Epesas 4:19 - Madak

¹⁹ Nedi xopmen dina suma lainmangan mumu leveloklok kakapmek dik lox i. La dira xap kusu dina lok leveloklok nunuan la dia vubeles at leveloklox axap i bilingot. La levendoxoma atdi i vekip kaxat ti lok laxakapmek.

Epesas 4:19 Iomraidhean Croise

Lagale Lavavang At Ne Iesu Karisito Mak Ga Malagan I 7:22

loklok ti belegaao, leveloklok kakapmek petpes bok, loklok kaxarang, loklok mun mamangan, loklok ngaongao at lempanga at tara vetpes, loklok ti lox asi tara mi levelinga, loklox asilok, la loklok tangtangku.

Epesas 4:17

Nia a sing lolos nemi keneng at laasen at Leeme Silok do mina ronga res at na levelinga. Mina xap ti mu asu leveloklok kakapmek at limixin kopmen di me Judaia. Mo levendoxoma atdi noxo lok tooro di.

Kolosi 3:5

Kuren la mina lok kepe leveloklok kakapmek i nemen atnemi, kerekngan loklok kakapmek maxamang at lixitkis epot, loklok kakapmek at labantuxu, lodoxoma liplivi tik lok laxakapmek, lavavara rik lok laxakapmek, la loklok ti belegaao, mo i lok ngan nom loklok ti lotu parap levempoovo moroa.

1 Timoti 4:2

Na levenanasa xerepmo luvuttadi xaxarang dinaba lox ase limixin min; no levendoxoma avukat atdi gara sonao vam, i lok ngan din boo i mi lavaruat liplivi la kopmen dina suma i.

1 Pita 4:3

Lekanaleng mo gara xap pam migak lok laxaloklok kapmek mo luvuttadi at lamain di vavara nak lox i, ngan loklok kakapmek maxamang at lixitkis epot, la levereven peves, liinin kadan lolos, lengkot mamangan, la laplavang ti laxampoovo vanga, ni laxapmek bok no i bilingot tinotno.

2 Pita 2:22

La lavanga nedi dik lox i, i lox asorun leventetere avolo, i lok keretna, “Laman imlomlong kusu na anan laxan biromto ren.” Ler 26:11 La bok, “Lobo do ira susu avukat pam, irat pas bok la ira soe i ro xeneng at lapke.”

Lovoang At Ne Jut 1:11

Naba lok kapmek aleng tidi. Nedi di mu asu loklok at ne Kaen. La di ke lodoxoma avukat tik lok ka lempilas kerekngan ne Balam. Nedi limixin tongtonga xepe xerekngan ne Kora la diba uu bok kuren.

Lisilimet 18:3

La limixin boro at levennep silok axap dira in pam laxandan vaen teren, mo i ru katling loklok ti elongka; la lavaorong silok axap at na lavatbung menemen diga elongka min, la nedi limixin diga sesep mi lempanga atdi digap novos aleng mila mo latkin, lebelen ga ngaongao aleng ti mo lempanga diga sesep min.”