Ibru 11:26 - Madak

²⁶ Moses ga doma i do ik mokso do neni na lok ka lainmangan eburu mi limixin teren at lugugu at Lanarong. Mo lainmangan ga lox avukat aleng ti lapnovos boro Isip, mila neni ga reven ti mo luunun move ne Moroa ba raba i min.

Ibru 11:26 Iomraidhean Croise

Sam 37:16

I lox avukat do laradi nunuan i ruuna lempanga xakalik mene, ketla i lok kapmek do laradi i ruuna lapnovos silok la ik lok keneng at laxakapmek;

Sam 69:20

Levempapaase aksaksa atnedi ira ba koxorop pam leveeve rak; lavarampen abulubun ta ia na. Aga vara tara xusu ri loklok amenemen ia, ketla goxopmen tara go ga lox amenemen ia.

Sam 69:7

Limixin munepen minia di paase aksaksa ria mumu mun u la ara umsu mi lainmangan.

Metiu 10:41

Do nege i seega rangarang leeme vapaase alii mila neni leeme vapaase at ne Moroa, neni naba lok ka luunun ngan at leeme vapaase alii; la do nege i seega rangarang ka laradi nunuan, neni naba lok ka luunun ngan at laradi nunuan.

Metiu 5:12

Do dina lox i xuren, mina momo la mina sosoro, mila langsangan luunun miba ruuna ka i ro vana at laxalibet. Limixin kakapmek me gano diga lox asongot lavaeme vapaase alii no diga rooro gano. La kerepmo limixin kakapmek diba lox asongot bok nimi.”

Metiu 6:1

La ne Iesu ga lok bok tidi, “Mina lok tatao alabat nemi, la nemen mita lok leveloklok nunuan to melamgo at limixin kusu limixin dina ven i la diba emi asu minimi. Mo do mina mu asu na loklok, mi noxo lok ka luunun tinimi boro at ne Temen nimi no vana at laxalibet.

Lagale Lavavang At Ne Iesu Karisito Luk Ga Malagan i 14:14

la ne Moroa naba lox anarong u, mila kopmen dina epovo xusu dina vorang lempanga ram. Ketla ne Moroa axa naba raba u mi luunun at laaleng limixin mokmokso diba xatu kaxat basinge lanmet.”

Lagale Lavavang At Ne Iesu Karisito Luk Ga Malagan i 14:33

La ne Iesu ga lok, “Lavasuun at nai lempapaase poovo keretna; dola tara xopmen na ke xepe axap lempanga ren, neni kopmen na epovo xusu neni laradi loklok ka anasa rak.

Leven Gugu 5:41

Luvuttadi vavang diga vas kaxat basinge luvuttadi amgomgo, diga umsu mi lomomo mila ne Moroa ga siam do diga epovo rip kip lainmangan at laasen at ne Iesu.

2 Korin 12:10

Ti lox aru ne Karisito, a lok momo aleng ti lomolo rak, la levempapaase vupu la levenmumuat la levesongsongot la levenmumuat i lolos aleng, mila do nia a molo, aba suma xaka lololos silok.

2 Korin 6:10

Keke i do ma suma lainbulu, ketla ma momo amisik mun teren; mat kis banbalo, ketla ma lox apnovos nedi limixin buaang; ma xis apkap, ketla ma rebeng kobot ka levempanga axap.

Epesas 1:18

Nia a sing bok ne Moroa do lodoxoma atnemi na rem suang kusu miba xasep ap mo leveloklox anarong, neni ga ro ka nimi ri lok ka i. Mo leveloklox anarong i ngan lapnovos silok i lox avukat aleng la i nemen tangais limixin axa ren.

Epesas 3:8

Nenia laradi lixilik tinedi axap limixin at ne Moroa, ketla neni ga lox asu letaba nabalamu ren tia kusu nenia ana vavang mi ne Karisito, ni i lok ngan lapnovos i silok aleng la kopmen tara i epovo na vuse ka tempanga silok kerekngan neni. La a vavang ti limixin kopmen di me Judaia,

Pilipai 3:7

Nia aga nua i do na levempanga ba lok tooro ia ro melamgo at ne Moroa, ketla xopmen; ara ke xepe vam i na la agalok kun i mi ne Karisito.

Ibru 10:33

At lentaba levenaleng diga sok taba nimi mi laxalinga xapmek la diga lox asongot nimi ro melamgo at limixin axap. At leventaba levenaleng bok miga ru eburu mi nedi diga xip mo levesongsongot.

Ibru 10:35

Kuren la nemen mita soxepe lunuunu atnimi; do minam tebeng lolos teren, Moroa naba raba nimi mi leveloklox anarong i nunuan aleng.

Ibru 11:6

La mo do tara xopmen tunuunu ren, ixo epovo ni na lox amomo ne Moroa, mila do tara i vara na vot pasa ne Moroa, neni na nuunu do ne Moroa mo i rooro la neni i epovo naba lox anarong nedi lebelen di i ngaongao xusu dinaklen ne Moroa.

Ibru 13:13

Kuren la mina xis esogo mi ne Iesu, la minap kip lainmangan kerekngan ne Iesu gap kiv i ap mo laaleng neni ga merem at laxaba ro maxamang ap mo lemenemen,

Ibru 2:2

Lubung angelo diga raba ne Moses mi Lenavolo la ixo epovo do tara na los polo i. Do nege ga ronga xepe i xopla goxo mu asu i, neni ga ba lok ka losongsongot ga epovo at loklok teren.

1 Pita 1:11

Diga puse i xusu dinaklen kaka rinotno loxonaleng at lovotpot at ne Karisito la naba vot kereva. La digam doma vupuse do Loroonan at ne Karisito no gak lok keneng atnedi, ga paase alii mi levesongsongot ne Karisito naba ekip tangarang min la neni naba ru pavaa mo levesongsongot, la melemu ren neni naba lok kaka langsangan lisisixam.

1 Pita 4:14

La do limixin di paase aksaksa rinimi mumu laasen at ne Karisito, luvukat nabat pas tinemi. Lavasuun at na keretna, mo loroonan i lox asuusu lisisixam, ni Loroonan at ne Moroa la ik lok keneng atnemi.

Lisilimet 2:9

Aklen levesongsongot nemi mip kiv i, la aklen i do mit kis pakpakes, ketla nemi mip novos aleng mi lempanga boro vana at laxalibet. Aklen levelinga xaxarang atnedi limixin di tong i rinimi do nedi me Judaia, ketla kopmen, nedi mun limixin lotu at ne Satan.

Lisilimet 3:18

Kuren la a tong lolos i na rinimi do mina un ka logol nunuan mede rak, ni logol laxao in tin pes levenbiva basinge i la imgames aleng; la kerepmo mibap novos aleng. Mina un ka bok levesingsigaara bunbun kusu miba etara pe lengkot mamangan atnimi min, kusu mi noxok lok beleben. Mina un ka bok levendan momonok kusu miba saba li i dom at lengkatli atnimi, kusu miba reven.