Ibru 12:14 - Madak

¹⁴ Mina lolos kusu mina nemen at lumulum eburu mi limixin axap, la mina nemen mokmokso, mila do tara noxo ruuna loklok mokmokso, neni noxo ven ne Moroa at lorooro melemu.

Ibru 12:14 Iomraidhean Croise

Sam 120:6

Agarak lok eburu amisik pam minedi limixin ua dixo sisiam ka limila.

Sam 133:1

I milik maraanu la i nunuan aleng at loxonaleng limixin at ne Moroa di nemen buru xeneng at lenmila oon.

Sam 34:14

Mina repukus basinge laxakapmek la minak lok leveloklok avukat. Mina lolos amisik ti ruuna ka limila ukeneng at lorooro axap atnemi.

Sam 38:20

Nedi di sepo lununuan mi laxakapmek; kopmen dina etaba belen minia atla nia a mumu asu langas mokmokso.

Sam 94:15

Levendoxoma mokmokso naba ravasu xeneng at levenaleng dina tu at lavapaase. La limixin mokmokso axap diba su auru rino mo levendoxoma.

Lagale Lavavang At Ne Iesu Karisito Mak Ga Malagan I 9:50

Laxakures neni lavanga avukat. Ket do lololos teren na xap, kopmen bok ba tangas kusu diba lox i la na so xakures manga. Kuren la mina lox aumsu lorooro atnimi mi leven gugu nunuan kusu mibat kis eburu at limila.”

Lagale Lavavang At Ne Iesu Karisito Luk Ga Malagan i 1:75

At levenaleng axap at lorooro atdik, atap kip lugugu ren mi loklok i xaala la ik mokso.

Lovoang At Ne Pol Ti Limixin Nunu to Rom 12:18

Mina lok lempanga avukat i epovo atnimi, kusu minabak lok at lenmila eburu mi limixin axap.

Lovoang At Ne Pol Ti Limixin Nunu to Rom 14:19

Kuren la minak paxaru li levendoxoma atnemi at levempanga naba raba nimi mi limila, la naba lok tooro bok ti lox alolos lunuunu at limixin axap.

Lovoang At Ne Pol Ti Limixin Nunu to Rom 6:22

Ketla, amo nga migara sepmus pam basinge laxapmek, la mo nga mi lok ngan lavaanat saxaruki at ne Moroa; mo lavanga nemi minaba lok kaka i, neni lorooro i xaala, la livipisik teren neni lorooro avolo.

1 Korin 1:10

Luvutnetak mi luvurinuk. At laasen at Leeme Silok atdik ne Iesu Karisito, a sing nimi do nemi axap mina etaba belen, kusu kopmen tekarakat noxo nemen kantubu atnimi. Nemi axap mina ru buru mi legeso doxoma la mi lumulus at lebelen nimi.

1 Korin 13:12

La kerepmo nanga dik kopmen ata xasep at levempanga ne Moroa i lox i ridik, i ngan laradi i reven lemeren at liriong kopmen na xasep. Ketla melemu at lomlong at ne Iesu Karisito, dik taba epen etang mi ne Moroa. Nanga lakleklen atdik mumu ne Moroa i lixilik mene, ketla melemu tabaklen axav i, kerekngan ne Moroa ikleklen axap dik.

2 Korin 6:17

Kuren la mina vas su basinge limixin kapmek la mina nemen petpes basinge di. Nenia Leeme Silok ne Moroa a tong i na.” Moroa ga tong box i xeretna, “La nemen mita vubeles at laxapmek, kusu nia aba siam ka nimi.

2 Korin 7:1

Larapen tangas orong tarak. Na levelinga a tong pam i, ni levengkakaape ne Moroa ga lox i ridik; kuren la ata lox adadat dik basinge leveloklok kakapmek axap, mo i lox abilinga labantuxu la labaroonan atdik, la ata lok ka luruptuvuk i xaala, mi loklok ngangao atdik ti ne Moroa.

Galesia 3:21

Kereva ba, Lenavolo i ra korop levengkakaape at ne Moroa? Kopmen tinotno. Amo dola neni gita raba bok tenavolo rim taba lorooro, i lok ngan do limixin axap ding tonga res at Lenavolo, nedi dinabak mokso basinge loklok kakapmek. Ketla kopmen na ruturun.

Epesas 5:5

Nemi mina xasep at na. Do tara na lok loklok kakapmek maxamang at lixitkis epot, kopla na lok lengkot mamangan, kopla loklok ti belegaao (na loklok i ngan loklok ti lotu saparap lempoovo moroa), kopmen toxot tin to xeneng at Linintoo at ne Karisito la ne Moroa.

Pilipai 3:12

Nenia axo doma i do ara rebeng ka vam mo lorooro la ara ravasu ngan laradi xopmen taxapmek teren. Nenia move a lolos kusu ana rebeng atmatkun ka mo loklok i nunuan, mila ne Iesu Karisito ga un ka ia do tin.

1 Tesalonia 3:13

La kerepmo neni na lox alolos lorooro atnimi xusu lorooro atnimi nak mokso aleng at lemeren ne Moroa ne Temen dik, ap mo laaleng ne Iesu, Leeme Silok atdik nabamlong eburu mi limixin dadat teren.

1 Tesalonia 4:7

Moroa ga ro ka nimi xusu mina dadat aleng, kopmen do ri lox abilinga lorooro atnimi.

1 Tesalonia 5:15

Nemen gat tara guta vorang laxakapmek mi laxakapmek. Ketla mina lolos amisik kusu mina lox asuusu loklox anare kantubu atnimi la limixin petpes bok.

1 Timoti 6:11

Ketla nenu, laradi at ne Moroa, una ru asepsu at nai levempanga. La una lolos ti loklok mokmokso at ne Moroa, lunuunu, labalamu, la loklok ti tu lolos kantubu at levenmumuat, la lixitkis atnaasan.

2 Timoti 2:22

Kuren la una ke xepe leveloklok kakapmek, kerekngan loklok at luvuraau; la una lolos kusu una mu asu leveloklok keretna; loklok mokmokso, lunuunu, labalamu, la limila. Una lok na levempanga eburu minedi limixin di nuunu at Leeme Silok la nedi lorooro atdi i lok nunuan.

Ibru 12:10

Luvuttemen dik diga lox aleeng dik at leventaba levenmaares mun mumu lodoxoma atdi; ketla ne Moroa i lox aleeng dik kusu ataba vee radi avukat la ataba lok ka mo loklok teren ik mokso axap.

Ibru 9:28

La kerepmo ne Karisito ga met gesara mun ngan laplavang kusu na lox adadat buaang limixin basinge laxakapmek atdi; la neni nabamlong bok sev agepura, kopmen ti met nop loklok atdik, ketla neni naba lox arooro rino nedi dit kis tangais i.

1 Pita 3:11

La neni na ke xepe laxakapmek la nak lok luvukat, la neni na lolos ti lok ka limila keneng axap at leveve ren.

1 Pita 3:13

Nege naba lox asongot parang nemi do levendoxoma atnemi naplivi rik lok luvukat?

2 Pita 3:11

Kuren la nemi minaba lok ngan limixin sala rinotno, do minaklen i do na lavatbung menemen naba rem utut keretna? Lorooro axa atnemi na xaala la kopmen taxakapmek noxok lok teren.

2 Pita 3:18

Ketla minak lox epasum i xusu mina susu xeneng at letaba nabalamu la lakleklen at Leeme Silok atnedik la Laradi Loklox Arooro ne Iesu Karisito. La leemi asu xusuk tin, ningina la amisik! I ruturun.

3 Jon 1:11

Lentangas tinotno rak. Nemen gat uguta mu asu loklok at luvuttadi xapmek; ketla una mu asu leveloklox avukat. Do nege i lok leveloklox avukat, neni at ne Moroa; la do nege i lok laxakapmek, neni kovisi na ven kibis ne Moroa.