Ibru 10:29 - Madak

²⁹ Kerepmo la do tara na sok kepe lunuunu ren at ne Iesu, i lok ngan ta dola i vas axangka ne Nitna ne Moroa; la neni i lok lada at ne Iesu ngan ta lavanga gamasa, mo lada at lekabus maxat ga sen kusu na lok kepe laxakapmek teren, la ira vaase vupu vam ti Loroonan Kaala, mo i lox asuusu letaba nabalamu at ne Moroa ridik. Do tara na lok na leveloklok kakapmek, neni naba lok ka loklox asongot silok.

Ibru 10:29 Iomraidhean Croise

Sam 143:10

Nenu ne Moroa rak; una lox ase ia mi langas ti mumu asu lavavara ram. Unak lok luvukat tia, la una sasat ia pana at langas manmanton.

Sam 91:13

Minabat pas povorok asi lempat laion mi lempat sii, mo lempat laion atat la lempat sii mamao.

Metiu 26:28

Lada rak na la i lok katling lekabus maxat. Lada rak ba sen su xusu ri limixin buaang, ne Moroa naba doxoma xepe leveloklok kakapmek atdi.

Metiu 7:6

Nemen gat mita raba lubungman mi lempanga i xaala. Mo do mina lox i xuren, dinaba rem gili mu nimi la diba at koxorop nimi. La nemen mita lu raba lababo mi leven peal atnimi; mo do mina lox i xuren, diba but axangka i mi lengkangkedek atdi.”

Lagale Lavavang At Ne Iesu Karisito Mak Ga Malagan I 7:2

La diga ven i dola lentaba at luvuttadi loklok ka anasa at ne Iesu diga anan mi levengkikngen di, ua di goxo gos avot mun be lengkikngen di; la kerepmo lubung Parisi diga lok do luvuttadi loklok ka anasa diga lox abilinga lorooro atdi.

Lagale Lavavang At Ne Iesu Karisito Luk Ga Malagan i 12:10

Do tara na tong toxolinga bilinga mumu ia, Laradi Mevana, i epovo do ne Moroa naba doxoma xepe nom laxakapmek teren; ketla do nege i tong lempanga i lok kapmek mumu Loroonan Kaala, ne Moroa noxo doxoma xepe nom laxakapmek teren.

Lagale Lavavang At Ne Iesu Karisito Jon Ga Malagan I 10:36

La ne Tamak ga soxolik ka ia la ga riki ia ude at na lavatbung menemen. Tila ba la, mia tong i do nenia a paase vupu ri ne Moroa mila a tong i do nenia Nitna ne Moroa?

Lagale Lavavang At Ne Iesu Karisito Jon Ga Malagan I 17:19

La ana raba lorooro rak kusu ri lok tooro di la kusu nedi bok diba raba ruturun lorooro atnedi ri lugugu rak.”

Leven Gugu 7:51

La ne Stiven ga lok bok tidi, “Miba baulang alika? Lingisa ba minaba siam ka levelinga at ne Moroa ukeneng at lebelen nimi? La lingisa ba nemi miba ronga res at levelinga at ne Moroa? Nemi mi lok ngan pam lavalabat atnimi; nemi bok na mi xopara ri Loroonan Kaala!

Lovoang At Ne Pol Ti Limixin Nunu to Rom 16:20

La ne Moroa laradi at lenmila, mo ma lixilik na but povorok ne Satan to maxopok at lengkangkedek atnimi. Letaba nabalamu at Leeme Silok atdik ne Iesu nak lox eburu minemi.

1 Korin 11:27

Do nege i anan at lakde kopla i inin at lakap at Leeme Silok la ixo lox i mi loklok ngangao, neni i lok pam laxapmek ti labantuxu mi lada at Leeme Silok.

1 Korin 11:29

Do tara xopmen na ven kibis lavasuun at lakde mi lakap, neni ira sok ka vam loxot tin do neni i anan la i inin at nom leluxa at Leeme Silok.

1 Korin 15:25

Karisito naba nemen ngan laradi gomgo se ne Moroa naba sev asi axap nedi dit kis munepen min la na lok li di maxopok at luxangkedek at ne Karisito.

1 Korin 15:27

I ngan Lovoang Kaala i tong i do, “Moroa naba lok li levempanga axap maxopok at luxangkedek teren.” Kopmen lavasuun teren do ne Moroa bok nak lok maxopok at ne Karisito, ketla ne Moroa ga lok li levempanga axap maxopok at ne Karisito. Na i xasep tinotno.

1 Korin 6:11

Lentaba atnimi digak lok kerepmo. Ketla ne Moroa ga gos nemi axap basinge laxakapmek atnimi; la nemi xa ga ravasu ngan limixin dadat at ne Moroa; la at laasen mun at Leeme Silok ne Iesu Karisito la mi Loroonan mun at ne Moroa, neni ga lox asepmus nimi basinge loklok kakapmek.

Epesas 4:30

Nemen mita lox abulu Loroonan Kaala at ne Moroa. Loroonan Kaala neni loklok katling ne Moroa ga raba vam nimi min, i ngan lampinebeng ti loklox arooro atdik.

Epesas 5:26

Neni ga lox i xuren kusu ri lox adadat di basinge laxakapmek. Ni ga lox adadat di mi levelinga ren i ngan ladan.

Ibru 10:10

Ne Karisito ga mu asu lavavara at ne Moroa, la neni ga raba lorooro ren ngan laplavang at legesa xonaleng mun kusu na lox adadat limixin basinge laxakapmek atdi.

Ibru 12:25

Mina lok tatao avukat nimi xusu mi noxo ronga xepe ne Moroa, mo i paase rinimi. Moroa ga paase ri lavalabat atdik to Sinai, ketla buaang atnedi diga ronga xepe levelinga ren la diga ekip tangarang mi lebelemamao ren. La kerepmo bok, do nemi mina ronga xepe levelinga at ne Moroa no vana at laxalibet, ixo epovo do mina sepsu at lebelemamao ren, mila levelinga ren tidik i mumuat aleng ti mo levelinga neni ga raba di min.

Ibru 13:20

Moroa at lumulum ga lox aroo amlong Leeme Silok atdik ne Iesu basinge lanmet; la at lada ren neni ga vaxaru kaxat lekabus maxat mo ba nemen amisik. Neni laradi loklok tatao atdik ngan laradi i lok tatao lubungsipsip teren.

Ibru 2:11

Ne Iesu eburu minedi limixin ni ga lox adadat di, dik lok keneng at legesa xitkis koetemen. Kerepmo la ne Iesu neni i lok momo aleng ti tong di do luvutneton.

Ibru 2:3

La kerepmo bok do nedik ata ronga xepe Lagale Lavavang, ixo epovo do nedik taba sepsu basinge lebelemamao at ne Moroa. Leeme Silok neni avot ga ru ka lavavang at langas ti loklox arooro, la nedi luvuttadi vavang diga ronga xaka mo levelinga ren, la diga lox aruturun i ridik.

Ibru 4:14

Nedik di ruuna Lamaasa Avolo, neni ga urut pam uto vana at laxalibet, la mo nga it kis at lekngen tino at ne Temen. Neni ne Iesu, Nitna ne Moroa. Kuren la nedik atam tebeng lolos mo lunuunu atnedik tagara ruuna ka vam i.

Ibru 6:4

Nedi limixin diga ronga Lagale Lavavang la diga nuunu ren la digara suma vam lomomo at lorooro avolo la digara lok ka vam Loroonan Kaala, la digaraklen pam lorooro nunuan ne Moroa ga vaase alii min ti limixin, la digara ven pam ne Moroa ga lok levempanga sangsangu; do mo limixin dina raba arulu ne Moroa, ixo epovo xusu dina leeng basinge mo laxakapmek mila ap mo mun loklok i lok ngan ta do nedi xa dira vaxarem amu manga ne Nitna ne Moroa ro at laxaba, la kerepmo dira lok li manga i at lainmangan to at lemeren limixin.

Ibru 9:13

Lada at laxanme la laxanbulumaxao la laxakup at lanat bulumaxao diga kotos i, lamaasa gomgo ga sep susu limixin min, nedi nom diga lok laxakapmek kusu dina dadat to maxamang mun.

Ibru 9:20

Moses ga lok keretna, “Na lada neni loklok katling at lekabus no ne Moroa ga tong i do ata mumu asu i.”

Lisilimet 1:5

la lavapaase momo bok boro at ne Iesu Karisito, neni laradi ruturun at lavapaase ruturun la neni lara avot mo ne Moroa ga lox axatu kaxat amlong i basinge lanmet, la ni lamgomgo at lavaorong silok at na lavatbung menemen. Ne Iesu ga balamu nedik la ga lox asepmus dik basinge laxakapmek mi mo lada ren.