Epesas 6:9 - Madak

⁹ Nemi lubung amgomgo. Luruptuvuk atnemi na lok ngan legesara parap lavasaxaruki atnimi la mina xap at loklok ti paase mukmusak tidi. Mina doxoma i do ne Karisito laradi gomgo atnimi la atnedi bok, la ik lok to vana at laxalibet la i viila mumu nedik axap mi leges ampoovo mene nga.

Epesas 6:9 Iomraidhean Croise

Sam 140:12

Leeme Silok, aklen i do nenu u tu see at limixin banbalo, la u tu ri luvukat atnedi dik pakes.

Metiu 22:10

La lavasaxaruki ren diga epeseves uto at levenngas la diga ro xaka limixin axap diga ekip tangarang midi, nedi limixin avukat eburu mi limixin kapmek. La loogu ri loklok epot ga umsu mi mo limixin.

Metiu 22:8

La neni ga lok ti lavasaxaruki ren, ‘Leluxa i gagas pam, ketla mo luvuttadi nia aga ro ka di ti na leluxa nedi limixin kapmek mun la ixo epovo do limixin kapmek dinat kis at na laanan.

Metiu 24:48

Ket do nom laradi neni laradi xapmek la i lok, ‘Leeme silok tarak noxomlong soso.’

Metiu 24:51

Nom leeme silok naba sev asongot aleng nom lasaxaruki ren la ni naba riki i uto at lemenemen songsongot kusu na nemen eburu minedi lavapen aala. Mo go dibang teng la dina rungur ivivilis.”

Metiu 7:12

Leveloklok axap mina lox i ri lentaba vetpes, na lok ngan mun leveloklok mi vara i do dina lox i rinimi. Anai ni lavasuun tinotno at Lenavolo at ne Moses la levelinga at lavaeme vapaase alii.”

Lagale Lavavang At Ne Iesu Karisito Luk Ga Malagan i 6:31

Loklok mina lox i rinedi, i ngan mun loklok mi vara i do dina lox i rinimi.

Lagale Lavavang At Ne Iesu Karisito Jon Ga Malagan I 13:13

Mi tong ia do laradi loklox ase la Leeme Silok, la ik mokso xuren, mila nenia laradi loklox ase la Leeme Silok.

Leven Gugu 10:34

Pita ga vaase kaxat la ga lok, “Anaa, nia a ven kibis i do i ruturun tinotno do ne Moroa kopmen na ven kepe lentaba vetpes, i ven limixin axap ngan legesara mun.

Lovoang At Ne Pol Ti Limixin Nunu to Rom 2:11

Moroa i viila mumu loklok at limixin mi legesampoovo mene.

1 Korin 1:2

A malagan i na lovoang tinemi limixin at ne Moroa dom Korin; la ne Moroa ga lox akmokso luruptuvuk atnimi at lekngen ne Iesu Karisito xusu nemi limixin dadat teren. Moroa ga ro xaka vam nimi do ateren; la nemi mit kis esogo amisik mi ne Iesu Karisito, kerekngan limixin to at lengkot axap di lotu parap Leeme Silok atdik ne Iesu Karisito, neni Leeme Silok atdi la Leeme Silok bok atdik.

1 Korin 7:22

Lasaxaruki, Leeme Silok gara ro xaka vam i, neni i lok ngan laradi sepmus at Leeme Silok. La kerepmo bok laradi sepmus, ne Karisito gara ro xaka vam i, neni i lok ngan lasaxaruki at ne Karisito.

Kolosi 3:25

La limixin bilinga axap naba lok ka luunun naba epovo mi leveloklok kakapmek digak lox i, mila ne Moroa i viila limixin axap mi legesampoovo mene nga.

Kolosi 4:1

Lavaeme amgomgo, minak lok tatao nunuan lavasaxaruki atnimi la loklok nemi minak lox i rinedi na lox avukat. Mina lox i xuren mila nemi bok mi ruuna Leeme Silok no vana at laxalibet.

Jems 2:13

At lorooro atnimi do kopmen mina ruuna lebelemumu, Moroa naba vaxaru nimi at lavapaase la ni noxo lox asuusu lebelemumu ren tinimi. Loklok ti vaxaru tara at lavapaase ixo lox avukat solo, ketla loklok ti lox asuusu lebelemumu i lox avukat aleng.

Jems 2:8

Nemi miba lok levempanga ik mokso, mo do mina mu asu mo levelinga i silok aleng la ik lok keneng at Lovoang Kaala, mo i lok keretna, “Mina balamu limixin petpes ngan mi balamu nimi.”

Jems 5:4

Nemi xovisi mina raba luunun at luvuttadi di kaxat panga ro xataamang. Mina lox empana levesingising atdi! Levenanteng atdi, ne Moroa ira ronga vam i. Neni Leeme Silok la i lolos aleng.