Ibru 11:33 - Madak

³³ diga ruuna lunuunu, kuren la leventaba atdi diga sep kepe levenabung mixin, leventaba atdi diga lok tatao limixin atdi mi loklok mokmokso, la kerepmo ne Moroa ga lok tooro di xerekngan neni ga vaase alii min tidi; la leventaba atdi, lavamolon diga lu arup midi uto at laramet laion la lubung laion di goxo epovo na anan di, mila ne Moroa ga vamngus lubung laion.

Ibru 11:33 Iomraidhean Croise

Sam 144:10

Uk lox alolos lavaorong kusu dinak sak tup mi lavamunepen atdi, la uk lox (paxat) asepsu lasaxaruki ram ne Devit.

Sam 91:13

Minabat pas povorok asi lempat laion mi lempat sii, mo lempat laion atat la lempat sii mamao.

Metiu 5:12

Do dina lox i xuren, mina momo la mina sosoro, mila langsangan luunun miba ruuna ka i ro vana at laxalibet. Limixin kakapmek me gano diga lox asongot lavaeme vapaase alii no diga rooro gano. La kerepmo limixin kakapmek diba lox asongot bok nimi.”

Galesia 3:16

La i ngan pam ne Moroa ga lok laxakaape ren ti ne Abaram eburu mi legesi visik li ren. Lovoang Kaala kopmen na vaase mi loxolinga ri limixin solo, ngan loxolinga “Livipisik li ren.” Lavasuun teren do buaang limixin, kopmen. Legesara mene nga, ngan loxolinga, “Legesi visik li ren,” la neni ne Karisito.

2 Timoti 4:17

Ketla Leeme Silok ga nemen eburu minia la ni ga lox alolos ia, kusu nia aga epovo xusu ana tong asu Lagale Lavavang tinedi limixin kopmen di me Judaia la diga ronga i. La Leeme Silok ga lox aroo ia basinge lanmet.

Ibru 10:36

Do mina suma levenmumuat at lorooro atnimi, mina tu lolos at lunuunu atnimi xusu minaba ruuna ka mo leveloklox anarong ne Moroa ga vaase alii min tidik, mo do mina mu asu lavavara ren.

Ibru 11:17

Abaram ga ruuna lunuunu, kuren la ap mo laaleng ne Moroa ga lok tong pen i, neni ga ronga res la ga raba ne Aisak ngan laplavang. Abaram neni mo laradi ne Moroa ga vaase alii rin do livipisik li ren naba umsu aleng. Ketla melemu manga ni ga gagas kusu naplavang mi mo legesa nitna.

Jems 2:18

Taradi na lok keretna, “I lox avukat mun do lara i ruuna lunuunu la lara vetpes i ruuna leven gugu nunuan;” ketla nia a tong i rin keretna, “Do tara xopmen na lok teven gugu nunuan, neni xopmen na ruuna lunuunu. Nia a ruuna leven gugu nunuan, mo i lox asuusu lunuunu rak.”

1 Pita 5:8

Mina lok tatao avukat lavatpas atnimi la mina reven avukat, atla laradi munepen atnemi neni ne Satan im booro saasaa ngan lavat laion mukmusak, la i puse ri tuvuttadi xusu neni nak lox epeseves nedi basinge ne Karisito.