Ibru 13:1 - Madak

¹ Mina balamu ela nimi mila nemi limixin at ne Moroa.

Ibru 13:1 Iomraidhean Croise

Sam 133:1

I milik maraanu la i nunuan aleng at loxonaleng limixin at ne Moroa di nemen buru xeneng at lenmila oon.

Lagale Lavavang At Ne Iesu Karisito Jon Ga Malagan I 15:17

Lavapaase rak tinimi xeretna; mina ebalamu ela minimi xa.

Leven Gugu 2:1

At lara laaleng limixin me Judaia diga lok laanan silok, diga tong i do Pentikos; nedi limixin axap diga nuunu diga vot eburu ro at lara loogu.

Leven Gugu 4:32

Mo luvuttadi nuunu diga nemen mun keneng at legeso doxoma la legese belen. Kopmen teta atnedi ga lok do mo lempanga ren, ateren axa; ketla diga epes di getgesara mi lempanga axap diga ruuna i.

Galesia 5:13

Luvutnetak mi luvurinuk. Lorotoro gak lok tinemi xusu minaba sepmus basinge leveloklok la leventaangas at Lenavolo. Ketla nemen gat mi guta ke na loklok at lesepsepmus basinge Lenavolo na lok ngan mun lavanga ri sisiam avolo nemi xusu lorooro at labantuxu atnemi na sasat nemi. Ketla mina ke labalamu ri lok tooro nemi xusu minaba elok tooro ela,

Galesia 5:22

Ketla mo lara i ruuna Loroonan Kaala at lorooro ren i pisik asu labalamu, lomomo, lenmila, loklox atnaasan, loklox anare, luvukat, loklok tuturun,

Galesia 5:6

Do nema mak lox eburu mi ne Iesu Karisito, mo leveloklok ti rivit kepe lengkontuxu kopmen lavanga silok; ixo lok petpes tinotno xantubu at taradi diga vit kepe toxontuxu ren la tara di goxo vit kepe toxontuxu ren. Ketla legesa vanga mene nga i silok aleng, neni lunuunu la labalamu i ravasu ren.

Epesas 4:3

La mina lolos kusu mina tu buru mi legesa doxoma at Loroonan Kaala, la lorooro atnimi nat kis atnaasan mi limila.

Epesas 5:2

La lorooro atnimi na umsu mi labalamu kerekngan ne Karisito ga lox asuusu labalamu ren tidik la ga raba lorooro ren; mo loklok at ne Karisito i lok ngan laramtaba i so misigisigis la lavanga laplavang saparap ne Moroa.

2 Tesalonia 1:3

Luvutnetak mi luvurinuk. I lox avukat do nema ma tong avukat amisik ti ne Moroa mumu nimi. I lox avukat mila lunuunu atnimi ira susu silok la labalamu ela xantubu atnimi ira sisilok bok.

Ibru 10:24

La mina doxoma ka teventaangas kusu mina lox axatu lebelen nimi ri elok tooro ela la lorooro atnimi na umsu mi labalamu la leveloklok i nunuan.

1 Pita 1:22

La mo nga, mira ronga ka vam levelinga ruturun la kerepmo lorooro atnemi ira dadat pam la labalamu ruturun i ravasu at lorooro atnimi ti luvutneton nimi; kuren la mina ebalamu ela mi lorooro axap atnemi;

1 Pita 2:17

Mina lok ngangao bok at limixin axap, la mina balamu limixin nuunu; la mina lok ngangao at ne Moroa la at loorong silok bok.

1 Pita 3:8

Ti lox axap na levelinga xeretna, nemi axap mina ruuna legesa doxoma eburu mi legesa sumsuma xeretna; mina doma mumu nedi di ruuna levenmumuat, la mina ebalamu ela ngan nemi loxoeton la mina belemumu nedi la mina lox asi nemi.

1 Pita 4:8

Mavana at levempanga axap, mina ebalamu ela nemi mi luruturun atla labalamu at limixin naba ru pe laxangkakapmek solo.

2 Pita 1:7

la minak lox epasum luvukat ti luvutneton nemi ukeneng ti lomokmokso; la minak lox epasum labalamu ukeneng at luvukat ti luvutneton nemi.

1 Jon 3:23

La levelinga ren tidik i lok keretna, nedik tana nuunu at laasen at ne Nitna, neni ne Iesu Karisito la atana ebalamu ela kerekngan ne Iesu ga tong i ridik.

1 Jon 4:20

Do tara i lok dola i balamu ne Moroa ketla ik milik angtungun ti neton, ni laradi xaxarang; atla neni ixo epovo xusu ni na balamu ne Moroa no neni goxovisi ven tu ren do neni noxo balamu avot be neton ua neni ira ven tu vam teren.

Lisilimet 2:4

Ketla a ruuna na lempapaase mumu nimi at levempanga miga lox i, kopmen na lox avukat; labalamu atnimi ria kopmen na lolos kerekngan miga balamu avor ia at laaleng miga ravasu ngan limixin nuunu.