Ibru 12:1 - Madak

¹ Buaang nedi lavalabat atdik no vana at laxalibet mo di reven dik ngan laneelen di reven lekampoovo; kuren la mina ke xepe levempanga axap mo ik lox angtang lunuunu atnimi la mina ke xepe bok laxakapmek mo nemi mik sak kikixin teren, la minak sixit eburu mi lololos ap mo lekampoovo ne Moroa ga lox agagas i rinimi.

Ibru 12:1 Iomraidhean Croise

Sam 18:23

Iklen i do kopmen tibilinga rak, la aga lok tatao avukar ia la nia goxo lok taxakapmek.

Metiu 10:22

Limixin axap diba belemamao nimi mila mi mumu asu ia. Ketla lara do i tu lolos keneng at levesongsongot ise at laxavaxap ap mo levenaleng, ne Moroa naba lox arooro i.

Metiu 24:13

ketla do tara na tu tuxuruxun at lunuunu ren se at laxavaxap ap mo levenmaares lolos, Moroa naba lox arooro i.

Lagale Lavavang At Ne Iesu Karisito Mak Ga Malagan I 10:50

La neni ga lok kepe lavanga singsiga me maxamang teren la ga xatu soso la ga vot pasa ne Iesu.

Lagale Lavavang At Ne Iesu Karisito Luk Ga Malagan i 12:15

La ni ga vaase rinedi axap, “Mina reven avukat, la mina lok tatao avukat nimi basinge lempanga at na lorooro; mila lorooro ruturun ti laradi kopmen dina lok ka i at na lavatkangka, keke i do neni ip novos aleng.”

Lagale Lavavang At Ne Iesu Karisito Luk Ga Malagan i 16:28

kusu neni nabat pas la na vaase aronga bok lavalimo luvutnetak la di noxot pas bok ti na lemenemen songsongot.’

Lagale Lavavang At Ne Iesu Karisito Luk Ga Malagan i 21:34

La ne Iesu ga lok keretna, “Mina lok tatao avukat nimi! Nemen mita esum solo mi loklok lara peluxa la liinin lara kadan lolos, la nemen mita bulu mu na lorooro; lavanga nom laaleng na vot asangu nimi.

Lagale Lavavang At Ne Iesu Karisito Jon Ga Malagan I 3:32

Neni i paase mi levempanga neni ga ven i la gang tonga i, ketla kopmen teta i siam ka levelinga ren.

Lagale Lavavang At Ne Iesu Karisito Jon Ga Malagan I 4:39

Buaang atnedi limixin me Samaria ap mo lemenemen diga nuunu at ne Iesu mila latkin ga lok do, “Neni ira tong axasep pam ia mi lempanga axap nenia agak lox i.”

Lagale Lavavang At Ne Iesu Karisito Jon Ga Malagan I 4:44

Ganoxa ne Iesu ga lok, “Laradi vapaase alii, kopmen di noxo lok ngangao ren to at lenep axa ren.”

Lovoang At Ne Pol Ti Limixin Nunu to Rom 12:12

Lodoxoma voovo atnemi na umsu mi lomomo. Minak lok atnaasan at levenaleng mi ekip tangarang mi levenmumuat, la mina ngising amisik.

Lovoang At Ne Pol Ti Limixin Nunu to Rom 2:7

Leventaba at limixin dik lox amisik leveloklok i nunuan, kerepmo di puse ri lisisixam mi loklok ngangao la lorooro nunuan; ne Moroa naba raba di mi lorooro avolo.

2 Korin 7:1

Larapen tangas orong tarak. Na levelinga a tong pam i, ni levengkakaape ne Moroa ga lox i ridik; kuren la ata lox adadat dik basinge leveloklok kakapmek axap, mo i lox abilinga labantuxu la labaroonan atdik, la ata lok ka luruptuvuk i xaala, mi loklok ngangao atdik ti ne Moroa.

Galesia 2:2

Agat pas ugo atla, ne Moroa xa ga vaase i ria xusu anat pas ugo. La keneng at lara lixitkis buru atnama mi lubung amgomgo kusuk mun, nenia aga soxomus Lagale Lavavang a vavang min ti limixin kopmen di me Judaia. Nia aga lox i na xusu dina siam mu mo lugugu rak. Lavanga no lugugu avot tarak la ana lugugu at na levenaleng na subu.

Galesia 5:7

Gano nemi miga mumu asu avukat tinotno levelinga at ne Moroa. Ketla lavanga sala gara sep pepe bok ba nemi xeneng at lorongtonga res at luruturun? Nege gara sat amlong bok ba lodoxoma atnemi?

Epesas 4:25

Kuren la nemi getgesara mina lok pes kepe levelinga xaxarang la mina paase mi luruturun ti limixin at ne Moroa, mila nedik axap lengkot at labantuxu at ne Karisito.

Pilipai 1:30

Nedik ta nemen ap mo leesep. Nom mun leesep miga reven ia aga esep teren migomgo, la miga ronga i do nia move a vesep tin at lorooro rak.

Pilipai 2:16

Mina nemen avukat at levenaleng mi tong asu levelinga at lorooro rinedi. Dola mina lox i kuren, nenia bok anaba xip aurut nimi at laaleng ete at ne Karisito, mo naba lox asuusu i do lugugu rak la lololos tarak goxo xap gamasa at lugugu ren.

2 Timoti 2:4

Laradi esep i gugu lolos kusu laradi gomgo ren na lok momo min, la neni noxo gugu at teven gugu vetpes.

2 Timoti 4:7

Nenia aga lolos kusu ana sixit avukat at lekampoovo, la arak sixit pam at loxot i vaxalom, ketla am tebeng avarang lunuunu.

Ibru 6:15

La ne Abaram gat kis atnaasan mun la ga ngangais ne Moroa, se ni ga lox asorun mo lavapaase alii rin.

Jems 1:3

atla miklen i do nom levenmumuat i tupot parap nimi kusu ri lox alolos lunuunu atnimi la melemu miba tu tuxuruxun keneng at lunuunu atnimi.

1 Pita 2:1

Kuren la mina lok pes laxaloklok kakapmek basinge nemi; la nemen bok ba mita xaxarang, kopla mina lili aage levelinga, la mina reven peves, kopla mina lox asi tara mi levelinga.

1 Pita 4:2

Kuren la mina ke axap lorooro atnemi at na lavatbung menemen kusu mina mu asu lodoxoma at ne Moroa, la kopmen lavavara kapmek mun at luvuttadi at na lavatkangka.

1 Pita 5:1

Nenia lamgomgo at lotu ngan lubung amgomgo dik lok kantubu atnimi. Nenia aga ven levesongsongot ne Karisito gap kiv i, la nenia anaba ruuna ka lisisixam eburu minemi mo naba ru asuvos. La a sing nemi lubung amgomgo xeretna,

1 Pita 5:12

Ne Sailas ga lok tooro ia xusu ri malagan na lovoang mutmut tinemi, la neni netak at laasen at ne Karisito. A vara i xusu ana lox alolos nemi mi levelinga at na lovoang, anai neni letaba nabalamu rinotno at ne Moroa. Kuren la mina tu lolos keneng teren.

2 Pita 1:6

la minak lox epasum lavatpas adoxoma at luruptuvuk atnemi ukeneng at lakleklen atnemi; la minak lox epasum lurutu lolos ukeneng at lavatpas adoxoma atnemi; la minak lok epasum lomokmokso ukeneng at lurutu lolos atnemi;

Lisilimet 1:9

Nenia ne Jon, neton nemi limixin mi nuunu at ne Iesu. La nenia na ap kip levesongsongot eburu minimi, la nedik eburu lavaanat at Linintoo ren, la ata tu tuxuruxun at lunuunu atdik, do nedik ata ekip tangarang mi levesongsongot. Nenia agak lok at losoxan to Patimos, nia aga nemen go ngan laradi xokoxo mila nia aga tong asu Lagale Lavavang at ne Moroa mi levelinga ruturun at ne Iesu.

Lisilimet 13:10

‘Do ne Moroa gara tong li vam i do tara nabat pas ti loxokoxo, neni naba vubeles ti loxokoxo; la do ne Moroa gara tong li vam i do diba sep tara mi lavarise sepsep, neni naba uu at leesep mi lavarise sepsep.’ Jer 15:2, 43:11 Kuren la limixin at ne Moroa dina tu tuxuruxun at lunuunu atdi la dina ngangais mi lomomo keneng ap mo levenmumuat.

Lisilimet 22:16

Nenia ne Iesu. Ara riki vam laangelo rak tinemi limixin at lotu xusu ni na vaase axasep nimi mi na levelinga. Nenia lavatturunen la livisik li at ne Devit; la nenia lentian i soosoo aleng.

Lisilimet 3:10

Nemi miga momo ri mumu asu levelinga rak, ga lok keretna, ‘Mina tu lolos kantubu at levenmumuat.’ Kuren la aba lok kepe nimi basinge nom levenmaares mumuat mo naba vot at na lavatbung menemen, kusu na lok tong pen limixin axap.