Ibru 12:3 - Madak

³ Mina doma mumu mo laxasongsongot limixin kapmek diga lox i rin; at na loklok neni lampoovo rinimi, xusu nemi mi noxo molo la mina soxope lunuunu atnimi.

Ibru 12:3 Iomraidhean Croise

Metiu 11:19

Ketla nenia, Laradi Mevana, aga vot, la nia a anan la a inin, la limixin di lok, ‘Mina ven ba i na laradi! Neni laradi xoxo anan la laradi inin, la i etangas mi luvuttadi loklok ka pilas eburu mi limixin kapmek!’ Ketla lugugu at ne Moroa i pisik avukat la kerepmo i lox asuusu i do lodomdoma alii at ne Moroa i lox avukat.”

Metiu 12:24

La lubung Parisi diga ronga i na la diga lok ti mo limixin, “Neni i riki asu lubunggas mi lololos at ne Belsebul, leeme gomgo at lubunggas.”

Metiu 15:2

“Tila ba luvuttadi loklok ka anasa ram di ronga xepe leveloklox ase at lavalabat atdik? Dixo sogos avot be levengkikngen di la melemu dina anan.”

Metiu 21:23

Iesu ga vubeles uto at loogu laplavang, la neni ga anasa limixin, la lavamaasa silok mi loxongkulao silok at lubungmixin me Judaia diga vosiga i la diga lok, “Lololos salai nenu u ruuna i xusu ri lox i na lempanga? La nege ga raba u mi nom lololos?”

Metiu 21:46

La diga puse ngas kusu dina ranga alis i, ketla di goxo epovo mila diga marat at limixin mo diga lok do ne Iesu neni leeme vapaase alii at ne Moroa.

Metiu 22:15

La lubung Parisi diga vas kaxat basinge mo lenep la diga gagas kusu dina bala arup ne Iesu mi levelinga.

Lagale Lavavang At Ne Iesu Karisito Luk Ga Malagan i 14:1

At lara laaleng kaala Iesu gat pas kusu na anan at leluxa ro at loogu at lara lamgomgo at lubung Parisi; la luvuttadi loklox ase at Lenavolo diga reven pilo ne Iesu; mo do neni na lox aroo taradi at laaleng kaala, diba lok li i at lavapaase.

Lagale Lavavang At Ne Iesu Karisito Luk Ga Malagan i 15:2

La lubung Parisi eburu mi luvuttadi loklox ase at Lenavolo diga paase ngunungun mu ne Iesu. Diga lok, “Ana laradi ik lox avukat ti limixin kapmek la neni i anan eburu bok midi!”

Lagale Lavavang At Ne Iesu Karisito Luk Ga Malagan i 16:14

Lubung Parisi diga ronga i na; la diga lok kalise ne Iesu, mila diga vavara aleng lempilas.

Lagale Lavavang At Ne Iesu Karisito Luk Ga Malagan i 2:34

Simion ga lox anarong di la ga lok ti ne Maria xeretna, “Ana lamdak ne Moroa ga soxolik ka i xusu naba lok nedi limixin buaang me Israel diba subu la buaang bok nedi diba xatu at levelinga ren. Neni naba lok ngan loklok katling boro vana at ne Moroa la buaang nedi diba sok tixirixes i;

Lagale Lavavang At Ne Iesu Karisito Luk Ga Malagan i 5:21

Luvuttadi loklox ase at Lenavolo eburu mi lubung Parisi diga epaase kantubu atdi xeretna, “Nege i na laradi i paase vupu ri ne Moroa xeretna? Kopmen teta i epovo kusu na doxoma xepe laxapmek at tara; Moroa xusuk mun i epovo!”

Lagale Lavavang At Ne Iesu Karisito Jon Ga Malagan I 10:20

Buaang atnedi diga lok, “Lagas i nemen teren. Neni ing tangku. Tila ming tonga i?”

Lagale Lavavang At Ne Iesu Karisito Jon Ga Malagan I 18:22

Se ne Iesu ga tong i na, lara leeme silok mo ga tu, ga vasa lavapaales at ne Iesu la ga lok, “I lok kapmek do u paase keretnom ti lamaasa gomgo.”

Lagale Lavavang At Ne Iesu Karisito Jon Ga Malagan I 5:16

Kuren la luvuttadi amgomgo diga ru ka i xusu dina munepen mi ne Iesu, mila neni ga lox aroo mo laradi at laaleng kaala.

Lagale Lavavang At Ne Iesu Karisito Jon Ga Malagan I 7:12

Buaang atnedi limixin diga paase siksikma mu ne Iesu. La leventaba luvuttadi diga lok, “Neni lagale laradi.” Leventaba diga lok, “Kopmen, neni i sasar asoogong buaang limixin.”

Lagale Lavavang At Ne Iesu Karisito Jon Ga Malagan I 8:13

La lubung Parisi diga lok tin, “Nenu u paase aru axa u, la levelinga ram kopmen nak mokso.”

Lagale Lavavang At Ne Iesu Karisito Jon Ga Malagan I 8:52

Luvuttadi amgomgo diga lok tin, “Anaa maklen ba i do lagas i nemen taram. Abaram ga met, la lavaeme vapaase alii bok diga met, la u lok keretna, do tara na ronga res at levelinga ram, kopmen noxo met.

Lagale Lavavang At Ne Iesu Karisito Jon Ga Malagan I 8:59

Diga ranga ka laxanuat do ri lu ne Iesu; ketla neni ga vas ekula kaxat la ga on basinge loogu laplavang.

Lagale Lavavang At Ne Iesu Karisito Jon Ga Malagan I 9:40

Leventaba lubung Parisi digak lok go eburu min, diga ronga na levelinga, la diga sue i, “U doxoma i do nema bok lengkatli atnama i main?”

1 Korin 15:58

Kuren la luvutnetak mi luvurinuk orong, mina tu lolos at levelinga at ne Moroa la nemen tara ta sar asoogong ka nimi basinge luruturun teren. Minak lox angtang amisik at leven gugu atnimi ri Leeme Silok, atla mikleklen i do leven gugu atnimi ri Leeme Silok, ni noxo lok ngan lavanga gamasa.

2 Korin 4:1

Keneng at lebelemumu at ne Moroa, neni ga raba nama mi na lugugu, kuren la nema ma noxo lox abulubun bok ba.

2 Korin 4:16

Neni mo lavasuun teren la ma noxo lox abulubun; keke i do labantuxu atnama mo irak lok si nga; ketla labaroonan atnama i susu amaxat amisik at levenaleng getgesara.

Galesia 6:9

Nemen gat nedik guta molo basinge leven gugu i lox avukat; atla, do nedik atoxo molo basinge i, mo laaleng tinotno naba vot la nedik ataba dik kaka levempeven teren.

2 Tesalonia 3:13

Luvutnetak mi luvurinuk, nemen mitak molo rik lok leven gugu i nunuan.

Ibru 12:2

Lodoxoma atnimi na tu atkatla at ne Iesu, neni lavasuun la lurutu kaxat at lunuunu atdik. Neni ga siam ka laxasongsongot la lainmangan at laxaba mila ni ga doma mun mo lomomo neni naba ruuna ka i; la na nga neni it kis at lenep tino at loxonin orong at ne Moroa.

Ibru 12:5

Nemen gat mita domampe mo levelinga loklox alolos, i ngan laradi i anasa ne nitna min; mo levelinga i lok keretna, “Nuruk, nemen gat uta doxoma abulubun do ne Moroa, Leeme Silok na lox aleeng u do u lok laxapmek; la nemen gat uta bulu ap mo loklok,

Ibru 3:1

Luvutnetak mi luvurinuk. Nemi bok lavaanat soxolik at ne Moroa mo ga ro ka vam nimi ngan limixin teren. Kuren la mo levempanga ne Iesu gak lox i, ni na veve mam pixan amisik tidik. Iesu, neni Luun Pavang la Lamaasa Gomgo. La na nedik dira nuunu ren.

1 Pita 2:23

At loxonaleng diga paase aksaksa rin, neni goxo vorang di mi teloklok bok kuren; la at laaleng neni ga lok kaka loklox asongot, neni goxo lok tepanga, ketla neni ga lok li levendoxoma axap teren at ne Moroa neni laradi rongtonga linga la na lugugu ren ik mokso rinotno.

Lisilimet 2:3

Aklen i do nemi mira tu tuxuruxun pam at lunuunu atnimi, la migap kip levesongsongot mi lomomo, mo levesongsongot mumu laasen tarak, la mixo molo xape lunuunu atnimi.