Epesas 4:4 - Madak

⁴ Legesa bantuxu mene nga la legesa Roonan Kaala, kerekngan mun ne Moroa gara ro xaka vam nimi ti legesa doxoma voovo,

Epesas 4:4 Iomraidhean Croise

Sam 122:8

Nia a lok lisingising mumu lemenemen Jerusalem keretna, “Limila nak lok keneng teren.” Ak lox i xerepmo kusu lentaba rak la larapentangas tarak dinaban tuuna lorooro nunuan.

Metiu 28:19

Kuren la mina onon la mina lox ase limixin at lengkot axap kusu diba ravasu ngan luvuttadi loklok ka anasa rak; la mina sep susu di mi laasen at ne Temen dik la ne Nitna eburu bok mi Loroonan Kaala.

Leven Gugu 15:11

Nedik taga lok ka lorooro maxat keneng mun at letaba nabalamu at Leeme Silok ne Iesu, kerekngan bok nedi.”

Lovoang At Ne Pol Ti Limixin Nunu to Rom 11:29

Moroa kopmen na baba pukus lodoxoma ren tinedi, kuren la neni noxo lok kepe limixin soksoxolik ka ren la leveloklox anarong ni ga raba di min.

1 Korin 10:17

Leges akde mene nedik ta anan teren, kuren la nedik ta lok ngan legesa bungmixin, keke i do nedik di buaang.

1 Korin 12:20

Ketla i ngan ta i do buaang levengkot ik lok at labantuxu, ketla nedi at legesa bantuxu mun.

2 Korin 11:4

A marat do tara na vot la na vavang mi ne Iesu vetpes ti na ne Iesu nema ma vavang min, la mina lok ka loroonan kopmen at ne Moroa, eburu mi lavavang i lok petpes aleng tinotno ri Loroonan Kaala at ne Moroa eburu mi lavavang nemi miga ronga ka i la miga siam kaka i.

Epesas 1:18

Nia a sing bok ne Moroa do lodoxoma atnemi na rem suang kusu miba xasep ap mo leveloklox anarong, neni ga ro ka nimi ri lok ka i. Mo leveloklox anarong i ngan lapnovos silok i lox avukat aleng la i nemen tangais limixin axa ren.

Epesas 2:16

At lanmet teren ni ga lok lumulum kantubu atdi; la at nom laxaba ni ga lox etang nom legepu bungmixin ngan legesa bantuxu la ga lam ka di kusu dina xis etaba belen.

Epesas 2:18

Maxeneng at ne Iesu nema leme Judaia eburu minemi limixin kopmen me Judaia dik ta epovo na vot pasa ne Temen dik mi legesa doxoma la legesa Roonan Kaala.

Epesas 2:22

La ne Karisito i lox abeles bok nimi kusu miba lok ngan lengkot ap mo loogu, la Loroonan Kaala at ne Moroa i nemen pam e.

Epesas 4:1

Nenia ak lok at loxokoxo mumu lugugu at Leeme Silok. Kuren la nia a sing nimi do lorooro atnimi naba lok nunuan axap, i epovo mi lorotoro at ne Moroa tinimi la i epovo mi lavavara at ne Moroa.

Epesas 5:30

mila nedik lengkot at labantuxu at ne Karisito.

Kolosi 1:5

Na lunuunu la labalamu atnimi i nemen lolos at lorooro atnimi, mila mi ngangais mi lomomo ri mo leveloklox anarong i nemen tangais nimi ro vana at laxalibet; mo leveloklox anarong miga ronga vam i ap mo levenaleng diga vavang mi levelinga ruturun tinimi, mo levelinga ni Lagale Lavavang.

Kolosi 3:15

Mina ke limila na suxuna lorooro atnimi, mo limila ne Karisito im taba i; mila ne Moroa ga ro xaka nemi kusu mina nemen keneng at limila ngan legesa bantuxu. La amisik mina tong loklox avukat ti ne Moroa.

2 Tesalonia 2:16

Lisingising atnama i lok keretna. Leeme Silok atdik, ne Iesu Karisito la ne Moroa ne Temen nedik duga balamu nedik, la duga raba dik mi levelinga loklok tooro, naba nemen amisik la duga raba dik mi lodoxoma voovo ti lorooro avolo.

1 Timoti 1:1

Nenia ne Pol, laradi vavang at ne Iesu Karisito, mo nedik ta doxoma voovo rin. Nedu mi ne Moroa, Laradi Loklox Arooro atdik, duga soxolik ka ia ri na lugugu.

Taitas 1:2

la dinam doma voovo ri lorooro avolo. Na lorooro avolo ne Moroa ga tong alii i ganoxa at lereot. La levelinga ren i ruturun tinotno, neni xopmen laradi xaxarang.

Taitas 2:13

La kerepmo atam tebeng loklox avukat ap mo levenaleng atat kis tangais ti mo langsangan laaleng avukat, la lovotpot nunuan at ne Iesu Karisito, neni ne Moroa silok atdik la neni Leeme Loklox Arooro atdik; neni naba rupot mi lisisixam silok at ne Temen.

Taitas 3:7

Kuren la ne Moroa ga lox asuusu letaba nabalamu ren tidik, la kerepmo diga tong i do nedik limixin mokmokso; la kerepmo nedik ta lok ngan laxamdak teren la dik tanaba ruuna ka lorooro avolo.

1 Pita 1:21

La at na mun langas neni ga lox i la nemi mira nuunu at ne Moroa, no ga lox arooro amlong i at lanmet la ga raba box i mi laasen silok; kuren la lunuunu atnemi la levendoxoma voovo atnemi i tu rinotno at ne Moroa.

1 Jon 3:3

Nedi axap di ngangais mi lomomo ti mo laaleng, amisik di lok kepe laxakapmek at lorooro atdi kusu dina dadat basinge laxakapmek la lorooro atnedi naba dadat axap kerekngan ne Iesu.