Epesas 3:18 - Madak

¹⁸ la mina umsu mi lolos eburu minedi limixin at ne Moroa kusu miba xasep do labalamu at ne Karisito i babaalom, ip teplas, i urut, la i si aleng tino,

Epesas 3:18 Iomraidhean Croise

Sam 103:17

Ketla nedi dik lok ngangao at Leeme Silok, labalamu ren ik lok amisik mavana atnedi, la luvukat teren ik lok amisik tinedi lavaola axap,

Sam 116:15

Leeme Silok giba bulu aleng mo do tara at limixin axa ren gi met.

Sam 132:9

A vara i do lavamaasa ram dinak lok amisik lempanga ik mokso; la a vara i do limixin taram dinap kup mi lomomo!

Sam 139:6

Lakleklen taram tia i si aleng; la i volo bok lakleklen tarak.

Sam 145:10

Leeme Silok, lempanga rooro axap nenu uga rudum li di, dinaba emi asu minu, la limixin axap taram dinaba tong avukat tu.

Lagale Lavavang At Ne Iesu Karisito Jon Ga Malagan I 15:13

Do tara na soxepe lorooro ren ti lok tooro larapen tangas teren, nom i lox asuusu i do labalamu ren i silok aleng.

Lovoang At Ne Pol Ti Limixin Nunu to Rom 10:3

Nedi di goxoklen langas ti lomokmokso ne Moroa ga lox i rik lox asepmus di basinge laxakapmek, ketla diga puse ngas axa at levendoxoma atnedi; kuren la di goxo raba axa di ri ne Moroa la langas ne Moroa ga lox i rik lox akmokso limixin.

2 Korin 13:13

La limixin nuunu axap mede di lox aonon lomomo atdi rinimi.

Galesia 2:20

I lok ngan ta do diga vaxarem ia eburu mi ne Karisito ro at laxaba; la kopmen nenia xa na a rooro, ketla ne Karisito axa na i rooro xeneng tarak. La lorooro nenia ak lok keneng teren, ni lorooro mi lunuunu keneng at ne Nitna ne Moroa, la neni ga balamu ia la ga raba lorooro ren kusu na uu nop loklok tarak.

Galesia 3:13

Ketla ne Karisito ga ruuna ka lasaxaek at loxonaleng neni ga ru korop ka lasaxaek, no ne Moroa im taba nedi di mumu asu Lenavolo min; kerepmo neni ga un ka amlong nema basinge nom lasaxaek; i ngan Lovoang Kaala i vaase i xeretna, “Do nege na rem to vana at laxaba, neni i ruuna xaka lasaxaek boro at lebelemamao at ne Moroa.” Len 21:23

Epesas 1:10

La at laaleng mokmokso ne Moroa naba lox epovo nom lodomdoma alii la naba sat tomtom buru ka lempanga axap, mo ik lok to vana at laxalibet la ik lok bok nade xopok at lavatbung menemen, kusu ne Karisito naba nemen ngan lamgomgo atdi.

Epesas 1:15

Nia aga ronga levelinga mumu lunuunu atnemi maxeneng at Leeme Silok, ne Iesu, la labalamu atnemi ti limixin axap at ne Moroa;

Epesas 3:19

la miba xasep do nom labalamu ren i silok polo lakleklen at limixin la kerepmo miba umsu mi leveloklox avukat axap at ne Moroa xa.

Kolosi 1:4

mila maga ronga i do lunuunu atnimi saparap ne Iesu Karisito i tu tuxuruxun, la lorooro atnimi i umsu mi labalamu saparap limixin nuunu.

1 Timoti 3:16

I ruturun aleng do lotu atdik, ni lavanga i silok aleng mumu Leeme Silok atdik; “Neni ga rupot ngan laradi; Loroonan Kaala ga lox asuusu i do lorooro ren ga nemen mokmokso; la lubungangelo diga ven i. Limixin diga vavang min to at lengkot axap la limixin diga nuunu ren nade at na lavatbung menemen; la ne Moroa ga lok ka i uto vana at laxalibet.” Sam 9:11

Lisilimet 3:21

Do tara na tu lolos at lunuunu ren la it pas asi lololos laxapmek, aba mulus ka i xusu ni nabat kis eburu minia ro at lixitkis orong tarak, kerekngan ia aga sak tup mi lavamunepen tarak la na nga nia at kis eburu mi ne Tamak to at loxonin orong teren.