtangku; leventaba di so asen mo levelinga do “Levelinga at lakleklen;” ketla kopmen nak mokso.

1 Jon 4:1

Larapen tangas orong tarak. Nemen gat mita rebeng alis soso levenanasa atnedi di tong i do di ruuna Loroonan Kaala; ketla mina viila mumu avot be levenanasa atdi do i sixit epovo mi levenanasa at ne Moroa. Mina lox i xuren atla buaang lavaeme vapaase xaxarang dit pas tangtagap at lengkot axap.

Lovoang At Ne Jut 1:12

Nedi dit kis eburu minimi mo do mi anan leveluxa at Leeme Silok. Nedi di lok ngan lempanga ik token kantubu atnemi la kopmen dinak lok mamangan. Nedi dixo doma bok ba teta, ketla di doma xusuk mun di. Nedi di lok ngan lempotakabu, lamanman it mas aonon di, ketla kopmen tarakabu atdi. Nedi di lok ngan levenuna kopmen na pisik at laaleng pipisik teren la di xe su min la ira met tino.

Lovoang At Ne Jut 1:3

Larapen tangas orong tarak. Nia a vara aleng i xusu ana sok levelinga rinimi mumu mo langas ti lorooro avolo, ne Moroa im taba dik min. Ketla lara lavanga silok ira vot pam la a tong i rinimi do minam tebeng lolos levelinga at ne Moroa, ni ga raba avolo gesara mun i ri limixin teren.