Epesas 5:4 - Madak

⁴ La mina ke xepe lavapaase kapmek, levelinga rangtangku, la lavapaase sese i lok kapmek; na lempanga kopmen na lox avukat. Ketla mina umsu mi levelinga ti tong avukat ti ne Moroa.

Epesas 5:4 Iomraidhean Croise

Sam 33:1

Nemi axap limixin mokmokso, minap kup mi lomomo mumu levempanga Leeme Silok gak lox i. Nemi axap ming tonga res teren, mina emi asu min!

Sam 92:1

O Leeme Silok, loklox avukat tinotno mo do mana tong avukat tu, la manak pixan tik lok ngangao ram. O Moroa Avolo.

Lagale Lavavang At Ne Iesu Karisito Mak Ga Malagan I 7:22

loklok ti belegaao, leveloklok kakapmek petpes bok, loklok kaxarang, loklok mun mamangan, loklok ngaongao at lempanga at tara vetpes, loklok ti lox asi tara mi levelinga, loklox asilok, la loklok tangtangku.

Lagale Lavavang At Ne Iesu Karisito Jon Ga Malagan I 6:23

Melemu leventaba lesepang boro Tiberias diga oso go saparap mo lenep limixin diga anan lengkongkide e, melemu at Leeme Silok ga tong avukat ti ne Moroa.

Lovoang At Ne Pol Ti Limixin Nunu to Rom 1:28

La limixin di goxopara i do dinam tebeng lakleklen tuturun mumu ne Moroa, kuren la ni ga ke xepe di ri mumu asu levendoxoma atdi xa i ekarakat, kerepmo la diga lok levempanga ixo epovo do dina lox i.

2 Korin 1:11

Nemi bok miba lok tooro nama mi levesingising; kuren la buaang bok atnemi diba tong aorong ti ne Moroa do neni ga vorang levesingising atnimi la ga lox aroo nama basinge lanmet.

2 Korin 9:15

Ata tong avukat tinotno ri ne Moroa ri mo laramtaba ren tidik i silok aleng tinotno.

Epesas 1:16

kuren la, nia xopmen na xap korop ti tong loklox avukat ti ne Moroa mumu nimi. La at levesingising tarak a doma mumu nimi,

Epesas 4:29

La lavapaase kapmek noxo ravasu at levenngusno atnemi. Levelinga avukat mene nga mina paase asu i, kusu na lox alolos nedi limixin dik pakes ti levelinga avukat la kusu na lok tooro limixin di ronga nimi.

Pilipai 4:6

Nemen mita bulu mu tempanga, ketla mina sing ne Moroa ri levempanga axap mik pakes tin, la at lorooro axap atnimi mina tong loklox avukat tin.

Kolosi 3:8

Ketla mo nga nemi mina lu xepe mi na leveloklox axap; lumukmusak, lebelemamao, lodoxoma xapmek, loklok ti lox asi tara mi levelinga, la lavapaase xapmek.

1 Tesalonia 3:9

Nema ma emi asu mi ne Moroa mumu nimi; nemi mi lox amomo aleng nama at lemeren ne Moroa.

1 Tesalonia 5:18

Mina tong avukat ti ne Moroa at levempanga axap. At lorooro atnemi mi nuunu at ne Iesu Karisito, mina lok na levempanga mila ne Moroa i vara i.

Pilimon 1:8

Nenia a epovo ana vaase basabas tu mila nenia laradi gugu at ne Karisito,

Ibru 13:15

Iesu ga uu ngan laxaavuk tidik, kuren la ata emi asu amisik mi ne Moroa, i lok ngan laplavang atdik tin la i lok ngan bok livipisik atnedi di nuunu at laasen teren.

2 Pita 2:18

Dim simi aurut nedi mi levendoxoma rangtangku la levelinga gamasa. La dik lok lengkot mamangan kusu dinang kan kaka nedi dik lok do dinak sixiro basinge limixin di mumu asu langas kapmek.

2 Pita 2:7

Neni ga lox aroo asu laradi mokmokso ne Lot, la neni laradi gak bulu aleng mumu lorooro bilinga at limixin to Sodom la Gomora di goxo mumu asu levelinga at ne Moroa.

Lovoang At Ne Jut 1:10

Ketla nom limixin di paase xapmek mumu lempanga salai nedi xopmen dina xasep teren; nedi di lok ngan mun lempanga mi lavanuet kangkedek atdi la di mumu asu mun lodoxoma atdi xa, la mo loklok naba lok kapmek axap lorooro atdi.

Lovoang At Ne Jut 1:13

Nedi di lok ngan lovopaxanao silok boro at laras; la loklok mamangan atdi ik lox asuvos ngan lovopaxanao i repoposok. Nedi di lok ngan laxampenti ik sixit ekarakat to vana at laxalibet. Moroa ga lox agagas lamain bonot aleng tidi, la dinaba nemen amisik go.