Ibru 13:5 - Madak

⁵ Mina ke xepe loklok ti vavara solo levempilas la mina lok momo mi mo levempanga mi ruuna i, mila ne Moroa ga lok keretna, “Nia noxo on basinge rinotno nimi la loklok tatao rak kopmen tinotno noxo xap.” Len 31:6

Ibru 13:5 Iomraidhean Croise

Sam 10:3

Laradi xapmek it las i mi levendoxoma xakapmek teren; laradi mokmorong i paase aksaksa ri Leeme Silok la im taba sinta i.

Sam 119:36

Una lok labalak kusu ana mumu asu lempapaase matmatkun taram, la kopmen nia a noxo vara solo lapnovos silok mede xopok.

Sam 37:25

Nia lasioxo nga na, nia gara rooro aba vam, ketla nia agoxovisi ven taradi avukat Leeme Silok gita raba arulu i, kopla laxamdak mi laxaalik teren gita ngising panga anan.

Sam 37:28

atla Leeme Silok, i vavara ri loklok i lox avukat, la kopmen ni na raba arulu luvuttadi di nemen turuturun teren, i kok avukat amisik di. Ketla livipisik li at limixin kakapmek ni naba saksu di basinge mo lenep kangka aulis atdi.

Metiu 6:19

La ne Iesu ga lok bok tidi, “Nemen mita lili gat lapnovos tinemi nade xopok at laxangka, mila i epovo do laxanuvis naba an asonao mun i, la lamamao tas na long i la ba lok kapmek, la luvuttadi xipkip pilo dinaba das beles ukeneng at leventaugu atnimi la dina xip pilo ka i.

Metiu 6:25

Kuren la a tong i rinimi do nemen gat mita bulu mu lempanga anan mi lengkadan mik pakes tin, kopla lempanga singsiga kusu ri labantuxu atnimi. Kereva, lempanga anan i silok ti lorooro la lempanga singsiga i silok ti labantuxu?

Metiu 6:34

Kuren la nemen mita bulu mu mo lempanga ba ravasu at mo laaleng kantamak, mila levenainbulu mo bak lok ti laaleng kantamak. La levenainbulu at leges aleng i epovo ri mo laaleng.”

Lagale Lavavang At Ne Iesu Karisito Mak Ga Malagan I 7:22

loklok ti belegaao, leveloklok kakapmek petpes bok, loklok kaxarang, loklok mun mamangan, loklok ngaongao at lempanga at tara vetpes, loklok ti lox asi tara mi levelinga, loklox asilok, la loklok tangtangku.

Lagale Lavavang At Ne Iesu Karisito Luk Ga Malagan i 3:14

La lentaba luvuttadi esep bok diga sue i, “Kereva ba nama? Lavanga salai manaba lox i?” La ni ga lok tidi, “Nemen mita pu soso ka tempilas at taradi la mina lox amarar i xopla mina bala raba tara. Levendoxoma atnimi na lox avukat ti luunun mik lok ka i.”

Lagale Lavavang At Ne Iesu Karisito Luk Ga Malagan i 8:14

Ti levenit ga subu to at loxongkangka mi laxan gagas, i ru katling nedi di ronga mo levelinga, ketla levenainbulu la lapnovos la lomomo at na lorooro i umsu xeneng atdi la gira itis lorooro atdi, la kerepmo kopmen dina visik levempanga nunuan at lorooro atdi.

Lovoang At Ne Pol Ti Limixin Nunu to Rom 1:29

Di umsu mi laxanasen kakapmek axap, i ngan lodoxoma xapmek, loklok ti belegaao, la loklok kakapmek maxamang at lixitkis epot. Lorooro atdi i umsu mi loklok ngaongao ri lempanga at lentaba vetpes, di esev amet, di esep, di lok levenekarakat, di babala vukpuk, di doma xakapmek amisik ti leventaba vetpes, la di tere mumu.

1 Korin 5:11

Lavasuun at levelinga rak i lok keretna, nemen mita etangas eburu mi laradi lotu, neni laradi i lok laxakapmek maxamang at lixitkis epot, kopla ik lok papavas la i lotu saparap laxampoovo moroa, ik lox asi lentaba vetpes mi levelinga, la i inin tangtangku, kopla ip sep paxat panga. Nemen mita etangas eburu mi laradi ik lok kerepmo la nemen gat mitat kis eburu min kusu ri anan.

1 Korin 6:10

La nedi dip kip pilo mi loklok ti belagaao, kopla di inin tangtangku, la dik lox asi lentaba mi levelinga, kopla dip sep paxat ka lempanga, kopmen tara atdi noxo ruuna ka toxot to xeneng at Linintoo at ne Moroa.

2 Korin 4:9

Limixin di lox asongot dik, ketla ne Moroa kopmen na domampe dik; lavamunepen atdik di sev asi dik, ketla kopmen dina lok kapmek dik.

Epesas 5:3

Ketla nemen tara atnimi guta lok laxakapmek i lok keretna, loklok kakapmek maxamang at lixitkis epot, lengkot mamangan, loklok ti belegaao. Na lempanga xopmen nak mokso ri limixin dadat at ne Moroa kusu dina lox i.

Epesas 5:5

Nemi mina xasep at na. Do tara na lok loklok kakapmek maxamang at lixitkis epot, kopla na lok lengkot mamangan, kopla loklok ti belegaao (na loklok i ngan loklok ti lotu saparap lempoovo moroa), kopmen toxot tin to xeneng at Linintoo at ne Karisito la ne Moroa.

Kolosi 3:5

Kuren la mina lok kepe leveloklok kakapmek i nemen atnemi, kerekngan loklok kakapmek maxamang at lixitkis epot, loklok kakapmek at labantuxu, lodoxoma liplivi tik lok laxakapmek, lavavara rik lok laxakapmek, la loklok ti belegaao, mo i lok ngan nom loklok ti lotu parap levempoovo moroa.

1 Timoti 3:3

neni ixo inin tangtangku mi levengkadan lolos la kopmen nak musak soso, ketla neni it kis atnaasan la lorooro ren i umsu mi lumumulus la limila; neni ixo vara solo ri levempilas;

2 Pita 2:14

Di vavara xusuk mun i xusu dinak lok mu lavakin dik lok lengkot kapmek; la levempavara atnedi rik lok leveloklok kakapmek, kopmen na vaxap. La di sasat kaka limixin, lunuunu atdi xopmen na lolos, kusu dina lok laxapmek. La dik lok arala levempeve atnedi mi loklok ti belegaao. Kuren la nedi dik lok maxopok at lasaxaek ne Moroa naba raba di min!

2 Pita 2:3

La loklok ti belegaao bok at na lavaeme loklox ase xaxarang naba silok la dinaba lok ka lempilas atnimi mi leventetere xaxarang diga doxoma xaka i. La at laxanaleng buaang, ne Moroa ira gagas pam kusu na lok li lumumuat atdi la naba sele utut nedi.

Lovoang At Ne Jut 1:11

Naba lok kapmek aleng tidi. Nedi di mu asu loklok at ne Kaen. La di ke lodoxoma avukat tik lok ka lempilas kerekngan ne Balam. Nedi limixin tongtonga xepe xerekngan ne Kora la diba uu bok kuren.