Ibru 10:24 - Madak

²⁴ La mina doxoma ka teventaangas kusu mina lox axatu lebelen nimi ri elok tooro ela la lorooro atnimi na umsu mi labalamu la leveloklok i nunuan.

Ibru 10:24 Iomraidhean Croise

Sam 41:1

Nedi di doma mu solo limixin banbalo, dina momo; Leeme Silok naba lok tooro di mo do dina ekip tangarang mi levenmumuat.

Leven Gugu 11:29

Limixin nuunu boro Antiok diga vaase i do dina lok tooro limixin nuunu ro Judaia. Nedi diga ruuna lempilas buaang, diga raba i.

Lovoang At Ne Pol Ti Limixin Nunu to Rom 11:4

Lovoporang sala ne Moroa ga raba i min? Ni ga vorang i rin keretna, “Nenia move a ruuna lavanuti larabin sangsangaun kobot (7000) limixin di kox ia la kovisi dina lotu saparap lomoroa xaxarang ne Baal.” 1 Lav 19:18

Lovoang At Ne Pol Ti Limixin Nunu to Rom 12:15

Mina lok momo minedi di momo la minang teng buru minedi ding teng.

1 Korin 10:33

Minak lok levempanga i ngan nia ak lox i. A lok tong pen i do ana lox amomo limixin axap at levempanga nenia ak lox i. Nia xopmen ana lolos kusu ri lok lempanga ria, ketla a doma mumu loklok tooro ri limixin axap kusu di naba lok kaka lorooro avolo.

1 Korin 9:22

Kantubu atnedi lunuunu atdi ixo lolos, ana nemen ngan bok di, kusu aba lok ka bok di la ana lox alolos lunuunu atdi. La kerepmo a lox ia ngan limixin axap, kusu aba sat ka bok tentaba atnedi uto xeneng at Linintoo at ne Moroa.

2 Korin 8:8

A noxo lok li teventaangas linga xusu miba mu asu i. Ketla a paase mumu leventamtaba limixin petpes diba raba i, kerepmo ana lok tong mun labalamu atnimi do i lolos aleng ti labalamu at limixin petpes kopla xopmen.

2 Korin 9:2

Akleklen i do nemi mi gagas amisik kusu ri lok tooro, kuren la a lox aru amisik nimi ri limixin Masadonia. Aga tong i ridi do nemi limixin to Grik mi gagas kusu ri lok tooro, ga ru ka i at no lamaares ga xap. Mo lavavara atnemi ga lox axatu buaang levendoxoma xeneng atdi xusu nedi bok dina lok tooro.

Galesia 5:13

Luvutnetak mi luvurinuk. Lorotoro gak lok tinemi xusu minaba sepmus basinge leveloklok la leventaangas at Lenavolo. Ketla nemen gat mi guta ke na loklok at lesepsepmus basinge Lenavolo na lok ngan mun lavanga ri sisiam avolo nemi xusu lorooro at labantuxu atnemi na sasat nemi. Ketla mina ke labalamu ri lok tooro nemi xusu minaba elok tooro ela,

Galesia 5:22

Ketla mo lara i ruuna Loroonan Kaala at lorooro ren i pisik asu labalamu, lomomo, lenmila, loklox atnaasan, loklox anare, luvukat, loklok tuturun,

Galesia 5:6

Do nema mak lox eburu mi ne Iesu Karisito, mo leveloklok ti rivit kepe lengkontuxu kopmen lavanga silok; ixo lok petpes tinotno xantubu at taradi diga vit kepe toxontuxu ren la tara di goxo vit kepe toxontuxu ren. Ketla legesa vanga mene nga i silok aleng, neni lunuunu la labalamu i ravasu ren.

Galesia 6:1

Luvutnetak mi luvurinuk. Amo dola limixin nuunu dina long terek tara xantubu atdi do neni i lok tavanga i lok kapmek, nemi limixin tongtonga res at Loroonan Kaala, mina lox akmokso mo laradi; ketla mina lox i mi lumulus. La mina lok tatao avukat lorooro atnemi axa, kusu mo laxakapmek teren noxo lok tong pen nemi.

Kolosi 3:16

La mina ke levelinga at ne Karisito na nemen atmatkun keneng at lorooro atnimi. Mina umsu min mo do mina lox ase la mina vaase axasep ela nimi mi lakleklen at ne Moroa. La minak pixan ti ne Moroa mi lengkompixan at ne Devit la lengkompixan at lotu la lengkompixan emi asu; la lorooro atnimi na umsu mi loklok ti tong avukat saparap ne Moroa.

1 Tesalonia 1:3

Mam doma su amisik atnimi at lemeren ne Moroa mumu leven gugu nunuan miga lox i, mila mi nuunu at ne Iesu Karisito, la mi balamu box i. La mi tu lolos mila mim doma voovo ri lovotpot at Leeme Silok, ne Iesu Karisito.

1 Tesalonia 5:11

Kuren la mina elok tooro ela mi na levelinga la mina lox alolos lorooro atnimi ngan migara lok pam i.

2 Tesalonia 3:9

Gak mokso do mana sing kaka tevempanga atnimi, ketla ma goxo lox i xuren; mila maga vara i do mana lok lampoovo xerepmo rinimi.

1 Timoti 6:18

Una tong i ridi xusu dina lok mun luvukat, la dinap novos mi leven gugu nunuan, kusu dina episa levempanga atdi mi limixin petpes.

Taitas 2:4

Loklok atdi na lox avukat, kusu dina ba epovo na tong asu levelinga ri lavakin maxat keretna; dina balamu lavatlok atdi la dina balamu laxamdak mi laxaalik atdi.

Taitas 3:8

Na levelinga mumu loklox arooro at ne Moroa i ruturun; la una lolos ti tong asu amisix i ri limixin nuunu me Krit, kusu dina lolos ti lok leven gugu nunuan. Na leven gugu nunuan i lox avukat la i lok tooro limixin axap.

Ibru 13:1

Mina balamu ela nimi mila nemi limixin at ne Moroa.

Ibru 13:3

Mina lox asuusu labalamu atnimi rinedi limixin nuunu di nemen at loxokoxo, i lok ngan ta do nemi bok mik lox eburu midi at loxokoxo; la mina lok tooro limixin nuunu mo dip kip losongsongot mumu lunuunu atdi, mila nemi bok migap kip levenmumuat kerepmo.

Ibru 3:13

Ketla at na levenaleng nemi move mi rooro ren, mina epang aru xusu laxakapmek noxo solo arup tara atnimi la lebelen na repe ri levelinga at ne Moroa.

1 Jon 3:18

Luvutnuruk orong. Labalamu atnedik kopmen noxo lok ngan levelinga la lempapaase gamasa mene nga, ketla ata ruuna ka labalamu ruturun, kusu leveloklok atdik ba lox asuusu i do labalamu ruturun mo ik lok keneng atdik.