Epesas 2:8 - Madak

⁸ Moroa ga lox arooro nedik maxeneng at letaba nabalamu ren, mo letaba nabalamu ik lok tinedi di nuunu at ne Iesu Karisito. Limixin kopmen dina epovo kusu dina lox arooro nedi xa; ketla mo letaba nabalamu, ni laramtaba boro at ne Moroa.

Epesas 2:8 Iomraidhean Croise

Metiu 16:17

Iesu ga lok tin, “Luvukat tu, ne Simon lamdak at ne Jona, mila kopmen taradi ga tong asu i na ru, ketla ne Tamak no vana at laxalibet.

Metiu 20:9

Luvuttadi diga gugu kaxat at lavalimo konaleng diga lok ka legesa denarias ti legetgesa radi.

Lagale Lavavang At Ne Iesu Karisito Mak Ga Malagan I 16:16

Dola tara na nuunu at Lagale Lavavang tarak la mina sep susu i, neni naba roo suu. Dola tara noxo nuunu at Lagale Lavavang tarak, neni naba seeve.

Lagale Lavavang At Ne Iesu Karisito Luk Ga Malagan i 7:50

Ketla Iesu ga lok ti mo latkin, “Lunuunu ram ira lok arooro vam u; unat pas mi limila.”

Lagale Lavavang At Ne Iesu Karisito Jon Ga Malagan I 3:36

Do nege i nuunu at ne Nitna ne Moroa, neni naba ruuna ka lorooro avolo; la nege do i ronga xepe ne Nitna ne Moroa, neni noxo ruuna ka lorooro avolo la lebelemamao at ne Moroa ik lok mu amisix i.”

Lagale Lavavang At Ne Iesu Karisito Jon Ga Malagan I 4:10

La ne Iesu ga vorang i rin, “Do uklen laramtaba at ne Moroa la mo laradi i sing u ri toxondan, i epovo do una sing i ri laxadan too, la ni naba raba u min.”

Lagale Lavavang At Ne Iesu Karisito Jon Ga Malagan I 5:24

A tong tuturun i rinimi. Do tara i ronga levelinga rak, la i nuunu ap mo lara ga riki ia, neni ira lok ka vam lorooro avolo. Neni xopmen noxo tu at lavapaase at laaleng ete, ketla ira roo suu vam basinge lanmet la ira ruuna ka vam lorooro avolo.

Lagale Lavavang At Ne Iesu Karisito Jon Ga Malagan I 6:35

Iesu ga lok tidi, “Nenia lakde at lorooro. Mo do tara na vosiga ia, neni noxo roxo bok ba; la neni do i nuunu rak, neni noxo minu bok ba.

Lagale Lavavang At Ne Iesu Karisito Jon Ga Malagan I 6:37

Nedi axap ne Tamak i raba ia midi, dinaba vosiga ia. La do tara na vosiga ia, nenia noxo sok tixirixes i.

Lagale Lavavang At Ne Iesu Karisito Jon Ga Malagan I 6:40

mila lavavara at ne Tamak i lok keretna, nedi do di ven kisip ne Nitna ne Moroa la di nuunu ren, dinaba lok ka lorooro avolo, la nia anaba lox aroo xat di at laaleng ete.”

Lagale Lavavang At Ne Iesu Karisito Jon Ga Malagan I 6:44

Kopmen tara i epovo na vosiga ia, se do ne Tamak na sat ka i ude saparav ia; la nia aba lox aroo xar i at laaleng ete.

Lagale Lavavang At Ne Iesu Karisito Jon Ga Malagan I 6:65

La ni ga lok bok keretna, “Ni na levelinga neni lavasuun teren la nia ara tong i rinimi do tara noxo vosiga ia se ne Tamak na lox avolo i xusu neni na nuunu rak.”

Leven Gugu 13:39

Minaklen box i do nedi axap di nuunu ren, Moroa ira lox asepmus pam di basinge leveloklok kakapmek atdi; Lenavolo at ne Moses kopmen na epovo na lox i xuren.

Leven Gugu 14:27

Duga rupot to Antiok la duga ro bubua limixin axap at lotu, la duga tong asu lempanga ne Moroa ga lox i at levengkikngen du; la duga tong i do ne Moroa ga suang langas ti limixin kopmen di me Judaia xusu dina nuunu.

Leven Gugu 15:11

Nedik taga lok ka lorooro maxat keneng mun at letaba nabalamu at Leeme Silok ne Iesu, kerekngan bok nedi.”

Leven Gugu 16:14

Lara atdi mo digang tonga nama, laasen teren ne Lidia, neni boro Taiataira; neni ga sesep mi lempanga singsiga nunuan. Ni latkin ga lotu saparap ne Moroa; la Leeme Silok ga suang lebelen kusu ni na siam kaka mo lavapaase at ne Pol.

Leven Gugu 16:31

Duga lok, “Una nuunu at Leeme Silok ne Iesu, la nenu ba lok ka lorooro maxat, la nedi axap nom di nemen at loogu ram diba lok ka lorooro maxat.”

Lovoang At Ne Pol Ti Limixin Nunu to Rom 10:14

Ketla dinaba sing kereva do nedi xovisi dina nuunu? La dinaba nuunu xereva do nedi xovisi dina ronga xaka levelinga? La dinaba ronga ka tavanga salai do kovisi tara na vaase asu tevelinga ridi?

Lovoang At Ne Pol Ti Limixin Nunu to Rom 10:17

Kuren la lunuunu it pot do laradi ing tonga levelinga, la levelinga i laala boro at Lagale Lavavang at ne Karisito.

Lovoang At Ne Pol Ti Limixin Nunu to Rom 4:16

Kuren la laxakaape at ne Moroa naba sorun mun mumu lunuunu, kusu ne Moroa na lox asuusu letaba nabalamu ren la laxakaape ren naba sorun ti livipisik li axap at ne Abaram kerekngan levelinga at ne Moroa ga tong i. Kopmen do tinedi xusuk di mumu asu Lenavolo, ketla tinedi bok di nuunu ngan ne Abaram, neni ne temen nedik axap di ruuna lunuunu.

Lovoang At Ne Pol Ti Limixin Nunu to Rom 4:5

Do laradi xopmen na nuunu saga at leven gugu neni ik lox i, ketla i nuunu at ne Moroa mo i lox asepmus limixin dik lok laxakapmek, lunuunu mun teren i lox i la ne Moroa i siam kaka i ngan laradi mokmokso.

Lovoang At Ne Pol Ti Limixin Nunu to Rom 9:16

Loklok at laradi noxo lox i xusu ne Moroa naba soxolik ka i, ketla lebelemumu xusuk mun at ne Moroa.

Galesia 3:14

Ne Karisito ga un ka amlong nama kusu no loklox anarong ne Moroa ga xaape min ti ne Abaram naba volo bok ti limixin kopmen di me Judaia. Ne Iesu Karisito ga lox epovo i na rinama, kusu mumu mun lunuunu atnama maba ruuna xaka Loroonan no ne Moroa ga xaape min.

Galesia 3:22

Ketla Lovoang Kaala i vaase i xeretna do, limixin axap at na lavatbung menemen, dik lok maxopok at lololos at laxapmek; kuren la na laramtaba ne Moroa ga xaape min ti limixin, it pot mumu mun lunuunu saparap ne Iesu Karisito, la ne Moroa im taba i rinedi di nuunu.

Epesas 1:19

La miba xasep ap mo lololos teren i silok aleng, mo i lok tooro nedik limixin nuunu. Mo lololos i ravasu at lololos silok at ne Moroa,

Epesas 2:10

Nedik ta lok ngan loogu ne Moroa ga vaxaru i, mila neni ga rudum li nedik at lekngen ne Iesu Karisito, kusu nedik taba lok leven gugu nunuan, mo ne Moroa ga gagas li avot pam i xusu dik taba lox i.

Epesas 2:5

la ga lox arooro nedik mumu laxakatu kaxat amlong at ne Karisito, keke i do nedik taga lok ngan laxampanga met la taga umsu mi laxakapmek. Neni ga lox arooro nedik keneng mun at letaba nabalamu ren.

Pilipai 1:29

Moroa ga raba nimi mi lugugu at ne Karisito, kopmen do at lunuunu xusuk ketla minaba ekip tangarang bok mi losongsongot.

Kolosi 2:12

Se nemi miga lok ka lesep susu, i lok ngan ta do miga vutup at lamaaut eburu mi ne Karisito la ap mo lesep susu bok nemi miga xatu kaxat amlong eburu mi ne Karisito keneng at lunuunu atnimi la lololos at ne Moroa, mo ga lox aroo xat ne Karisito basinge lanmet.

2 Tesalonia 1:9

La Leeme Silok naba raba di mi lumumuat i silok aleng la dibap kip amisix i. Diba nemen amisik to vetpes basinge lemeren Leeme Silok la di noxo suma lololos avukat at ne Moroa.

Ibru 6:4

Nedi limixin diga ronga Lagale Lavavang la diga nuunu ren la digara suma vam lomomo at lorooro avolo la digara lok ka vam Loroonan Kaala, la digaraklen pam lorooro nunuan ne Moroa ga vaase alii min ti limixin, la digara ven pam ne Moroa ga lok levempanga sangsangu; do mo limixin dina raba arulu ne Moroa, ixo epovo xusu dina leeng basinge mo laxakapmek mila ap mo mun loklok i lok ngan ta do nedi xa dira vaxarem amu manga ne Nitna ne Moroa ro at laxaba, la kerepmo dira lok li manga i at lainmangan to at lemeren limixin.

1 Pita 1:5

La ne Moroa ik lok li i rinemi limixin mi ruuna lunuunu la neni ik lok tatao nemi mi lololos teren kusu ri loklox arooro, mo ne Moroa naba lox asuvos i at laxavaxap at na lavatbung menemen.