Epesas 4:31 - Madak

³¹ Nemi mina lok kepe axap loklok ti lebelen kapmek, lebelemamao, lumukmusak, loxoxo xaka, lavapaase mumu, la mo axap leveloklok kakapmek.

Epesas 4:31 Iomraidhean Croise

Sam 101:5

Anaba riki xepe nege di, di vepaase siksikma xapmek mumu lentaba vetpes. A noxo esuuxun mi taradi loklox aaso la im simi aurur i.

Sam 140:11

A vara i do nedi mo dik sok taba lentaba vetpes mi levelinga xaxarang, di noxo lox epovo tekot; la a vara i do laxapmek na suxuna limixin sepsep, la na sev amet di.

Sam 15:3

la kopmen ni na paase asi taasen at tara ukopok; kopmen na lok tibilinga ri larapen tangas teren, kopla na paase mumu nedi dik lok auret tin.

Sam 37:8

Nemen gat mita musak, andla mina ke xepe lebelemamao atla i sasat ka limixin ukeneng at laxakapmek.

Sam 50:20

Amisik mi gagas tik lok li luvutneton nimi at levempapaase, la mira tere asu linga mumu bok di.

Sam 64:3

Levelinga atnedi ip sep ngan ta lemparise sepsep ing sengsen, la levelinga xakapmek atnedi ik sixit mokmokso ngan levesoosoo.

Leven Gugu 21:30

Mo lemenemen silok axap ga umsu mi langsangan leedak, la limixin digak sixit eburu, la diga ranga alis ne Pol la diga sat ka i ukamang basinge loogu laplavang. La soso mun diga vipe lumusaragu ap mo loogu laplavang.

Lovoang At Ne Pol Ti Limixin Nunu to Rom 3:14

levenngusno atnedi i umsu mi levelinga xapmek i so mamao.

1 Korin 14:20

Luvutnetak mi luvurinuk, nemen levendoxoma atnemi na lok ngan loklok at laxamdak lixilik, ketla mina ke xepe laxakapmek kerekngan laxamdak lixilik. La mina doma mumu avukat na leventamtaba ngan limixin mukun.

1 Korin 5:8

Kuren la limixin me Judaia dik lok katling amisik mo laaleng ne Moroa ga lam asu di basinge lemenemen Isip. La kerepmo dik ata doxoma amisik mo loklox arooro atdik, la ata lok kepe laxakapmek la ata lok kaka luruptuvuk i dadat la ik mokso aleng.

2 Korin 12:20

A marat do at loxonaleng nia ana vot dom, aba long lenget nemi do mira lok petpes aleng pam ti lodoxoma nia a vara i do mibap tuvuk kuren; la nemi bok miba long lenger i do nenia bok aba lok petpes ti lodoxoma nemi miga vara i do nia aba lok kuren. A marat do aba ven lenget levenedak la levereven peves la levenmukmusak la levenekarakat la lavapaase nemnem la loklox asilok patlak la levempanga xopmen na sixit nunuan keneng at lotu.

Galesia 5:20

loklok ti lotu saparap laxampoovo vanga la lasangsanga xapmek. La limixin ua di munepen la dira vesep; la levereven peves eburu mi lebelemamao la laradi itlasi polo limixin axap. La levenekarakat la loklok ti vepeseves ti lara nep binam axap;

Epesas 4:22

Miga lox ase kusu mina lok kepe lorooro maut mo gak lok at lorooro atnimi ganoxa, la lodomdoma ri laxakapmek gara lok kapmex i.

Epesas 4:25

Kuren la nemi getgesara mina lok pes kepe levelinga xaxarang la mina paase mi luruturun ti limixin at ne Moroa, mila nedik axap lengkot at labantuxu at ne Karisito.

Epesas 4:26

Do mina musak, nemen mita lok laxapmek; lumukmusak atnimi na xap avot ti laxangking na lotup.

Kolosi 3:19

Nemi lavatlok. Mina balamu lavakin atnimi, la nemen mita metlaat tidi.

Kolosi 3:8

Ketla mo nga nemi mina lu xepe mi na leveloklox axap; lumukmusak, lebelemamao, lodoxoma xapmek, loklok ti lox asi tara mi levelinga, la lavapaase xapmek.

1 Timoti 3:11

Lavakin bok atdi dinap tuvuk nunuan la di noxo tere mumu, ketla dinat kis atnaasan mun la dina ruturun at levempanga axap.

1 Timoti 3:3

neni ixo inin tangtangku mi levengkadan lolos la kopmen nak musak soso, ketla neni it kis atnaasan la lorooro ren i umsu mi lumumulus la limila; neni ixo vara solo ri levempilas;

1 Timoti 5:13

La di lox arala ka box i xusu dina gosogos gamasa, la dinam simgu, ketla i lok kapmek tino bok atla di lox arala ka bok leretere mumu ri leventaba vetpes, la di lox angtang di mi larangtagap gamasa, la di tong levempanga xopmen na lox avukat.

2 Timoti 2:23

Ketla una nemen petpes basinge limixin tangtangku la di etep mi levelinga rangtangku. Limixin dik lok kerepmo, di lox asuusu levenekarakat.

2 Timoti 3:3

Labalamu noxok lok atdi, di noxo domampe laxakapmek leventaba vetpes di lox i ridi, diba lox asi tentaba mi levelinga, dixo mumu asu loklox avukat, diba esep amisik, la diba xopara ri leveloklok nunuan.

Taitas 1:7

Nedi nom luvuttadi amgomgo dina lok tatao lugugu at ne Moroa maxeneng at lotu ren; kuren la lorooro atdi nak mokso aleng at lemeren limixin. Di noxo paase xuxurung. Nemen di tak musak soso, di noxo inin tangtangku mi lengkadan lolos. Nemen di ta vesep. Nemen di ta vavara pilas solo.

Taitas 2:3

La kerepmo bok una tong i ri lavakin mukun keretna: luruptuvuk atnedi na dadat la na xaala, di noxo tere mumu tara, di noxo inin amisik lengkadan lolos. Ketla loklok nunuan na ravasu at lorooro atdi, kusu limixin dina ven di la dina mumu asu nom loklok nunuan atdi.

Jems 1:19

Luvutnetak mi luvurinuk. Mina doxoma na lavanga. Nemi axap mina lok soso ri ronga res, ketla nemen mita vaase porang soso levelinga, la mita musak soso,

Jems 3:14

Ket dola tara i ruuna levereven peves ti lempanga at tara vetpes la loklox asilok, ixo epovo do neni na lox aurur i do neni laradi avukat, la ixo epovo na sev apkap do neni laradi rongtonga xepe at levelinga ruturun.

Jems 4:11

Luvutnetak mi luvurinuk. Nemen mita vaase asi tara kantubu atnimi mi tevelinga. Do taradi i vaase asi neton mi levelinga, kopla na ila mumu loklok teren, i lok ngan ta do i ronga xepe Lenavolo at ne Moroa la i lox asi i. Do mina vaase asi levelinga at ne Moroa, kopmen mina ronga res teren, la mi lox asi i.

1 Pita 2:1

Kuren la mina lok pes laxaloklok kakapmek basinge nemi; la nemen bok ba mita xaxarang, kopla mina lili aage levelinga, la mina reven peves, kopla mina lox asi tara mi levelinga.

1 Jon 3:12

Nemen dik ta lok ka loklok at ne Kaen. Neni laradi at ne Satan la neni ga sev amet neton, laasen teren ne Abel. Tila ba ne Kaen ga sev amet ne Abel? Lavasuun teren do ne Kaen ga ven kibis i do luruptuvuk teren ga lok kapmek la luruptuvuk at ne Abel ga lox avukat.

1 Jon 3:15

Do tara ik milik angtungun ti neton, neni i lok ngan laradi sepsev amet tadi, la atakleklen i do laradi sepsep amet tadi kopmen torooro avolo rin.

Lisilimet 12:10

La aga ronga laxaka linga silok to vana at laxalibet ga lok keretna, “Mo nga loklox arooro at ne Moroa la lololos teren eburu mi Linintoo ren naba ru asaxaven. La na nga Lanarong teren naba lox asuusu lololos teren to xopok at lavatbung menemen; mila ne Satan mo ga tu ro melamgo at ne Moroa xusu neni na babala raba luvutneton dik at levenaleng kangking la kanimin. La lubungangelo at ne Moroa digara lu asi vam min uto xopok.