Epesas 4:22 - Madak

²² Miga lox ase kusu mina lok kepe lorooro maut mo gak lok at lorooro atnimi ganoxa, la lodomdoma ri laxakapmek gara lok kapmex i.

Epesas 4:22 Iomraidhean Croise

Lovoang At Ne Pol Ti Limixin Nunu to Rom 6:6

La nedik taklen i na, lorooro maut atnedik gara met pam eburu mi ne Karisito ro vana at laxaba, kusu ri sele utut lololos at laxakapmek atnedik getgesara, la kusu nedik ata xok lok at loxokoxo at laxapmek,

Lovoang At Ne Pol Ti Limixin Nunu to Rom 7:11

Laxapmek ga lox epovo i xusu na xarang aruv ia mumu mun Lenavolo; la mumu Lenavolo, laxapmek ga sev amer ia.

2 Korin 11:3

Ketla a marat do lavanga tara na sasar asoogong levendoxoma atnimi la mina ke xepe lunuunu lolos la lotu ruturun atnimi ri ne Karisito, kerekngan ne Iva; lisii ga xarang i mi lakleklen kapmek teren.

Galesia 1:13

Limixin digara tong axasep pam lorooro rak tinemi at levenaleng nenia aga rooro rinotno xeneng at loklok at leme Judaia, la nenia agak lox asongot aleng limixin at lotu at ne Moroa, la aga lolos tinotno xusu ana sev amet axap lunuunu atnedi.

Epesas 2:3

Nedik axap taga nemen kuren, taga lok lempanga kusu ri lox amomo mun lodoxoma la labantuxu atdik, mo ga umsu mi lavavara kapmek at lorooro maut. La nedik taga nemen maxopok at lebelemamao at ne Moroa kerekngan nedi.

Epesas 4:17

Nia a sing lolos nemi keneng at laasen at Leeme Silok do mina ronga res at na levelinga. Mina xap ti mu asu leveloklok kakapmek at limixin kopmen di me Judaia. Mo levendoxoma atdi noxo lok tooro di.

Epesas 4:25

Kuren la nemi getgesara mina lok pes kepe levelinga xaxarang la mina paase mi luruturun ti limixin at ne Moroa, mila nedik axap lengkot at labantuxu at ne Karisito.

Epesas 4:31

Nemi mina lok kepe axap loklok ti lebelen kapmek, lebelemamao, lumukmusak, loxoxo xaka, lavapaase mumu, la mo axap leveloklok kakapmek.

Kolosi 2:11

Nemi miga lok ka loklok katling at ne Karisito, kopmen mo loklok katling ua limixin di rivit kepe lengkontuxu at laxamdak lixilik atdi, ketla mo loklok katling at ne Karisito i ngan mira lok kepe vam lorooro maut mumu mun lugugu at ne Karisito.

Taitas 3:3

Gano nedik limixin ta goxoklen lorooro avukat, ta goxo ronga res at levelinga at ne Moroa la levelinga bok at lavaeme silok. Satan ga xarang dik la tagara puse ri levempanga at na lavatbung menemen; la taga mumu mene nga lavavara atnedik. Lorooro atdik ga umsu mi laxakapmek mi levereven peves at lempanga at limixin petpes; la limixin diga musak dik la ta goxo epen avukat.

Ibru 12:1

Buaang nedi lavalabat atdik no vana at laxalibet mo di reven dik ngan laneelen di reven lekampoovo; kuren la mina ke xepe levempanga axap mo ik lox angtang lunuunu atnimi la mina ke xepe bok laxakapmek mo nemi mik sak kikixin teren, la minak sixit eburu mi lololos ap mo lekampoovo ne Moroa ga lox agagas i rinimi.

Ibru 3:13

Ketla at na levenaleng nemi move mi rooro ren, mina epang aru xusu laxakapmek noxo solo arup tara atnimi la lebelen na repe ri levelinga at ne Moroa.

Jems 1:21

Kuren la, leveloklok axap i bilingot la laxakapmek i umsu aleng at na lavatbung menemen, ni nom mina lok pes kape i. La mina lox asi nimi la mina xonom ka levelinga at ne Moroa, ni gatlo li i ro xeneng at lorooro atnimi. Ni mun nom levelinga i epovo na lox arooro nimi.

Jems 1:26

Lentaba dik lok keretna, “Nenia laradi nuunu la loklok tarak i lox avukat at lemeren ne Moroa.” Ketla do ni xopmen na lok tatao avukat lavapaase ren, ni i xaxarang axa lebelen, la lunuunu ren i ngan lavanga gamasa.

1 Pita 1:18

La nemi miklen luunun, ne Moroa ga un kaka amlong nemi min basinge lorooro etaba ga ravasu at lavalabat atnemi. La mo luunun ixo epovo xusu tara na lok kapmex i, ngan lisiliva xopla logol;

1 Pita 4:3

Lekanaleng mo gara xap pam migak lok laxaloklok kapmek mo luvuttadi at lamain di vavara nak lox i, ngan loklok kakapmek maxamang at lixitkis epot, la levereven peves, liinin kadan lolos, lengkot mamangan, la laplavang ti laxampoovo vanga, ni laxapmek bok no i bilingot tinotno.

2 Pita 2:13

La ne Moroa naba vorang nedi mi losongsongot mumu levesongsongot nedi diga raba limixin min. La dik lox amomo nedi xeretna, dik lok levempanga at laxasep at laaleng kangking kusu rik lox epovo lavavara xapmek at labantuxu atnedi; la loklok atdi ik token kantubu atnemi la di mumu asu loklok kakapmek at levenaleng di anan eburu minemi.

2 Pita 2:7

Neni ga lox aroo asu laradi mokmokso ne Lot, la neni laradi gak bulu aleng mumu lorooro bilinga at limixin to Sodom la Gomora di goxo mumu asu levelinga at ne Moroa.