Epesas 1:7 - Madak

⁷ Ni ga met la lada ren ga sen su kusu ri un ka amlong dik, la kusu ne Moroa naba doxoma xepe leveloklok kakapmek atdik. Kerepmo ne Moroa ga lox asuusu letaba nabalamu ren i silok aleng,

Epesas 1:7 Iomraidhean Croise

Sam 130:4

Ketla u doxoma xepe laxapmek atnema limixin taram, kuren la ma pavanga u mi loklok ngangao.

Sam 130:7

Leme Israel, mina nuunu saga at Leeme Silok atla, labalamu ren naba nemen lexen, la neni i vavara amisik i xusu nak lox aroo su limixin basinge leveloklok kakapmek.

Sam 86:5

Uk lok luvukat tinema la um doxoma xepe laxapmek atnema, la u umsu mi labalamu lexen tinedi axap no di ngising parav u.

Metiu 20:28

Nenia Laradi Mevana la loklok tarak ik lok bok kuren. Nia xopmen a goxo vot kusu limixin dina ba lok ngan lavasaxaruki rak. Ketla nia aga vot kusu ana lok ngan lasaxaruki ridi, la kusu ana raba lorooro rak ngan laxaavuk tidi buaang limixin.”

Metiu 26:28

Lada rak na la i lok katling lekabus maxat. Lada rak ba sen su xusu ri limixin buaang, ne Moroa naba doxoma xepe leveloklok kakapmek atdi.

Metiu 6:12

Doxoma xepe laxakapmek atnema, kerekngan nema ma doxoma xepe laxakapmek atnedi di lox i rinema.

Lagale Lavavang At Ne Iesu Karisito Mak Ga Malagan I 14:24

La ni ga lok, “Lada rak na; i lok katling lekabus maxat. Lada rak ba sen su kusu ri limixin buaang, ne Moroa naba doxoma xepe leveloklok kakapmek atnedi.

Lagale Lavavang At Ne Iesu Karisito Luk Ga Malagan i 1:77

la uba tong i ri limixin teren do neni ba lox arooro di la neni naba doxoma xepe laxakapmek atdi.

Lagale Lavavang At Ne Iesu Karisito Luk Ga Malagan i 24:47

La keneng at laasen teren diba tong asu Lagale Lavavang mumu loklok ti leeng la loklok ti doxoma xepe laxakapmek diba vavang min ti limixin axap at lavatbung menemen, ba ru ka i de Jerusalem.

Lagale Lavavang At Ne Iesu Karisito Jon Ga Malagan I 20:23

Do mina doxoma xepe leveloklok kakapmek at tara, i lok ngan ne Moroa i doxoma xepe i. Do mixo doxoma xepe leveloklok kakapmek at tara, i lok ngan ne Moroa xopmen na doxoma xepe i.”

Leven Gugu 10:43

Nedi axap, lavaeme vapaase alii diga paase mumu vam i, diga tong alii i do tara i nuunu ren, nom laxakapmek teren, ne Moroa naba doxoma xepe i xeneng at laasen teren.”

Leven Gugu 2:38

Pita ga lok tidi, “Nemi getgesara mina leeng basinge leveloklok kakapmek atnimi, la mina lok kaka lesep susu at laasen at ne Iesu Karisito kusu ne Moroa naba doxoma xepe leveloklok kakapmek atnimi la nemi minaba ruuna ka na laramtaba at Loroonan Kaala.

Leven Gugu 20:28

Mina lok tatao avukat nemi la mina lok tatao nedi bok limixin, Loroonan Kaala gara lok li vam nedi maxopok at loklok tatao atnimi. Mina lok ngan luvuttadi loklok tatao sipsip kantubu at limixin at ne Moroa, no ni ga lok li di do ateren axa mumu lanmet at ne nitna.

Leven Gugu 3:19

Kuren la mina leeng basinge laxakapmek atnimi xusu ne Moroa naba doxoma xepe laxakapmek atnimi,

Lovoang At Ne Pol Ti Limixin Nunu to Rom 2:4

Kopla mi doma abalalak mene nom langsangan labalamu ren, mi loklok mulus teren la kopmen ni noxo ila mumu soso loklok atnimi. Tuturun miklen i do ne Moroa i lox avukat, atla ni i vara i do mina ven kisiv i nom la mina leeng.

Lovoang At Ne Pol Ti Limixin Nunu to Rom 3:24

Ketla ne Moroa ik lox asepmus di mumu letaba nabalamu ren at lekngen at ne Iesu Karisito, mo ga un ka amlong di.

Lovoang At Ne Pol Ti Limixin Nunu to Rom 3:25

Moroa ga raba ne Iesu ngan laxaavuk tinedi limixin dina nuunu do neni ga lox asu lada ren at laxaba xusu ri uu nop loklok atdi. Moroa ga lox i na xusu ri lox asuusu i do neni laradi mokmokso, mila gano migomgo neni gak lok atnaasan, la goxo reven ti laxapmek at limixin;

Lovoang At Ne Pol Ti Limixin Nunu to Rom 9:23

La ni ga vara box i xusu neni na lox asu lagale lisisixam teren, no ni ga soli asu i rinedik limixin ua neni ga belemumu dik, la ti nege atdik no neni gara gagas pam di xusu dinaba lok kaka lisisixam teren,

1 Korin 1:30

Ketla ne Moroa gara lok ka vam nimi ri lixitkis etangas eburu mi ne Iesu Karisito la ne Moroa ga lok katling pam ne Karisito ngan laxasep tidik; keneng mun at ne Iesu Karisito, ne Moroa ga vaxaxis buru dik min, la ga lok dik ngan limixin dadat teren, la gara lox asepmus nedik basinge laxakapmek atdik.

2 Korin 8:9

Nemi mikleklen letaba nabalamu at Leeme Silok atdik ne Iesu Karisito, neni gap novos aleng, ketla ti luvukat tinedik neni ga ravasu ngan laradi banbalo, kusu mibap novos.

Epesas 1:14

Na Loroonan Kaala i lok ngan lampinebeng ti loklox arooro atdik kusu nedik tanaba lok ka mo leventamtaba ne Moroa gara vaase alii vam min ti limixin teren, la nabak lok kuren se at laaleng ne Moroa naba lox epovo loklox arooro ridik. Ata emi asu mi ne Moroa i silok aleng.

Epesas 1:18

Nia a sing bok ne Moroa do lodoxoma atnemi na rem suang kusu miba xasep ap mo leveloklox anarong, neni ga ro ka nimi ri lok ka i. Mo leveloklox anarong i ngan lapnovos silok i lox avukat aleng la i nemen tangais limixin axa ren.

Epesas 1:6

Kuren la nedik axap ata emi asu mi ne Moroa ri letaba nabalamu ren i nunuan aleng, la ni ga raba gamasa dik min, maxeneng at lugugu at ne Nitna, mo ne Moroa i balamu i.

Epesas 1:8

mo ni ga lox aumsu dik min eburu mi lodoxoma avukat la lakleklen teren.

Epesas 2:4

Ketla ne Moroa i umsu mi lebelemumu, ga lox asu langsangan labalamu ren tidik,

Epesas 2:7

Neni ga lox i na xusu at levenaleng i tu melamgo, neni naba lox asuusu i do letaba nabalamu ren i nunuan axap, mo letaba nabalamu ga ravasu at labalamu ren tidik maxeneng at lugugu at ne Iesu Karisito.

Epesas 3:16

Nenia a sing ne Moroa do maxeneng at langsangan lapnovos teren, neni naba lox alolos lorooro axap atnimi mi lololos boro at Loroonan Kaala.

Epesas 3:8

Nenia laradi lixilik tinedi axap limixin at ne Moroa, ketla neni ga lox asu letaba nabalamu ren tia kusu nenia ana vavang mi ne Karisito, ni i lok ngan lapnovos i silok aleng la kopmen tara i epovo na vuse ka tempanga silok kerekngan neni. La a vavang ti limixin kopmen di me Judaia,

Pilipai 4:19

Moroa rak naba raba nemi mi levempanga axap mik pakes tin, i epovo mi langsangan lapnovos keneng at ne Iesu Karisito.

Kolosi 1:14

Keneng at ne Iesu, Moroa ga un ka amlong dik, la ni ga doxoma xape bok leveloklok kakapmek atdik.

Kolosi 1:27

Moroa ga soxovo li i do na lox asuvos Lagale Lavavang ti limixin teren; mo levelinga i lok ngan lapnovos silok la i lox asuusu lisisixam at ne Moroa. Mo levelinga i lok keretna, Karisito nabat kis esogo eburu mi limixin kopmen di me Judaia la nedi bok diba ruuna ka loxot at lisisixam teren.

Kolosi 2:13

Ganoxa leventoonan atnimi ga met, atla migak lok leveloklok kakapmek la mi goxovisi lok kepe lorooro maut, ketla ne Moroa ga sar asu nemi ri lorooro eburu mi ne Karisito. Moroa ga doxoma xepe leveloklok kakapmek axap atdik.

Kolosi 2:2

Lavavara rak i lok keretna, lorooro atdi na lolos la diba ru buru mi labalamu ela kusu lorooro atdi ba umsu mi laxasep silok, mo i lok ngan lapnovos silok tidi. Ap mo mun langas nedi dibaklen lodomdoma lipe at ne Moroa, la mo lodomdoma lipe neni ne Karisito.

1 Timoti 2:6

Ni ga raba xa i ngan laxaavuk ti lox arooro limixin axap basinge laxakapmek atdi. Na ga ravasu ruturun at loxonaleng mokmokso ren.

Taitas 2:14

Neni ga raba i xusu neni na un kaka amlong nedik basinge laxakapmek atdik ngan limixin dadat la kusu tana nemen ngan limixin teren kusuk mun la tana lolos ti lok leven gugu nunuan.

Taitas 3:6

Moroa ga sak tiki Loroonan Kaala ren saparap dik kusu na lok tooro dik; i epovo xuren, mila ne Iesu Karisito, Laradi Loklox Arooro atdik, ga uu nop loklok atdik.

Ibru 9:22

I ruturun aleng do levempanga axap diga lok mo lugugu min, diga lox axaala di mi lada xerekngan Lenavolo i tong i. La do lada noxo sen, Moroa noxo doxoma xepe laxakapmek at limixin.

1 Pita 2:24

Ne Karisito axa neni ga xip leveng kakapmek atnedik keneng at labantuxu ren uto at laxaba kusu nedik tanaba sepmus basinge loklok kakapmek atnedik la ata rooro tik lok leveloklok ik mokso. La nemi mi lox avukat pam mumu mun laranin kooxing teren.

1 Pita 3:18

Karisito ga met gesara mene nga ri ru korop ti laxakapmek axap atnimi, la neni laradi avukat ga met ti rukun levesongsongot ti limixin di lok laxakapmek, kusu ri lam kaka nemi uto saparap ne Moroa. Diga sev amet labantuxu ren, ketla Loroonan Kaala ga lox aroo xat amlong i;

1 Jon 2:12

Nenia a malagan na lovoang tinemi luvutnuruk orong. Lavasuun teren keretna, Moroa ira doxoma xepe vam laxakapmek atnimi maxeneng at laasen at ne Iesu Karisito.

1 Jon 2:2

Iesu neni laxaavuk tidik la ni ga lok langas kusu ne Moroa na doxoma xepe laxakapmek atdik. La ni noxo domampe laxakapmek atnedik kusuk mun, ketla neni ba doxoma xepe bok laxakapmek at limixin axap at na lavatbung menemen.

1 Jon 4:10

Labalamu i lok keretna; kopmen dola nedik diga balamu ne Moroa, ketla neni ga balamu dik la ga riki ne Nitna ngan laxaavuk ti ru korop ti laxakapmek atnedik.

Lisilimet 14:4

Nedi mun na limixin di goxo lok taxakapmek maxamang at lixitkis epot, mila diga tu asepsu basinge loklok ti elong ka. Nedi na limixin di mumu amisik Lanasip; Moroa ga un ka amlong di xantubu at limixin la diga lok ngan levempipisik avot ti ne Moroa la Lanasip.

Lisilimet 5:9

La nom lavanuet levempanga rooro eburu minedi loxongkulao amgomgo diga vixan lara loxompixan maxat, i lok keretna, ‘Nenu u epovo rinotno xusu una lok ka lugun linga la una ba kaxat kepe mo levelumlut teren mila limixin diga sev amer u; ketla uga roo xat amlong la at nom mun lada ram uga un ka amlong limixin ti ne Moroa. Nedi at levenabung mixin axap la boro bok at levempapaase vetpes, la boro bok at lenbantuxu vetpes, la boro bok at larabibinat petpes.