Ibru 10:1 - Madak

¹ Lenavolo at leme Judaia ni lampoovo mun ti mo leveloklox anarong at ne Moroa mo naba vot. Lenavolo ni xopmen mo leveloklox anarong. Kuren la mo leveloklok tiplavang diga lox amisix i at levenmaares axap, goxo epovo rinotno xusu na lox adadat nedi diga vosiga ne Moroa kusu dina lotu saparav i.

Ibru 10:1 Iomraidhean Croise

Lovoang At Ne Pol Ti Limixin Nunu to Rom 8:3

Lenavolo goxo epovo ri lox arooro limixin atla limixin diga ruuna laxakapmek keneng at lorooro atdi; ketla ne Moroa ga lox arooro dik, neni ga riki asi lamdak tinotno ren, la neni ga lok kepe laxapmek keneng at limixin. La ni ga ruuna ka labantuxu ngan labantuxu at limixin kusu na raba lorooro ren ngan laxaavuk.

Kolosi 2:17

Nom lempanga axap i ngan lamamau mun at lempanga mo ba vot melemu; ketla ne Karisito ni luruturun teren.

Ibru 10:22

Kuren la mina vosiga ne Moroa do lebelen nimi irak mokso vam la lunuunu atnimi irat matkun pam la lebelen nimi xopmen tusumsuma xapmek teren mila ne Moroa ga lox adadat pam nimi kerekngan di gos labantuxu atdik mi ladan i nunuan.

Ibru 7:11

Limixin me Israel di goxo epovo do dina dadat basinge laxakapmek mila xopmen di goxo epovo xusu dina mu asu avukat leventaangas la levelinga at lavamaasa mo digak lok at libibinat at ne Levi; mo leventaangas, ni lavasuun at Lenavolo, ne Moroa ga raba limixin me Israel min. Kuren la limixin digak pakes ti lamaasa vetpes kusu na vot, la ba lok ngan ne Melkisedek; neni noxo lok ngan ne Aron mi lavamaasa at libibinat at ne Levi.

Ibru 8:5

Nedi di gugu ro at loxot kaala nade xopok at na lavatbung menemen, na loxot kaala neni lampoovo mun ap mo loxot kaala no vana at laxalibet. Ni lavasuun teren la ne Moroa ga vaase lolos ne Moses at laaleng neni ga lok do na xip loogu kadis at ne Moroa, la ne Moroa ga lok tin keretna, “A vara i do una xip avukat na loogu ngan lampoovo nia aga lox ase u min to at lakaana Sinai.”

Ibru 9:11

Ketla ne Karisito ga vot ngan Lamaasa Avolo xusu na lox agagas leveloklox anarong at lekabus maxat, ne Moroa im taba limixin teren min. Neni xopmen goxo vubeles at loogu kadis mede xopok, ketla neni ga vubeles uto xeneng at loxot i xaala aleng la i lox avukat aleng no vana at laxalibet, mo loxot limixin kopmen di goxo lox i mi levengkikngen di. Lavasuun at na do mo loxot kopmen nak lok de at na lavatbung menemen la ixo epovo nedik ataba ven i mi levengkatli atdik.

Ibru 9:23

Kuren la ga epovo do limixin dina lox adadat mo levempanga at loogu kadis mi lada at levempanga digaplavang min. Ketla mo levempanga at loogu kadis ni lampoovo mun ap mo levempanga no vana at laxalibet. Ketla mo levempanga ruturun no vana at laxalibet gak pakes ti lada at ne Karisito; la mo lada ren i lolos aleng ti lada at laxanbulumaxao, la mo lada ren ik lox agagas li mo loxot tidik.

Ibru 9:25

Neni ga vubeles uto vana at laxalibet, kopmen tim taba amisik lorooro ren ngan lamaasa gomgo ga pubeles amisik mi lada uto xeneng at loxot i xaala aleng at levenmaares axap, ketla mo lada xopmen lada axa ren.