Epesas 3:1 - Madak

¹ Nenia ne Pol, a ruuna mo lugugu ti lox axis nemi, limixin kopmen nemi me Judaia eburu mi ne Iesu Karisito, la ni lavasuun bok teren la nenia ak lok de at loxokoxo.

Epesas 3:1 Iomraidhean Croise

Lagale Lavavang At Ne Iesu Karisito Luk Ga Malagan i 21:12

Avot ti na lempanga naba vot, diba ranga alis nimi la dina lox asongot nimi; diba song araba nimi ri lavapaase ro xeneng at laraugu singising la dina lok li nimi at loxokoxo; la diba lok kaka nimi uto melamgo at lavaorong silok la luvuttadi amgomgo xusu dina lok li nimi at lavapaase mila nemi mi nuunu rak.

Leven Gugu 21:33

Leeme gomgo ga vas saparap ne Pol, la ga ranga alis i, la ga tong i ri limixin esep do dina xoxo i mi luvaroos sen. La ni ga sue, “Nege i na laradi, la lavanga salai mo ni i lox i?”

Leven Gugu 23:18

Mo laasesep ga lam ka i uto at leeme gomgo at limixin esep la ga lok, “Laradi xokoxo ne Pol i xup kaka ia la i sing ia xusu ana lam ka na laau radi ude saparav u, mila neni i ruuna levelinga xusu na tong i ru.”

Leven Gugu 26:29

Pol ga lok, “At na loxonaleng kopla loxonaleng melemu, lisingising tarak ti ne Moroa do nenu la nedi axap nom ding tonga ia mo lingina, diba nuunu at ne Iesu xerekngan ia, ketla di noxo nemen at loxokoxo ngan ia.”

Leven Gugu 9:15

Leeme Silok ga lok tin, “Una vot pasa i, mila nia ara soxolik ka vam i xusu ni na mumu asu ia, la ni naba lox axasep laasen tarak tinedi limixin kopmen di me Judaia la ti lavaorong silok la ti limixin me Israel.

2 Korin 1:6

Mo do mana songot at lorooro axap atnama mumu nimi, naba lox avukat aleng mila losongsongot atnama naba lox asuusu loklox amenemen eburu mi lorooro rinimi; la mo do mana lok kaka loklox amenemen ukeneng ti lorooro atnama, na bok naba ravasu ngan loklox amenemen ti lok tooro nimi, mo loklox amenemen i su auru nimi xusu mina tu lolos tip kip mo levesongsongot ngan nema map kiv i.

2 Korin 10:1

Nenia ne Pol; a sing nimi, mi mo loklok mumulus la loklox atnaasan at ne Iesu Karisito. Do nia a nemen eburu minimi, mi lok do nenia ne Pol ak lok mumulus mene; ket do a nemen paxalom basinge nimi, mi lok do nia a paase lolos tinimi.

2 Korin 11:23

Kereva, nedi lavasaxaruki at ne Karisito? Nenia bok lasaxaruki at ne Karisito la a lok nunuan aleng tidi. (A paase ngan laradi baulang tinotno.) Agara lok pam laxan gugu buaang. Buaang levenaleng agara nemen pam at loogu xokoxo, la digak pixis aleng ia, la nia axo epovo xusu ana exes i; la agak lox auret ti lanmet. Nia a lok do nedi dixo ekip tangarang mi levempanga xerepmo.

Galesia 5:11

Luvutnetak mi luvurinuk. Lentaba di tong i do nenia move a vavang do loklok ti rivit kepe levengkontuxu i lox avukat. Do kuren, tila ba la leme Judaia move di lox asongor ia? Dola amo langas ti rivit kepe lengkontuxu i ruturun, naba milik ngan ta do levempavang tarak mumu laxaba at ne Karisito, noxo vaxaru kaxat tepenekarakat.

Galesia 5:2

Mina ronga avukar i na. Nenia ne Pol a tong tinotno i rinemi do, amo do mina doma i do mina vit kepe lengkontuxu atnemi, naba milik ngan keretna do, lugugu at ne Karisito ixo epovo na lok tooro nimi.

Galesia 5:24

La nedi limixin at ne Iesu Karisito, digara ke xepe vam lorooro maut la levendoxoma xapmek eburu mi lavavara at labantuxu atnedi.

Epesas 3:11

Nom lodoxoma ren i epovo mi lodomdoma alii avolo ren, neni ga lox epovo i mi lugugu at ne Iesu Karisito, Leeme Silok atnedik.

Epesas 3:13

Kuren la nia a sing nimi do mina lolos la nemen mita subu kot kantubu at lunuunu atnimi mumu levesongsongot nia ap kiv i. Na levesongsongot ga vot mila agak lok tooro nimi, ketla mina lok momo mun maxeneng teren.

Epesas 3:8

Nenia laradi lixilik tinedi axap limixin at ne Moroa, ketla neni ga lox asu letaba nabalamu ren tia kusu nenia ana vavang mi ne Karisito, ni i lok ngan lapnovos i silok aleng la kopmen tara i epovo na vuse ka tempanga silok kerekngan neni. La a vavang ti limixin kopmen di me Judaia,

Epesas 4:1

Nenia ak lok at loxokoxo mumu lugugu at Leeme Silok. Kuren la nia a sing nimi do lorooro atnimi naba lok nunuan axap, i epovo mi lorotoro at ne Moroa tinimi la i epovo mi lavavara at ne Moroa.

Epesas 6:20

Ni lavasuun teren la nenia, laradi xipkip levelinga at ne Moroa, ak lok de at loxokoxo. Mina ngising bok do nenia noxo marat ti tong asu Lagale Lavavang kerekngan ne Moroa i vara i.

Pilipai 1:7

Am doma su amisik atnimi mi lomomo. La at lusumsuma rak ik mokso do ana doma mumu nemi. Nemi miga gugu eburu minia ap mo lugugu ne Moroa ga raba ia min la ni ga raba nimi mi lolos kusu minap kiv i, i se nga na nenia ak lok at loxokoxo, la ap mo bok levenaleng nenia agat pas tangtagap kusu ana lox asuusu i do Lagale Lavavang i return, la kusu ana lok limixin nuunu kusu dina ru lolos teen.

Kolosi 1:24

La na nga nia a lok momo mumu levesongsongot tarak nia ap kiv i ti lok tooro nimi; la kerepmo a lox epovo levesongsongot no ne Moroa ga lok katling i ria kusu na lok tooro limixin at lotu min, mo i lok ngan labantuxu at ne Karisito.

Kolosi 4:18

A malagan i na lavapaase momo mi lakngak akmokso. Lavapaase momo rinimi boro at ne Pol. Nemen mita domampe i do nenia ak lok de at loxokoxo. Mo letaba nabalamu at ne Moroa na nemen amisik eburu minemi. I ruturun.

Kolosi 4:3

La mina ngising bok tinema’ kusu ne Moroa naba suang lumusaragu nade rinama’ ti paase asu Lagale Lavavang mumu ne Karisito, gano mo Lagale Lavavang ga nemen alipe. La nenia a nemen at loxokoxo mumu mun i mo Lagale Lavavang.

2 Timoti 1:16

Ketla a sing Leeme Silok do ni naba lox asuusu lebelemumu ren ti ne Onisiparas midi loxoetemen; atla neni gak lox alolos amisix ia la neni goxo lok mamangan do nia aga nemen at loogu xokoxo.

2 Timoti 1:8

Kuren la nemen uta lok mamangan ti paase asu levelinga at Leeme Silok atnedik. La nemen uta lok mamangan mu box ia atla nenia a nemen at loxokoxo mumu ne Karisito. Ketla atap kip levesongsongot mumu Lagale Lavavang mi lololos ne Moroa ga raba dik min.

Pilimon 1:1

Nenia ne Pol, nia a nemen de at loogu xokoxo mila nenia a tong asu Lagale Lavavang at ne Iesu Karisito. Timoti, neton dik, ik lox eburu minia. Nema mi ne Timoti ma malagan na lovoang tu, ne Pilimon. Nenu lentangas avukat atnama la nu laradi gugu at ne Moroa ngan nema.

Pilimon 1:23

Epapras neni i lox aonon lavapaase momo ren tu. Neni bok na ik lok at loogu xokoxo atla neni ga tong asu Lagale Lavavang at ne Iesu Karisito.

Pilimon 1:9

ketla nia noxo vaase lolos, ana paase mi labalamu. Nenia a tu katling ne Iesu Karisito la at na loxonaleng nia a nemen to at loogu xokoxo.

Lisilimet 2:10

Nemen mita marat ap mo levenmumuat minabap kiv i. Mina ronga i na, Satan naba lok li teventaba atnemi ri loklok tong, la ba lok li teventaba atnimi at loxokoxo; la mibap kip mo levesongsongot at lasangaun aleng mun. Mina tu lolos mi lunuunu atnimi saparav ia, keke i do miba met mumu i, la aba raba nemi mi lorooro avolo ngan lavatbungorong tinimi.