Epesas 4:12 - Madak

¹² Karisito ga raba leventamtaba kerepmo ri lox agagas limixin teren ti lok lugugu ren kusu diba epovo na elok tooro ela la dina lox alolos labantuxu at ne Karisito.

Epesas 4:12 Iomraidhean Croise

Lagale Lavavang At Ne Iesu Karisito Luk Ga Malagan i 22:32

Ketla ara sing pam tu, ne Simon, kusu lunuunu ram noxo subu. La do una leeng basinge laxakapmek taram, una lox alolos luvutnetam.”

Leven Gugu 1:17

Judas neni mo lara atnedik ga gugu eburu minedik.”

Leven Gugu 1:25

kusu na xip ka mo lugugu at ne Judas ngan luvuttadi vavang la ni gat pas uto at lemenemen songsongot i epovo rin.”

Leven Gugu 11:23

Ni ga rupot la ni ga ven i do ne Moroa ga lox aumsu mo limixin mi letaba nabalamu ren. Ni ga lok momo la ga vaase lolos tinedi axap kusu dina tu lolos mi lunuunu la luruturun atnedi saparap Leeme Silok mi lodoxoma atdi axap.

Leven Gugu 20:24

Ketla nia a lok do lorooro rak i lok ngan ta do lavanga gamasa mun tia; nia a vara mun i do ana lox axap lavatpas tarak la ana lox axap lugugu at Leeme Silok ne Iesu ga raba ia min; mo lugugu ri tong asu Lagale Lavavang mumu letaba nabalamu at ne Moroa.

Leven Gugu 20:28

Mina lok tatao avukat nemi la mina lok tatao nedi bok limixin, Loroonan Kaala gara lok li vam nedi maxopok at loklok tatao atnimi. Mina lok ngan luvuttadi loklok tatao sipsip kantubu at limixin at ne Moroa, no ni ga lok li di do ateren axa mumu lanmet at ne nitna.

Leven Gugu 9:31

Kuren la luvuttadi nuunu at lengkot axap Judaia, Galili, la Samaria, diga ruuna limila la kopmen bok ba di goxo marat. La leexes at limixin nuunu ga urut; mila Loroonan Kaala ga gugu kantubu atdi, la diga lok ngangao aleng at Leeme Silok.

Lovoang At Ne Pol Ti Limixin Nunu to Rom 12:5

I lok ngan pam nedik axap na nedik di buaang, ketla nedik di lok ngan legesa bantuxu mene xeneng at ne Karisito la nedik dik lox eburu ngan levenasen kot axap at legesa bantuxu mun.

Lovoang At Ne Pol Ti Limixin Nunu to Rom 12:7

Do laramtaba atnedik tik lok tooro, atak lok tooro. Dola ti lox ase, atak lox ase.

Lovoang At Ne Pol Ti Limixin Nunu to Rom 14:19

Kuren la minak paxaru li levendoxoma atnemi at levempanga naba raba nimi mi limila, la naba lok tooro bok ti lox alolos lunuunu at limixin axap.

Lovoang At Ne Pol Ti Limixin Nunu to Rom 15:14

Luvutnetak mi luvurinuk. Nenia a suma rinotno i dola nemi mi umsu mi luvukat, la mi umsu bok mi lakleklen, la mi epovo xusu mina elox ase ela.

Lovoang At Ne Pol Ti Limixin Nunu to Rom 15:2

Ketla ata lox amomo luvutneton nedik la ata lok tooro di, kusu ri lox aru alolos lunuunu atnedi.

Lovoang At Ne Pol Ti Limixin Nunu to Rom 15:29

Do nenia ana vot posiga nemi, aklen tinotno i do anabat pas eburu mi loklox anarong silok tinotno at ne Karisito.

1 Korin 12:27

La kerepmo nemi axap mi lok ngan labantuxu at ne Karisito, la nemi getgesara mi lok ngan levengkot ap mo labantuxu ren.

1 Korin 12:7

Moroa im taba legetgesa radi mi leventamtaba at Loroonan Kaala kusu rin ti lok tooro limixin axap di nuunu.

1 Korin 14:12

La i lok bok kuren tinimi. Nia aklen i do nemi mi vara aleng i xusu mina ruuna ka leventamtaba at Loroonan Kaala; kuren la mina lolos kusu mina lok kaka leventamtaba i epovo xusu ri su auru lotu.

1 Korin 14:14

Dola nia ana sing mi levempapaase vetpes, mo levelinga i ravasu at loroonan tarak, ketla mo levelinga xopmen na xasep at lodoxoma rak.

1 Korin 14:26

Luvutnetak mi luvurinuk. Ti lox axap na levelinga rak a vara i xusu ana tong axasep nimi keretna. Do minat pot buru ri lotu, lara na ruuna loxompixan; lara ri loklox ase mi levelinga at ne Moroa; la lara mi levelinga loklox axasep boro at ne Moroa, la lara ri levempapaase vetpes, la lara ri soxomus mo levempapaase vetpes. Na levempanga axap mina lox i xusu ri lox alolos limixin at lotu.

2 Korin 12:19

Agut mi doxoma i do nema mo mak lok tong i do mana paase see atnama ro melamgo atnimi? Kopmen tinotno. Ma paase ngan limixin at ne Karisito to melamgo at lemeren ne Moroa. Larapen tangas orong tarak. Levempanga axap ma lox i xusu ri lok tooro nimi.

2 Korin 13:11

Atnimi bok be luvutnetak mi luvurinuk. Mina lolos ti ruuna ka luruptuvuk i nunuan aleng mene nga la mina ronga res at lisingising tarak tinimi, la levendoxoma atnimi na ngan legesara mun; la mina nemen keneng at limila. La ne Moroa ni lavasuun at labalamu la limila, neni naba nemen eburu minimi.

2 Korin 13:9

Ma lok momo do nemi mi tu lolos; keke i do nema maxo ruuna lololos. La ma sing bok kusu miba ravasu nunuan axap keneng at lorooro atnimi.

2 Korin 3:8

i ruturun tinotno do lugugu at Loroonan naba lox asuusu lisisixam silok aleng.

2 Korin 4:1

Keneng at lebelemumu at ne Moroa, neni ga raba nama mi na lugugu, kuren la nema ma noxo lox abulubun bok ba.

2 Korin 5:18

Ana axav i boro at ne Moroa, la keneng at ne Karisito neni ga vaxat buru dik at lixitkis munepen atdik eburu min kusu nedik ateren; la ni ga raba nema mi lugugu ri vaxat buru limixin uto saparap ne Moroa.

2 Korin 6:3

Ma xopara i do tara na ven lenget ka tosoogong at lugugu atnema mila ma xovara i do mana lok pe langas ti lorooro.

2 Korin 7:1

Larapen tangas orong tarak. Na levelinga a tong pam i, ni levengkakaape ne Moroa ga lox i ridik; kuren la ata lox adadat dik basinge leveloklok kakapmek axap, mo i lox abilinga labantuxu la labaroonan atdik, la ata lok ka luruptuvuk i xaala, mi loklok ngangao atdik ti ne Moroa.

Epesas 1:23

Limixin at lotu nedi di lok ngan labantuxu at ne Karisito, mo i nemen ampana atnedi axap la i nemen ampana bok at lengkot axap at na lavatbung menemen.

Epesas 4:16

Nedik axap ta lok ngan labantuxu ren la maxeneng teren dik tat kis buru. La lengkot axap at labantuxu ren na elok tooro ela, la kerepmo labantuxu ren ba su lolos la ba lox aru axa i mi labalamu, mo do lengkot axap na gugu nunuan.

Epesas 4:29

La lavapaase kapmek noxo ravasu at levenngusno atnemi. Levelinga avukat mene nga mina paase asu i, kusu na lox alolos nedi limixin dik pakes ti levelinga avukat la kusu na lok tooro limixin di ronga nimi.

Epesas 4:4

Legesa bantuxu mene nga la legesa Roonan Kaala, kerekngan mun ne Moroa gara ro xaka vam nimi ti legesa doxoma voovo,

Kolosi 1:24

La na nga nia a lok momo mumu levesongsongot tarak nia ap kiv i ti lok tooro nimi; la kerepmo a lox epovo levesongsongot no ne Moroa ga lok katling i ria kusu na lok tooro limixin at lotu min, mo i lok ngan labantuxu at ne Karisito.

Kolosi 1:28

Nema ma vavang mi ne Karisito ri limixin; ma vaase aronga di la ma anasa di mi lakleklen at ne Moroa kusu nedi axap diba ruuna ka luruptuvuk mokmokso kerekngan ne Karisito la kopmen taxakapmek atdi. La diba nemen kuren se ap mo laaleng diba tu ro melamgo at ne Moroa.

Kolosi 4:17

La mina vaase bok ti ne Akipas keretna, “Una lolos kusu una lox epovo mo lugugu Leeme Silok ga raba u min.”

1 Timoti 1:12

A tong avukat ti ne Iesu Karisito, Leeme Silok atdik, ni gara raba vam ia mi lololos ti lok lugugu rak. A tong avukat tinotno rin mila ni ga ven ia do nenia laradi ruturun, la ni ga soxolik ka ia xusu ana gugu rin.

2 Timoti 4:11

Luk kusuk mene na i nemen eburu minia. Una lam ka bok ne Mak ude eburu minu atla neni i epovo na lok tooro ia mi lugugu.

2 Timoti 4:5

Ketla nenu ne Timoti, una lok tatao avukat lorooro ram at levenaleng axap; una tu lolos at lixipkip levesongsongot; una lok lugugu at laradi i vavang mi Lagale Lavavang, la una lox epovo leven gugu axap taram.

Ibru 13:17

Mina ronga res at luvuttadi amgomgo at lotu la mina mu asu levelinga atdi mila nedi di lok tatao nimi la ne Moroa nabakling lugugu atdi, mo do diga lok tatao avukat nimi. Mina ronga res atdi xusu diba lok momo mun at lugugu atdi. Do mina ronga xepe levelinga atdi, na loklok ting tonga xepe naba lok li lumumuat mavana atdi la naba lok kapmek lunuunu atnimi.

Ibru 6:1

Kuren la nemen mitam tebeng mun mo levenanasa miga lok ka avor i, i lox avukat kusu mina lolos ti lok kaka levenanasa at ne Karisito kusu miba ravasu ngan limixin mukun. Mina ke be mo levenanasa avot, i lok keretna, laanasa mumu loklok ti leeng basinge laxakapmek kusu mo laxakapmek noxo lox asuusu lanmet; laanasa mumu lunuunu ri ne Moroa;