Ibru 11:4 - Madak

⁴ Abel ga ruuna lunuunu, kuren la neni ga raba ne Moroa mi laplavang ga lox avukat ti laramtaba at ne Kaen. Abel ga ruuna lunuunu, kuren la ne Moroa ga emi asu min la ga raba i mi laasen do laradi mokmokso, ap mo laaleng ne Moroa ga siam ka leventamtaba ren. Lunuunu ren move i ngan lampoovo ridik kusu ata mumu asu i, keke i do neni ga met pam.

Ibru 11:4 Iomraidhean Croise

Metiu 23:35

Kuren la minaba xip tutu mi lanmet at limixin mokmokso at na lavatbung menemen, ga ru ka i mi lanmet at ne Abel ga se at lanmet at ne Sakaria, nitna ne Berakaia, mo lavalabat atnimi diga sev amer i ro xantubu at loogu laplavang la loxonin laplavang.

Lagale Lavavang At Ne Iesu Karisito Luk Ga Malagan i 11:51

at laniu at ne Abel ga se at laniu at ne Sakaria, no lavalabat atnimi diga sev amer i ro xantubu at loxot kokotos taba levempanga e xusu ri ne Moroa la loxot i xaala. I ruturun tinotno. A tong i rinimi do limixin at na levenaleng dinabap kip langsangan lumumuat mumu nedi axap!

Taitas 1:16

Di tong i do di nuunu at ne Moroa, ketla kopmen na ruturun; mila levempanga nunuan kopmen na ravasu at lorooro atdi. Loklok atdi i lok kapmek at lemeren ne Moroa la at lemeren limixin. Nedi limixin tongtonga xepe mun, la dixo epovo na lok tevempanga i nunuan.

Ibru 11:2

Kerepmo la ne Moroa ga emi asu minedi lavalabat atdik gano, mila diga ruuna lunuunu.

Ibru 12:1

Buaang nedi lavalabat atdik no vana at laxalibet mo di reven dik ngan laneelen di reven lekampoovo; kuren la mina ke xepe levempanga axap mo ik lox angtang lunuunu atnimi la mina ke xepe bok laxakapmek mo nemi mik sak kikixin teren, la minak sixit eburu mi lololos ap mo lekampoovo ne Moroa ga lox agagas i rinimi.

Ibru 12:24

Mira vosiga vam ne Iesu, neni ga lok lumulum ti lekabus maxat kantubu at ne Moroa eburu mi limixin, la mira vot pam ap mo loxot ne Iesu ga semla li lada ren to melamgo at ne Moroa ngan luunun ti laxakapmek at limixin. Mo lada ren i lox avukat ti lada at ne Abel, mila lada at ne Abel ga lox asuusu lumukmusak at ne Moroa ketla lada at ne Iesu i lox asuusu lumulum.

Ibru 5:1

Lavamaasa amgomgo axap Moroa i soxolik ka di xantubu at limixin kusu dina ru katling di at lugugu at ne Moroa. Dim taba leventamtaba ri tong loklox avukat ti ne Moroa la diplavang bok mi levempanga mi lavanuet kangkedek ti laxakapmek at limixin.

Ibru 9:22

I ruturun aleng do levempanga axap diga lok mo lugugu min, diga lox axaala di mi lada xerekngan Lenavolo i tong i. La do lada noxo sen, Moroa noxo doxoma xepe laxakapmek at limixin.

2 Pita 2:8

Mo laradi avukat gak lox eburu minedi, at laxanaleng axap; la neni gang songot mi lanbulu at levenaleng neni ga reven i la gang tonga leveloklok kakapmek atnedi.

Lovoang At Ne Jut 1:11

Naba lok kapmek aleng tidi. Nedi di mu asu loklok at ne Kaen. La di ke lodoxoma avukat tik lok ka lempilas kerekngan ne Balam. Nedi limixin tongtonga xepe xerekngan ne Kora la diba uu bok kuren.