Epesas 5:19 - Madak

¹⁹ la mina paase kantubu atnimi mi levengkompixan at ne Devit la lengkompixan at lotu la lengkompixan emi asu. Minak pixan la mina lok levempanga kerepmo mi lorooro axap atnimi saparap Leeme Silok.

Epesas 5:19 Iomraidhean Croise

Sam 147:7

Atak pixan lengkom pixan emi asu ri Leeme Silok; atak sak lerengteng avukat mi lempat gita ri ne Moroa atdik.

Sam 62:8

Nemi limixin tarak. At levenaleng axap mina nuunu saga at ne Moroa. Mina tong asu levenmumuat atnemi rin, atla neni loxot loklox alipe atnedik.

Sam 86:12

O Leeme Silok ne Moroa rak, anaba emi asu minu mi lavatpeeve axap tarak. Anaba vavang asu lununuan taram at levenaleng amisik la noxo xap.

Sam 95:2

Ata vot saparav i mi levelinga rotong avukat la atak pixan lengkompixan leklek la emi asu rin.

Metiu 15:8

‘Na limixin di lok ngangao rak mi levelinga mun atdi, ketla lebelen di i vaxalom tino basinge ia.

Metiu 26:30

Digak pixan mi loxompixan, la diga vas su la diga vas kaxat uto at Lakaana Olip.

Leven Gugu 16:25

At laxanimin tubu Pol mi ne Sailas duga lok lising la dugak pixan momo saparap ne Moroa, la lentaba luvuttadi bok mo diga xoxo nedi, digang tonga du.

1 Korin 14:15

Kuren la nia aba lok ba lavanga salai? Do nenia a sing saparap ne Moroa, a vara i xusu lisingising tarak na ravasu at loroonan tarak la naba ravasu bok at lodoxoma rak; la a vara box i xusu mo levengkompixan abak pixan i, naba ravasu at loroonan la at lodoxoma bok tarak.

1 Korin 14:26

Luvutnetak mi luvurinuk. Ti lox axap na levelinga rak a vara i xusu ana tong axasep nimi keretna. Do minat pot buru ri lotu, lara na ruuna loxompixan; lara ri loklox ase mi levelinga at ne Moroa; la lara mi levelinga loklox axasep boro at ne Moroa, la lara ri levempapaase vetpes, la lara ri soxomus mo levempapaase vetpes. Na levempanga axap mina lox i xusu ri lox alolos limixin at lotu.

Kolosi 3:16

La mina ke levelinga at ne Karisito na nemen atmatkun keneng at lorooro atnimi. Mina umsu min mo do mina lox ase la mina vaase axasep ela nimi mi lakleklen at ne Moroa. La minak pixan ti ne Moroa mi lengkompixan at ne Devit la lengkompixan at lotu la lengkompixan emi asu; la lorooro atnimi na umsu mi loklok ti tong avukat saparap ne Moroa.

Jems 5:13

Kereva, tara go atnimi ip kip tevenmumuat? Neni nak lok lising. Tara bok go i lok momo? Neni nak pixan emi asu.

Lisilimet 5:9

La nom lavanuet levempanga rooro eburu minedi loxongkulao amgomgo diga vixan lara loxompixan maxat, i lok keretna, ‘Nenu u epovo rinotno xusu una lok ka lugun linga la una ba kaxat kepe mo levelumlut teren mila limixin diga sev amer u; ketla uga roo xat amlong la at nom mun lada ram uga un ka amlong limixin ti ne Moroa. Nedi at levenabung mixin axap la boro bok at levempapaase vetpes, la boro bok at lenbantuxu vetpes, la boro bok at larabibinat petpes.