Epesas 6:5 - Madak

⁵ Lavasaxaruki. Minang tonga res at luvuttadi amgomgo atnimi la mina umsu mi loklok ngangao la lanmarat; la lebelen nimi nak lox avukat tidi. Minang tonga res atdi kerekngan nemi ming tonga res at ne Karisito.

Epesas 6:5 Iomraidhean Croise

Sam 123:2

O Leeme Silok, nenu ne Moroa atnama. Lavasaxaruki di nuunu saga at lubung amgomgo atdi, la lavasaxaruki rixin di nuunu saga at lavakin amgomgo atdi, la kerepmo bok nema manaba nuunu saga amisik taram, se at loxonaleng una lox asuusu lebelemumu ram tinama.

Sam 86:11

Leeme Silok, una anasa ia mi lempanga u vara i xusu ana lox i, la anaba ronga res amisik taram; una anasa ia xusu anaba gugu taba u mi lorooro axap tarak.

Metiu 6:22

La ne Iesu ga lok bok keretna, “Lengkatli atnimi i ngan laxasep ti lorooro atnimi. Dola lengkatli atnimi na reven pupuse ri lempanga avukat, lorooro atnimi ba umsu mi laxasep.

Metiu 6:24

Kopmen tara i epovo na nemen ngan lasaxaruki at legepu radi; neni naba ke xepe lara la na balamu mo lara; neni naba ruturun ti lara, la ni na sok tixirixes mo lara. Kopmen na epovo do tara na nemen ngan lasaxaruki at ne Moroa la lebelen na ngaongao mu lempilas.

Metiu 8:9

Nenia aklen i do nenu u epovo ri lox i na mila nenia bok a nemen maxopok at lentaba amgomgo rak la lentaba bok di nemen maxopok tarak. La mo do a lok ti tara, ‘Unat pas,’ neni bat pas. Do a lok ti tara, ‘Ude u,’ neni bat pas saparav ia; la do a lok ti lasaxaruki rak, ‘Una lox i na,’ la neni naba lox i.”

Leven Gugu 2:46

At levenaleng axap digat pot eburu amisik ngan loxonbinam tadi ro xeneng at loogu laplavang la diga anan buru leveluxa atdi ro xolonu, diga anan mo leveluxa eburu mi lumulus la lomomo keneng at lebelen di.

Lovoang At Ne Pol Ti Limixin Nunu to Rom 9:3

La i epovo dola nenia gita xip tutu mi lebelemamao at ne Moroa la gita lox epeseves ia basinge ne Karisito, kusu ri lok tooro luvutnetak, nedi limixin axa rak me Judaia.

1 Korin 2:3

Nenia aga rupot avot dom atnimi, la lengkot tarak goxo lolos avukat la aga dede aleng mi lanmarat;

1 Korin 7:22

Lasaxaruki, Leeme Silok gara ro xaka vam i, neni i lok ngan laradi sepmus at Leeme Silok. La kerepmo bok laradi sepmus, ne Karisito gara ro xaka vam i, neni i lok ngan lasaxaruki at ne Karisito.

2 Korin 1:12

Nema ma lok momo aleng, mila lodoxoma nunuan atnema i lox ase nema do, loklok atnema at na lavatbung menemen ngan maga ebibinat ka minemi, ga lok nunuan mene nga la kopmen taxakapmek teren ngan ne Moroa ga lok tooro nama min. Kuren mun maga mumu asu letaba nabalamu at ne Moroa la kopmen do at lakleklen maut at laradi at na laxangka.

2 Korin 7:15

La mo labalamu ren tinimi i lolos aleng tinotno at levenaleng neni im doma su at lorongtonga res atnimi rin, la miga siam ka atnaasan tinotno i mi loklok ngangao i silok.

Epesas 5:22

Nemi lavakin. Minang tonga res at levelinga at lavatlok atnemi, kerekngan ming tonga res at levelinga at Leeme Silok;

Epesas 6:24

la letaba nabalamu naba nemen eburu minedi axap di balamu Leeme Silok atnedik, ne Iesu Karisito la mo labalamu noxo xap. I ruturun.

Pilipai 2:12

Larapen tangas orong tarak. Migang tonga res amisik tarak ap mo levenaleng, nenia aga nemen eburu minemi, la nemi move mirang tonga res bok tarak at na levenaleng nia a nemen paxalom basinge nemi. Kuren la mina gugu lolos kusu lorooro atnimi naba lok nunuan at lemeren ne Moroa, eburu mi loklok ngangao,

Pilimon 1:16

Neni noxopmen lasaxaruki mene nga, neni naba lok ngan netam orong la ba lok lempanga avukat tu. Neni ik lok tooro aleng ia ketla neni naba lok tooro aleng tinotno u ngan lasaxaruki la neni netam tinotno at Leeme Silok.

1 Pita 3:2

Dinaba ba gili mun lorooro atnedi mumu mun loklox avukat la loklok ngangao atnemi rinedi.