Epesas 2:10 - Madak

¹⁰ Nedik ta lok ngan loogu ne Moroa ga vaxaru i, mila neni ga rudum li nedik at lekngen ne Iesu Karisito, kusu nedik taba lok leven gugu nunuan, mo ne Moroa ga gagas li avot pam i xusu dik taba lox i.

Epesas 2:10 Iomraidhean Croise

Sam 100:3

La mina ven kibis i do Leeme Silok neni ne Moroa. Neni ga rudum dik, la nedik ateren akmokso; nedik limixin teren, nedik laxasipsip teren.

Sam 119:3

Dixo lok tempanga i bilinga, ketla dit pas mu asu leveloklok at Leeme Silok.

Sam 138:8

Nenu naba lox epovo lempanga uga xaape min; Leeme Silok, labalamu ram naba nemen lexen. Una lox epovo axap ta mo lugugu ua ugara vaxaru kaxat pam i.

Sam 51:10

O Moroa, una lox amaxat labalak, la una lox aumsu lorooro rak mi lodoxoma maxat mo ik mokso.

Sam 81:13

Nia aga vavara rinotno i xusu limixin tarak dinang tonga ia; la a vara rinotno i xusu dinang tonga res tarak!

Metiu 5:16

La kerepmo bok laxasep atnemi na soso ro melamgo at limixin, kusu diba reven leveloklok nunuan mik lox i, la diba emi asu mi ne Moroa ne Temen nimi boro vana at laxalibet.”

Lagale Lavavang At Ne Iesu Karisito Jon Ga Malagan I 3:21

Ket do nege luruptuvuk teren ik lok at luruturun, neni i nemen at laxasep la kerepmo limixin di ven kisip lorooro ren la diklen i do ne Moroa i nemen eburu min.”

Leven Gugu 9:31

Kuren la luvuttadi nuunu at lengkot axap Judaia, Galili, la Samaria, diga ruuna limila la kopmen bok ba di goxo marat. La leexes at limixin nuunu ga urut; mila Loroonan Kaala ga gugu kantubu atdi, la diga lok ngangao aleng at Leeme Silok.

Leven Gugu 9:36

To Jopa lara latkin ga nemen, laasen teren ne Tabita; neni latkin nuunu. (Laasen bok teren at lavapaase Grik do ne Dokas). Ni ga raba axap lorooro ren kusu na lok tooro limixin pakpakes mi leven gugu nunuan.

Lovoang At Ne Pol Ti Limixin Nunu to Rom 8:1

Kopmen bok ba toxokoxo tinedi di nemen keneng at ne Iesu Karisito;

Lovoang At Ne Pol Ti Limixin Nunu to Rom 8:29

Avot ti luruntudum li at na lavatbung menemen ne Moroa gakleklen limixin teren la ga soxolik ka di kusu dina ravasu ngan ne Nitna ne Moroa, la neni naba lok ngan lamgomgo ri laxanneton solo.

1 Korin 3:9

mila nema eburu mun luradi gugu at ne Moroa la nemi mi lok ngan laxantaamang teren. La nemi bok mi lok ngan loogu, ne Moroa ga vaxaru i.

2 Korin 5:17

Do tara i nuunu at ne Karisito, neni i ngan laradi maxat at loroonan teren; levempanga xapmek at lorooro maut ira xap pam, la lorooro maxat mo ira vot ta.

2 Korin 5:5

Moroa xa neni ga gagas pam nedik ti na lorooro avolo, la neni ga raba nedik mi Loroonan teren ngan lampinebeng ti mo levempanga neni i ruuna i do ridik.

2 Korin 9:8

La ne Moroa xa i epovo na raba nimi mi leveloklox anarong axap naba umsu aleng, kusu at levenaleng axap miba ruuna epovo amisik at levempanga axap la ne Moroa xa ba lok levempanga atnimi mitlotlo i na pisik nunuan kusu miba epovo rinotno do mina lok leven gugu nunuan.

Galesia 6:15

Ixo lok petpes tinotno xantubu at taradi diga vit kepe toxontuxu ren, la tara di goxo vit kepe toxontuxu ren; mo loklok kopmen lavanga silok. Ketla lavanga mene nga i silok keretna, laradi i ba gili lorooro ren kusu na lok ka lorooro maxat.

Epesas 1:1

Nenia ne Pol, laradi vavang at ne Iesu Karisito; Moroa ga soxolik ka ia ri na lugugu. Nia a malagan na levelinga rinemi limixin nuunu boro Epesas, mi nuunu ruturun keneng at ne Iesu Karisito.

Epesas 1:4

Ni ga soxolik ka nedik mumu ne Karisito, avot ti luruntudum li at lavatbung menemen, kusu dik tana dadat basinge laxakapmek la taba nunuan axap at lemeren. Neni i umsu mi labalamu la kerepmo,

Epesas 2:13

Miga nemen paxalom basinge i, ketla na nga, keneng at lada at ne Iesu Karisito, Moroa ga lox axis bus nimi eburu min.

Epesas 2:15

At lanmet teren neni ga sep korop kepe loklok ti mumu asu Lenavolo at leme Judaia eburu mi levelinga lolos la leventaangas teren. Ni ga vara i do na lok kaka nom luabung mixin la na lok legesa bungmixin tin; la na langas mun naba lok kaxat lumulum.

Epesas 2:2

mo ga umsu at lorooro atnimi ap mo levenaleng miga mumu asu leveloklok at na lavatkangka la levelinga at laradi gomgo, ne Satan, ik lok to vana at lamavangkap, la na loroonan kapmek i gugu keneng at limixin tongtonga xepe.

Epesas 2:6

I lok ngan ta do ne Moroa ga lox axatu amlong dik eburu mi ne Karisito la ga lox axis dik eburu min to vana at laxalibet; na i ravasu boro at lugugu at ne Iesu Karisito.

Epesas 4:1

Nenia ak lok at loxokoxo mumu lugugu at Leeme Silok. Kuren la nia a sing nimi do lorooro atnimi naba lok nunuan axap, i epovo mi lorotoro at ne Moroa tinimi la i epovo mi lavavara at ne Moroa.

Epesas 4:24

La miga lox ase kusu mina lox ekun nom lorooro maut mi lorooro maxat, mo i lok ngan lampoovo at ne Moroa la i umsu mi loklok mokmokso i ruturun la loklok i dadat.

Pilipai 1:6

Kuren la aklen tinotno i do ne Moroa, ni ga vaxaru ka i na lugugu nunuan keneng atnimi, neni naba lox epovo na lugugu nunuan keneng at lorooro atnimi at na levenaleng la naba se at laxavaxap at lugugu atdik at laaleng ete at ne Iesu Karisito.

Pilipai 2:13

mila ne Moroa i gugu amisik keneng at lorooro atnimi ri lok amisik nemi xusu mina vara lodoxoma ren la mina epovo xusu mina mu asu i.

Kolosi 1:10

Ma lok levesingising keretnom kusu lorooro atnimi ba epovo mi lavavara at Leeme Silok la kusu mina lok lempanga naba lox amomo i. Nom lempanga i lok keretna, lorooro atnimi naba pisik asu leveloklok nunuan solo, la nemi minaba lok kaka lakleklen at ne Moroa,

Kolosi 3:10

la miga sang ka lorooro maxat, mo ne Moroa ik lox amaxat amisix i mi lakleklen teren kusu miba lok ngan lampoovo at ne Moroa, lanat tuntudum li.

2 Tesalonia 2:17

Ma sing du do duna lox alolos lorooro atnimi xusu mina lok leven gugu nunuan la mina tong asu levelinga i nunuan.

1 Timoti 2:10

Ketla dina lox asu leven gugu nunuan, mo ik mokso ri lavakin di lotu ruturun saparap ne Moroa.

1 Timoti 5:10

la lorooro ren i umsu mi leven gugu nunuan la lorooro ren ga lok keretna. Neni latkin loklok tatao avukat laxamdak mi laxaalik teren, la ni ga lok maraose mi limixin kadiong diga vot to at loogu ren, la ni ga lok levempanga nunuan tinedi limixin nuunu la ni ga lok tooro nedi diga xip tutu mi levenmumuat, la ga raba axap lorooro ren ti lok leven gugu nunuan.

1 Timoti 5:25

La kerepmo mun lentaba leven gugu nunuan i nemen saxaven, la mo leven gugu nunuan limixin kopmen dina ven i, naba nemen at lasaxaven.

1 Timoti 6:18

Una tong i ridi xusu dina lok mun luvukat, la dinap novos mi leven gugu nunuan, kusu dina episa levempanga atdi mi limixin petpes.

2 Timoti 2:21

Lavasuun at nom keretna; do tara i lok kepe leveloklok kakapmek teren, neni naba lok ngan nom leventingtigon avukat di anan min at levenaleng silok, atla ni i lok lugugu avukat ti leeme silok teren la ni i gagas kusu na lok leven gugu nunuan.

2 Timoti 3:17

kusu limixin at ne Moroa naba gagas kusu dina epovo ri lok leven gugu nunuan.

Taitas 2:14

Neni ga raba i xusu neni na un kaka amlong nedik basinge laxakapmek atdik ngan limixin dadat la kusu tana nemen ngan limixin teren kusuk mun la tana lolos ti lok leven gugu nunuan.

Taitas 2:7

At levempanga axap nenu una lok leveloklok i nunuan ngan lampoovo ridi xusu nedi bok dina lok levempanga nunuan. Dola una lox ase limixin, una paase ruturun tidi la levelinga ram nak sixit nunuan,

Taitas 3:1

La ne Taitas, una tong box i ri nom limixin nuunu do dina doxoma mumu lixitkis atdi maxopok at lagavaman mi lavaeme silok; la dinang tonga res at levelinga atdi la dina gagas kusu dina lok leven gugu nunuan;

Taitas 3:14

La limixin axap atnedik, dina lolos amisik ti lok leven gugu nunuan kusu diba lox epovo lavakpakes atdi la diba lok tooro limixin petpes.

Taitas 3:8

Na levelinga mumu loklox arooro at ne Moroa i ruturun; la una lolos ti tong asu amisix i ri limixin nuunu me Krit, kusu dina lolos ti lok leven gugu nunuan. Na leven gugu nunuan i lox avukat la i lok tooro limixin axap.

Ibru 10:24

La mina doxoma ka teventaangas kusu mina lox axatu lebelen nimi ri elok tooro ela la lorooro atnimi na umsu mi labalamu la leveloklok i nunuan.

Ibru 13:21

A sing ne Moroa do na lox agagas avukat nimi xusu minaba mu asu lavavara ren la neni na gugu at lebelen nimi xeneng at loklok tooro at ne Iesu Karisito. Ata ba lok mo levempanga neni naba momo ren la ata emi asu min la na leemi asu rin noxo xap. Tuturun.

1 Pita 2:12

La minap tuvuk avukat at lemeren nedi lavamolon, la mo do dina sok taba parang nemi mi toloklok kakapmek, nedi dinaba ven kibis ba leveloklok nunuan atnemi la dinaba emi asu mi ne Moroa at laaleng potpot teren.

1 Jon 1:7

Ketla mo do nedik ta nemen at laxasep, kerekngan ne Moroa i nemen at laxasep, nedik atat kis esogo eburu; la lada at ne Iesu, nitna ne Moroa i lox adadat nedik basinge levengkakapmek axap.

1 Jon 2:6

do taradi na doma i do lorooro ren ik lok keneng at ne Moroa, lavatpas teren na lok ngan tinotno ne Iesu Karisito.