Ibru 1:14 - Madak

¹⁴ Lubung angelo nedi leventoonan avukat mun, dik lok tooro ne Moroa; la neni ik sak tiki di rik lok tooro nedi limixin ne Moroa ga soxolik ka vam di xusu dinaba lok kaka loklox arooro.

Ibru 1:14 Iomraidhean Croise

Sam 104:4

Uk lok laramera manman di ngan luvuttadi loklok ka linga ram la laxao at lavanga i mam i lok ngan lavasaxaruki ram.

Sam 34:7

Laangelo at leeme Silok ik lok tatao nedi dik lok ngangao aleng teren, la ik lox asepsu nedi basinge levenaniu.

Metiu 1:20

Josep gam doma mumu i na la at lara laxanimin laangelo at ne Moroa ga vot saparav i at loromtobo la ga lok, “Josep. Livisik li at ne Devit. Nemen gat uta marat kusu una lok ka ne Maria ngan latkin tu, mila mo labalan madak neni i ruuna i, neni at Loroonan Kaala.

Metiu 13:41

Nenia, Laradi Mevana, anaba riki asu lubungangelo tarak ti lok ka nedi di lox asubu limixin eburu mi limixin kapmek uto basinge limixin nuunu.

Metiu 18:10

La ne Iesu ga lok bok tidi, “Nemen mita sok tixirixes kepe tara at na laxamdak kakalik mila lubung angelo atdi dit pot pasa amisik ne Tamak to vana at laxalibet. Nia a tong tuturun i.

Metiu 2:13

Se mo luvuttadi leklen diga vas kaxat pam, laangelo at Leeme Silok ne Moroa ga vot parap ne Josep keneng at loromtobo la ga lok, “Una xatu kaxat la una lok kaka lamdak eburu mi nenen la mina sixiro uto Isip, la mina nemen go se nenia aba tong i rinimi do mina on basinge mo lenep, mila ne Erodes mo naba reven pupuke ri lamdak kusu na sev amer i.”

Metiu 24:31

La lubung angelo diba ronga lerengteng at luru la nia aba riki di uto at lengkot axap kusu dina lam kaka lavaanat soxolik at ne Moroa boro at lavanuet laramesuluk at lavanuet laramera manman at na lavatbung menemen.”

Metiu 25:34

La nenia, Loorong Silok, anaba lok ti limixin to saparap lakngak tino xeretna, ‘Ude nimi, limixin ne Tamak ira lox anarong pam nimi. Minat pas ude la mina ruuna ka leveloklox anarong at Linintoo, ne Moroa ga gagas pam min tinimi at lurutu kaxat at lavatbung menemen,

Metiu 4:11

La ne Satan ga on basinge i, la lubung angelo diga vot la diga lox alolos i.

Lagale Lavavang At Ne Iesu Karisito Mak Ga Malagan I 10:17

La ne Iesu ga vas kaxat uto at lenep petpes la lara laradi ga sixit pot, la ga xis tiktikbu mi luvatgulom teren to melamgo at ne Iesu la ga lok tin keretna, “Leeme loklox ase avukat. Nenia ba lok lavanga sala, kusu anaba lok kaka lorooro avolo?”

Lagale Lavavang At Ne Iesu Karisito Luk Ga Malagan i 1:19

Laangelo ga lok tin, “Nenia ne Gabriel. A tu amisik to saparap ne Moroa, mo i sak tiki ia xusu ana vaase tu, la ana tong asu i na levelinga nunuan tu.

Lagale Lavavang At Ne Iesu Karisito Luk Ga Malagan i 1:23

Se neni ga lox axap mo lugugu teren to at loogu laplavang, neni gamlong uto xolonu.

Lagale Lavavang At Ne Iesu Karisito Luk Ga Malagan i 16:22

At lara laaleng laradi banbalo ga met la lubung angelo diga xip kaka i uto saparap ne Abaram, to vana at laxalibet; la nom laradi nopnovos bok ga met la digak mir i.

Lagale Lavavang At Ne Iesu Karisito Luk Ga Malagan i 2:13

La soso mun, buaang nedi lubung angelo boro vana at laxalibet diga vot eburu mi mo laangelo, diga emi asu saparap ne Moroa; la diga lok keretna,

Lagale Lavavang At Ne Iesu Karisito Luk Ga Malagan i 2:9

La laangelo at ne Moroa ga vot saparap di, la lisisixam at ne Moroa ga so axasep nedi la ga vung kamit mo loxot axap. La diga marat aleng tinotno.

Leven Gugu 11:22

Levelinga mumu i na lavanga ga rupot ti limixin nuunu ro Jerusalem; kuren la diga riki ne Banabas uto Antiok.

Leven Gugu 12:23

Ap mo mene loxonaleng laangelo at ne Moroa ga sep ne Erodes mi lanmeres, neni goxo lok ngangao at ne Moroa. Laxangkolon ga anan labantuxu ren la ga met ta.

Leven Gugu 12:7

Soso mun laangelo at ne Moroa ga ru go, la laxasep ga soo to xeneng ap mo loxot. La laangelo ga sox aus ne Pita ro at laxavis teren la ga lok tin, “Soso mun! Katu kaxat!” La mo luvaroos sen ga subu basinge lukngen ne Pita.

Leven Gugu 13:2

At lara laaleng nedi diga lotu saparap Leeme Silok la diga mun anan, Loroonan Kaala ga lok tinedi, “Mina raba ia mi ne Banabas la ne Sol, kusu ri lok lugugu i ngan nia aga soxolik ka vam du rin.”

Leven Gugu 16:26

La soso mun langsangan langne silok ga vot la gak ma mo loogu xokoxo axap. Ap mo mene loxonaleng lumusaragu ga rem suang la lemparoos sen ga remus basinge nedi axap go xeneng at loogu xokoxo.

Leven Gugu 27:23

Nia aklen i na mila at laxanimin laangelo boro at ne Moroa no nenia ateren la a lotu saparav i, i vot pasa ia.

Leven Gugu 5:19

Ap mo laxanimin laangelo at ne Moroa ga suang lumusaragu ap mo loogu xokoxo la ni ga sat asu di ukamang la ga lok tidi,

Lovoang At Ne Pol Ti Limixin Nunu to Rom 11:14

Nia a lok do mo lugugu rak naba lok bok limixin tinotno rak dinaba vaase mumu ia, kuren la anaba lox epovo i xusu ana lok ka amlong teventaba atdi.

Lovoang At Ne Pol Ti Limixin Nunu to Rom 13:6

Ni lavasuun bok at na la nemi mi kepe vempilas atla nedi na luvuttadi amgomgo di gugu ri ne Moroa at loxonaleng di lox epovo lugugu atnedi xeneng atnedik.

Lovoang At Ne Pol Ti Limixin Nunu to Rom 15:16

i ngan laradi gugu at ne Iesu Karisito ti gugu ri limixin kopmen nedi me Judaia. A vavang mi Lagale Lavavang boro at ne Moroa ngan lamaasa, kusu ne Moroa naba siam kaka limixin kopmen di me Judaia ngan laramtaba at Loroonan Kaala ga gagas min tin.

Lovoang At Ne Pol Ti Limixin Nunu to Rom 15:27

Nedi xa diga doma i do dina lox i, atla di suma i do diga lok kaka laxaloklox anarong solo xeneng at Lagale Lavavang ga ravasu at levenngusno at limixin nuunu boro Jerusalem. Kuren la limixin kopmen nedi me Judaia di doma i do di gugu porang ti leme Judaia mi leveloklox anarong at labantuxu.

Lovoang At Ne Pol Ti Limixin Nunu to Rom 8:17

La nedik luvutnitna, kuren la atanaba ruuna xaka leveloklox anarong ne Moroa ga lok li ri limixin teren, la nedik eburu mi ne Karisito atanaba ruuna ka bok leveloklox anarong no ne Moroa ga lok li i rin; atla do nedik ata xip tooro ne Karisito mi losongsongot teren, nedik tanaba ruuna ka bok loxot at lisisixam teren.

1 Korin 1:21

Moroa i ruuna lakleklen solo la ni ga lok pe limixin akleklen kusu kopmen di noxo epovo na vuse sa ren mi lakleklen atdi xa. Ketla ne Moroa ga lok losoxovo do ni naba lox arooro nedi dina nuunu at Lagale Lavavang, keke i do limixin di tong i do Lagale Lavavang ni lavanga gamasa.

2 Korin 9:12

Mo loklok tooro ap mo laramtaba atnimi noxo ven mun ti lavakpakes at limixin at ne Moroa, ketla ba lox asuusu bok buaang lorotong avukat keneng at lorooro atdi ri ne Moroa.

Galesia 3:29

Do nemi at ne Karisito, mi lok ngan pam do nemi livipisik li at ne Abaram, la minaba ruuna xaka mo loklox anarong ne Moroa ga xaape min ti ne Abaram.

Galesia 3:7

Kuren la mina ven kibis i do nedi limixin di ruuna lunuunu, diba ravasu ngan livipisik li rinotno at ne Abaram.

Galesia 3:9

Ne Abaram ga nuunu, kuren la neni ga lok ka loklox anarong, la nedi di nuunu, dinaba lok kaka bok loklox anarong ngan i.

Epesas 3:6

Mo levelinga lipe i lok keretna. At Lagale Lavavang limixin kopmen di me Judaia di epovo na lok kaka leveloklox anarong at ne Moroa kerekngan limixin me Judaia; la nedi legepu bungmixin diba lok ngan lengkot at legesa bantuxu mun la nedi eburu diba lok kaka mo lempanga ne Moroa ga vaase alii i rinedi di nuunu at ne Iesu Karisito.

Pilipai 2:17

Ketla i lox avukat mun do dina sev amer ia, kusu labantuxu rak naba lok ngan laplavang atnimi saparap ne Moroa la na laramtaba naba lox asuusu lunuunu atnimi; mo do kuren a lok momo eburu minimi.

Pilipai 2:25

A doxoma i do i lox avukat bok do ana riki amlong neton dik ne Epaprodaitas udom saparap nemi; neni ga gugu la ga esep at lenep tarak, la ni ga lok ngan lasaxaruki atnemi atla neni gap kip leveloklok tooro atnemi ria.

2 Tesalonia 1:7

La neni naba lok kepe levesongsongot basinge nimi la atnema bok ap mo laaleng Leeme Silok, ne Iesu naba si ukopok boro vana at laxalibet. Neni ba vot eburu mi lubungangelo lolos teren la lisisixam silok, naba soosoo ngan laxao bokbolot.

Taitas 3:7

Kuren la ne Moroa ga lox asuusu letaba nabalamu ren tidik, la kerepmo diga tong i do nedik limixin mokmokso; la kerepmo nedik ta lok ngan laxamdak teren la dik tanaba ruuna ka lorooro avolo.

Ibru 10:11

At levenaleng axap lavamaasa diga tu ro xeneng at loogu kadis la digak lok lugugu at lotu; at levenaleng axap diga etaba mi leges asen panga laplavang mun, mo levempanga goxopmen tinotno na epovo xusu ri lox adadat limixin basinge laxakapmek atdi.

Ibru 2:3

La kerepmo bok do nedik ata ronga xepe Lagale Lavavang, ixo epovo do nedik taba sepsu basinge lebelemamao at ne Moroa. Leeme Silok neni avot ga ru ka lavavang at langas ti loklox arooro, la nedi luvuttadi vavang diga ronga xaka mo levelinga ren, la diga lox aruturun i ridik.

Ibru 5:9

Kerepmo la ne Moroa ga lox agagas li i, la neni ga ravasu ngan ta lavasuun at lorooro avolo rinedi ding tonga res teren,

Ibru 6:12

Ma xopara i do mina molo at lunuunu atnimi xetla mina mu asu loklok atnedi lavalabat atnimi diga tu lolos amisik at lunuunu atdi la digat kis tangais mo leveloklox anarong ne Moroa ga paase alii min tidi.

Ibru 6:17

La ne Moroa ga vara i do limixin teren dibaklen tuturun i do neni naba lox epovo levelinga ren tinedi la diba ruuna ka leveloklox anarong neni ga vaase alii min tidi; kuren la neni ga lox amuar i mi lavangpangpe.

Ibru 8:6

Ketla mo lugugu ne Iesu ga lok ka i, i lox avukat ti lugugu at lavamaasa mede xopok, i ngan bok lekabus maxat i lox avukat ti lekabus migomgo; la leveloklox anarong at lekabus maxat i lox avukat ti leveloklox anarong at lekabus migomgo. La ne Iesu neni lavasuun at lekabus maxat, ni ga lok lumulum kantubu at limixin mi ne Moroa.

Ibru 9:28

La kerepmo ne Karisito ga met gesara mun ngan laplavang kusu na lox adadat buaang limixin basinge laxakapmek atdi; la neni nabamlong bok sev agepura, kopmen ti met nop loklok atdik, ketla neni naba lox arooro rino nedi dit kis tangais i.

Jems 2:5

Luvutnetak mi luvurinuk orong. Nemi axap mina ronga ia. Luvuttadi mo di lok ngan lavanga gamasa at lemeren limixin at na lavatkangka, Moroa ga soxolik ka vam di kusu diba umsu mi lunuunu la dina nemen ngan lavaanat too at Linintoo ren. Neni ga paase alii i do nedi limixin di balamu i, diba lok ka loxot at Linintoo ren.

1 Pita 1:12

Ne Moroa ga raba asu na levelinga rinedi na luvuttadi vapaase alii xusu nedi di noxo gugu xusuk tik lok tooro nedi xa, ketla ti lok tooro nemi, at loxonaleng diga vaase mumu mo levelinga. Ana nemi mira ronga xaka vam i at luvuttadi xipkip linga di vaase asu Lagale Lavavang mi lololos at Loroonan Kaala boro vana at laxalibet. Neni na Lagale Lavavang lubung angelo bok di vara aleng i xusu dinaklen i.

1 Pita 1:4

La nedik ataba epovo xusu ataba ven tu at laaleng ua taba lok kaka levenapnovos at leveloklox anarong no ne Moroa ik lok li i ri limixin teren to vana at laxalibet, kusu mo leveloklox anarong noxo lok kapmek la na xap gamasa.

1 Pita 3:7

Kuren pam la nemi bok lavatlok, mina ekilen ela mi levempakpakes at lavakin atnemi la minaklen avukat box i do nedi dixo ruuna tololos solo la mina lok tooro nedi. Mina raba nedi mi loklok ngangao mila nemi buru axap minaba ruuna xaka laramtaba i rooro boro at ne Moroa. Mina mu asu i na levelinga xusu, kopmen tekarakat naba lok pe levesingising kantubu atnemi lavatlok eburu mi ne Moroa.

Lovoang At Ne Jut 1:14

Enok ni laradi sepsev avanna melemu at ne Adam, la neni ga paase alii mumu nom luvuttadi kapmek. Ni ga lok keretna, “Mina reven avukat. Leeme Silok naba rupot eburu minedi buaang limixin dadat teren,

Lisilimet 5:6

La aga ven lara Lanasip ga tu kantubu rinotno at nom loxonin orong, la mo lavanuet levempanga rooro eburu mi loxongkulao amgomgo diga tu kangkan i; Lanasip ga tu, ga ven ngan ta do limixin diga sev amet pam i. Neni ga ruuna lavanuti levengkom la lavanuti levengkatli, nedi leventoonan at ne Moroa, mo ga riki asi di ri lengkot axap at na lavatbung menemen.