Epesas 5:11 - Madak

¹¹ Nemen mita etangas eburu minedi luvuttadi dik lok leveloklok at lamain. Mo leveloklok i ngan lavanga gamasa la noxo visik asu lempanga avukat, ketla mina vaase sok nedi limixin di lox i;

Epesas 5:11 Iomraidhean Croise

Sam 141:5

I lox avukat do laradi nunuan na vaase sox ia mumu laxakapmek kopla na sep aleeng ia, ketla a noxo siam kaka loklox asinorong at luvuttadi xapmek; a ngising amisik kusu Leeme Silok na lok kepe mo leveloklok kakapmek atnedi.

Metiu 18:15

La ne Iesu ga lok bok tidi, “Mo do netam i lok tavanga i lok kapmek tu, una vosiga i la una vaxase i mi mo losoogong teren, ketla mo lavanga nak lok kantubu xusuk mene atnumu. Mo do ni i ronga res at levelinga ram, ura lok kaka amlong pam i ri langas in manton.

Lagale Lavavang At Ne Iesu Karisito Luk Ga Malagan i 3:19

Ketla ne Jon ga sok katli ka laradi gomgo ne Erodes mila neni ga vaxat ka ne Erodias latkin at neton, la ga lok bok buaang lempanga xapmek.

Leven Gugu 26:18

Nenu uba suang lodoxoma atnedi la uba sat kaka nedi basinge lamain at ne Satan uto at laxasep at ne Moroa, la basinge lolos at ne Satan uto saparap ne Moroa, kusu dina nuunu rak. La kerepmo ne Moroa naba doxoma xepe leveloklok kakapmek atnedi la dinaba ruuna ka loxot tidi xantubu ap mo limixin ne Moroa ga soxolik ka vam di.’

Lovoang At Ne Pol Ti Limixin Nunu to Rom 13:12

Noxo lox abao la lamain na xap, la laaleng kangking na vot ta. Mina xap ta at loklok laxampanga at lamain, la mina lok kaka levempanga esep ti esep at laaleng kangking.

Lovoang At Ne Pol Ti Limixin Nunu to Rom 16:17

Luvutnetak mi luvurinuk, mo nga a sing nemi; minak lok tatao nemi basinge luvuttadi no dik lok do dinak lok levenekarakat, la dik lox antun lunuunu at limixin la nedi no dik lox abulubun leveloklox ase nemi migara lok kaka vam i; minak lok petpes basinge nedi.

Lovoang At Ne Pol Ti Limixin Nunu to Rom 6:21

Miga ven livipisik sala at laxaloklok nemi migak lox i, la mo ba mira mamangan teren? Livipisik ap mo levempanga, ni lanmet!

Galesia 6:8

Do neni natlo li lavavara mun at labantuxu ren, neni naba dik kaka levempeven teren, neni lanmet; la do neni natlo li levempanga at Loroonan, neni naba dik kaka lorooro avolo.

Epesas 4:22

Miga lox ase kusu mina lok kepe lorooro maut mo gak lok at lorooro atnimi ganoxa, la lodomdoma ri laxakapmek gara lok kapmex i.

Epesas 5:12

mila lavanga mamangan do tara na vaase asu levengkakapmek i lipe ro at lemeren limixin.

Epesas 5:7

Kuren la nemen mitat kis etangas eburu mi mo limixin tongtonga xepe.

Kolosi 1:12

la miba tong loklox avukat ti ne Temen dik, ni ga lok nimi xusu miba epovo rinotno ri ruuna ka loxot atnimi ap mo luunun ni ga lox agagas li vam i ri limixin teren to xeneng at Linintoo i umsu mi laxasep.

1 Tesalonia 5:7

Mila nedi di vunga la di inin tangtangku, di nemen at lamain.

2 Tesalonia 3:14

Do tara noxo ronga res at na levelinga, mina malagan katling i, la mina ke xepe i xusu neni na lok mamangan.

2 Tesalonia 3:6

Luvutnetak mi luvurinuk. Ma sing nimi at laasen at Leeme Silok atdik ne Iesu Karisito, do mina ru asepsu basinge di nom limixin nuunu dik molo at lugugu, la kopmen dina mumu asu mo levenanasa nia aga anasa nimi min.

1 Timoti 5:20

Do tara atdi na lok taxakapmek, una vaase sox i ro melamgo at limixin, kusu dinaba marat.

1 Timoti 5:22

Nemen gat uta takas kusu una sa li lukngam to mavana at taradi ri lok lugugu at Leeme Silok, la nemen uta lok tooro tara mi laxakapmek teren, una lox adadat amisik lorooro ram.

1 Timoti 6:5

la lumukmusak naba nemen alolos amisik kantubu atnedi la lodoxoma atdi ba lok kapmek tino. La di doxoma i do lotu ni langas tip novos.

2 Timoti 3:5

diba lok ngan limixin lotu ketla diba tong i do kopmen tololos at lotu. Una nemen petpes basinge limixin kerepmo.

2 Timoti 4:2

Una vavang mi levelinga at ne Moroa. Una gagas at levenaleng axap ti tong asu i; una lox akmokso lorooro at limixin, una paase aronga di, la una paase tooro di; lorooro ram na umsu mi loklok mulus, ketla una lox ase nunuan limixin.

Taitas 2:15

Na levelinga a tong pam i ru, ne Taitas, una anasa limixin me Krit min, kusu una lox alolos lorooro atdi mi na levelinga; la kerepmo bok una vaase sok di, atla kopmen torooro avukat atdi. La tara atdi guta lox abulubun kepe u, mila nenu leeme vapaase at ne Moroa.

Lisilimet 18:4

La aga ronga laxaka linga vetpes ga si boro vana at laxalibet ga lok, “Limixin tarak. Mina vas kaxat basinge lemenemen Babilon; lavanga mina sok ka toxot tinimi at laxakapmek at limixin at nom lemenemen; la lavanga minang songot eburu minedi mi mo losongsongot nenia aba raba nedi min.