Epesas 2:3 - Madak

³ Nedik axap taga nemen kuren, taga lok lempanga kusu ri lox amomo mun lodoxoma la labantuxu atdik, mo ga umsu mi lavavara kapmek at lorooro maut. La nedik taga nemen maxopok at lebelemamao at ne Moroa kerekngan nedi.

Epesas 2:3 Iomraidhean Croise

Sam 51:5

Nia aga xapmek, tu ka xa i at laaleng diga visix ia ren; kovisi ne naga ga visix ia nia agara xapmek pam.

Lagale Lavavang At Ne Iesu Karisito Mak Ga Malagan I 4:19

ketla di bulu mu solo laxampanga at na lorooro la nom labalamu atnedi ri lapnovos, la levereven peves ti lempanga at na lavatkangka i vubeles at lorooro atdi la di itis nom levelinga la dixo visik tempeven una.

Lagale Lavavang At Ne Iesu Karisito Jon Ga Malagan I 1:13

Di goxo ravasu ngan luvutnitna ne Moroa at loklok at na lavatbung menemen, i ngan ta do laxamdak mi laxaalik at lenasun, kopla at lavavara at latlok, kopmen; ne Moroa xa, neni ne Temen di.

Lagale Lavavang At Ne Iesu Karisito Jon Ga Malagan I 8:44

Nemi laxamdak at ne temen nimi, ne Satan. La mi vavara i do mina mumu asu lavavara at ne temen nimi. Ga ru ka i at lurutu kaxat neni laradi sepsev amet tadi. La neni xopmen na tu at luruturun, mila kopmen turuturun keneng teren. Do neni i vaase laxaxarang, neni ik lok mene levempanga i epovo rin, mila neni laradi xaxarang, la neni lavasuun at laxaxarang.

Leven Gugu 14:16

Ganoxa ni ga mulus do limixin axap dina mumu xa lavavara atdi.

Lovoang At Ne Pol Ti Limixin Nunu to Rom 1:24

Mo limixin digang tangku xerepmo, kuren la ne Moroa ga ke xepe di ri lok leveloklok kakapmek maxamang at lixitkis epot ngan diga vavara rin. La i lok ngan bok pam nedi eburu diga lok lengkot mamangan la diga lox abilinga labantuxu atdi.

Lovoang At Ne Pol Ti Limixin Nunu to Rom 11:30

Nemi limixin kopmen nemi me Judaia, nemi miga ronga xepe avot ne Moroa; ketla ana mira ruuna ka vam lebelemumu ren atla leme Judaia diga ronga xepe i.

Lovoang At Ne Pol Ti Limixin Nunu to Rom 13:14

Ketla mina lok ka levempanga esep at Leeme Silok ne Iesu Karisito, la mina doxoma xepe leveloklok kakapmek ngan lavavara at labantuxu mun.

Lovoang At Ne Pol Ti Limixin Nunu to Rom 2:14

Limixin kopmen me Judaia, dixo ruuna Lenavolo, ketla levendoxoma nunuan atdi i lok di xusu dina mu asu leventaangas teren, keke i do dixoklen i. Kuren la i lok ngan ta do di ruuna Lenavolo keneng at lebelen di.

Lovoang At Ne Pol Ti Limixin Nunu to Rom 5:10

Nedik diga munepen mi ne Moroa, ketla neni ga vaxat ka buru nedik saparav i mumu lanmet at ne Nitna. La amo nga Moroa ga lok lumulum eburu minedik, i epovo rinotno do nedik ataba roo suu mumu lorooro at ne Karisito.

Lovoang At Ne Pol Ti Limixin Nunu to Rom 5:9

Moroa ga lox asepmus dik mi lada at ne Karisito, kuren la keneng teren i epovo rinotno do nedik taba roo suu basinge lebelemamao at ne Moroa.

Lovoang At Ne Pol Ti Limixin Nunu to Rom 6:12

Kuren la nemen mita ke laxapmek na lok tatao labantuxu gamasa atnemi mo naba met; la nemen mita ronga res at lavavara mun at labantuxu atnimi.

Lovoang At Ne Pol Ti Limixin Nunu to Rom 7:18

Aklen i do luvukat kopmen na silok keneng at lorooro at labantuxu rak. I ruturun do lodoxoma rik lok luvukat ik lok keneng tarak, ketla nenia axo epovo xusu ana lox i.

Lovoang At Ne Pol Ti Limixin Nunu to Rom 9:22

La ne Moroa i lok bok losoksoxolik teren kuren. Neni ga vara i xusu na lox asu lumukmusak teren la na lox ase lololos teren, ketla neni move naba ke amulus nedi limixin dik lox abelemamao i, keke i dola nedi limixin kapmek la i epovo xusu neni na sele utut nedi.

1 Korin 4:7

Kopmen tara ga lok li nimi xusu mina silok ti mo lentaba vetpes. Moroa ga raba nimi mi nom lempanga axap mi ruuna i. Kuren la nemen mita xip aurut levenasen atnimi min, mila nom lempanga mi ruuna i ne Moroa ga raba nimi min.

2 Korin 7:1

Larapen tangas orong tarak. Na levelinga a tong pam i, ni levengkakaape ne Moroa ga lox i ridik; kuren la ata lox adadat dik basinge leveloklok kakapmek axap, mo i lox abilinga labantuxu la labaroonan atdik, la ata lok ka luruptuvuk i xaala, mi loklok ngangao atdik ti ne Moroa.

Galesia 3:22

Ketla Lovoang Kaala i vaase i xeretna do, limixin axap at na lavatbung menemen, dik lok maxopok at lololos at laxapmek; kuren la na laramtaba ne Moroa ga xaape min ti limixin, it pot mumu mun lunuunu saparap ne Iesu Karisito, la ne Moroa im taba i rinedi di nuunu.

Epesas 2:2

mo ga umsu at lorooro atnimi ap mo levenaleng miga mumu asu leveloklok at na lavatkangka la levelinga at laradi gomgo, ne Satan, ik lok to vana at lamavangkap, la na loroonan kapmek i gugu keneng at limixin tongtonga xepe.

Epesas 4:22

Miga lox ase kusu mina lok kepe lorooro maut mo gak lok at lorooro atnimi ganoxa, la lodomdoma ri laxakapmek gara lok kapmex i.

Kolosi 1:21

Gano migomgo miga nemen paxalom basinge ne Moroa, leveloklok atnimi la lodoxoma atnimi ga lok kapmek la kerepmo migak lok ngan limixin munepen teren.

1 Tesalonia 4:13

Luvutnetak mi luvurinuk. Ma vara i do mina xasep mumu nedi digara met pam; la ma xopara i do minak lok bukbulu xerekngan nedi limixin kopmen dina nuunu at ne Iesu Karisito. Do tara atdi na met, di lok bukbulu aleng mila dixo doxoma voovo ri lorooro melemu.

1 Tesalonia 5:6

Kuren la nemen dik guta vunga xerekngan limixin kopmen dina nuunu at ne Iesu; ketla ata gagas avukat la nemen dik guta nemen tangtangku.

1 Timoti 6:9

Ketla nedi di vara i do dinap novos aleng, di ekip tangarang mi leveloklok tong pen la di vonon axa at lara pelixo atnedi limixin tangtangku la mo laxandoxoma xakapmek atnedi i lox asubu di ukopok ti losongsongot la labaava.

Taitas 3:3

Gano nedik limixin ta goxoklen lorooro avukat, ta goxo ronga res at levelinga at ne Moroa la levelinga bok at lavaeme silok. Satan ga xarang dik la tagara puse ri levempanga at na lavatbung menemen; la taga mumu mene nga lavavara atnedik. Lorooro atdik ga umsu mi laxakapmek mi levereven peves at lempanga at limixin petpes; la limixin diga musak dik la ta goxo epen avukat.

1 Pita 1:14

Minang tonga res at ne Moroa, la nemen gat mi gutam lomlong ti mo lavavara xapmek miga ruuna i gano at levenaleng migak lok at larangtangku.

2 Pita 2:14

Di vavara xusuk mun i xusu dinak lok mu lavakin dik lok lengkot kapmek; la levempavara atnedi rik lok leveloklok kakapmek, kopmen na vaxap. La di sasat kaka limixin, lunuunu atdi xopmen na lolos, kusu dina lok laxapmek. La dik lok arala levempeve atnedi mi loklok ti belegaao. Kuren la nedi dik lok maxopok at lasaxaek ne Moroa naba raba di min!

2 Pita 2:18

Dim simi aurut nedi mi levendoxoma rangtangku la levelinga gamasa. La dik lok lengkot mamangan kusu dinang kan kaka nedi dik lok do dinak sixiro basinge limixin di mumu asu langas kapmek.

1 Jon 2:16

Leveloklok axap at na lavatkangka ngan levempavara kapmek at labantuxu, levereven peves, la loklox asilok, nedi na leveloklok kopmen na laa boro at ne Temen dik. Mo leveloklok i suusu at loklok at lavatkangka.

1 Jon 2:8

Ketla nia ana malagan li leretere maxat, ne Iesu ga lox asuusu i at lorooro ren la ik lok bok keneng at lorooro atnimi. Do tara na mu asu na levelinga, i lox asuusu i do lamain ira xap la laxasep i vubeles pam at lorooro ren.