Ibru 11:13 - Madak

¹³ Nedi axap luvuttadi diga ruuna lunuunu at lorooro axap atdi se at loxonaleng diga met. Nedi goxo ruuna ka mo levempanga ne Moroa ga vaase alii min tidi, ketla diga ven avaxalom ka mo levempanga la diga momo ka i, keke i do di goxovisi ruuna ka i. La diga siam ka mun lorooro alua at na lavatbung menemen.

Ibru 11:13 Iomraidhean Croise

Sam 119:19

A nemen ngan loose at na lavatkangka, la nemen gat uta lipe levempapaase ali ram basinge ia.

Sam 39:12

Leeme Silok, una ronga lising tarak. Una ronga ri lanteng tarak; una lok tooro ia do nia anang teng tuntun. Nia a lok ngan lavalabat tarak diga nemen ngan lavaose ram nade xopok at na lavatbung menemen atla di goxo rooro abao.

Metiu 13:17

A tong tuturun i rinimi! Buaang nedi lavaeme vapaase alii la buaang bok nedi limixin at ne Moroa diga vavara aleng i do dina reven na lugugu mi reven i; ketla di goxo epovo, la diga vavara box i do dina ronga levelinga rak ming tonga i, ketla di goxo epovo.”

Lagale Lavavang At Ne Iesu Karisito Jon Ga Malagan I 12:41

Aisaia ga tong i na mila neni ga ven lisisixam silok at ne Iesu la ni ga paase alii min.

Lagale Lavavang At Ne Iesu Karisito Jon Ga Malagan I 8:56

Temen nemi ne Abaram ga lok momo aleng do neni naba ven lovotpot tarak, neni ga ven i la ga lok momo.”

Lovoang At Ne Pol Ti Limixin Nunu to Rom 4:21

Neni ga doxoma rinotno i do ne Moroa ga epovo ri lok levempanga neni ga xaape min.

Lovoang At Ne Pol Ti Limixin Nunu to Rom 8:24

Nedik diga roo suu mene i ngan nedik diga doxoma voovo xuren; ketla do ata ven luruturun na vot at lodoxoma voovo atnedik, ataba tong i xeretna do, neni xopmen lodoxoma voovo mo, atla ixo epovo do di doma voovo ri tavanga di ven tu vam teren.

2 Korin 4:18

La amisik ma reven ti ne Iesu, maxo reven ti levempanga at na lavatbung menemen mo noxo nemen abao, ketla ma reven ti levempanga nedik dixo reven i la i nemen amisik.

2 Korin 5:6

Kuren la amisik nedik di abelemes. Atakleklen i do nedik nave dik lok at na lorooro at na labantuxu, di nemen to vetpes basinge Leeme Silok.

Epesas 2:19

Kuren la nemi limixin kopmen me Judaia kopmen mina lok ngan bok ba limixin kadiong. Nemi lavaanat at Linintoo ren eburu mi limixin teren la i lok ngan ta do mi nemen at loogu at ne Moroa.

Ibru 11:14

Limixin di paase xerepmo, i lox asuusu i do temenemen aulis gove di puse rin.

Ibru 11:17

Abaram ga ruuna lunuunu, kuren la ap mo laaleng ne Moroa ga lok tong pen i, neni ga ronga res la ga raba ne Aisak ngan laplavang. Abaram neni mo laradi ne Moroa ga vaase alii rin do livipisik li ren naba umsu aleng. Ketla melemu manga ni ga gagas kusu naplavang mi mo legesa nitna.

Ibru 11:27

Neni ga ruuna lunuunu, kuren la neni ga vas kaxat basinge lemenemen Isip la goxo marat at lumukmusak at loorong silok me go, ketla neni ga tu lolos at lunuunu ren, mila neni ga ven kibis ne Moroa, mo limixin di goxo epovo na ven i.

Ibru 11:39

Diga ruuna lunuunu, kuren la ne Moroa ga emi asu midi, ketla tara atdi goxo lok ka mo leveloklox anarong at lekabus maxat ap mo levenaleng diga rooro ren. Mo leveloklox anarong ne Moroa ga vaase alii min ti limixin teren.

1 Pita 1:1

Nenia ne Pita luun pavang at ne Iesu Karisito. Nia a malagan na lovoang tinemi limixin soksoxolik at ne Moroa; mi lok ngan limixin kadiong ti na lavatbung menemen la mik lox epeseves to at levennep taba ro Pontas, Galesia, Kapadosia, Asia, la Bitinia.

1 Pita 1:17

La minaklen i do ne Temen nemi no vana at laxalibet, no nemi mi ngising tin, neni i viila mumu luruptuvuk at limixin la i viila mumu loklok atdi mi legesampoovo mun; kuren la mina raba axap lorooro atnemi at na lavatbung menemen eburu mi loklok ngangao saparav i.

1 Pita 2:11

Larapen tangas orong tarak. A sing nemi mi lodoxoma axap tarak. Nemi mi lok ngan mun limixin kadiong de at na lavatbung menemen, kuren la mina ru asepsu basinge leveloklok kakapmek at labantuxu, atla neni na leveloklok i vesep eburu mi labaroonan atnemi.

1 Jon 3:19

Do nedik ta ruuna labalamu xerepmo, i lox asuusu i do nedik luvuttadi at ne Moroa, mo i ruturun. La kerepmo nedik ta noxo suma lanmarat ap mo laaleng dik taba ru ro melamgo at ne Moroa.