Epesas 1:3 - Madak

³ Nedik ata emi asu mi ne Moroa, Temen ne Iesu Karisito, Leeme Silok atdik. Neni gara lox anarong pam nedik mi leveloklok anarong axap boro vana at laxalibet tinedik limixin at ne Karisito.

Epesas 1:3 Iomraidhean Croise

Sam 134:3

A vara i do Leeme Silok i nemen de Saion la ga rudum li laxalibet mi lavatbung menemen naba lox anarong nemi!

Sam 72:17

Limixin di noxo domampe laasen at loorong at levenaleng axap i tu melamgo; la keke mo lakleklen at limixin mumu i naba nemen amisik ngan laxangking. La limixin at laranep silok bok dinaba ngising ne Moroa ri lox anarong nedi ngan ni gara lox anarong pam loorong.

Sam 72:19

Leemi asu amisik la kopmen tekavaxap teren ti laasen melemelengan teren! Keke lisisinang teren na suxuna axap lavatbung menemen. Tuturun! Tuturun!

Lagale Lavavang At Ne Iesu Karisito Luk Ga Malagan i 2:28

La ne Simion ga lok kaka lamdak mi lukngen, la ga emi asu mi ne Moroa xeretna;

Lagale Lavavang At Ne Iesu Karisito Jon Ga Malagan I 14:20

Dola nom laaleng na vot, mibaklen ka i do nenia a nemen eburu mi ne Tamak la nemi mi nemen tarak; kerekngan mun nenia a nemen keneng atnimi.

Lagale Lavavang At Ne Iesu Karisito Jon Ga Malagan I 17:21

A sing u do nedi dina lok ngan mun legesara, Tamak, kerekngan mun nenu uk lok keneng tarak la nia ak lok keneng taram. Una lok li di xusu dinak lok keneng atda, kusu limixin mun at lavatbung menemen diba nuunu do nenu uga riki ia ude.

Lagale Lavavang At Ne Iesu Karisito Jon Ga Malagan I 20:17

Iesu ga lok tin, “Nemen uta ranga tu rak, mila a xovisi ana onon uto vana at ne Tamak. Ketla una vosiga luvutnetak la una tong i ridi do anamlong be uto at ne Tamak, neni ne Temen nimi bok, Moroa rak, neni ne Moroa box atnimi.”

Lovoang At Ne Pol Ti Limixin Nunu to Rom 12:5

I lok ngan pam nedik axap na nedik di buaang, ketla nedik di lok ngan legesa bantuxu mene xeneng at ne Karisito la nedik dik lox eburu ngan levenasen kot axap at legesa bantuxu mun.

Lovoang At Ne Pol Ti Limixin Nunu to Rom 15:6

kusu minaba ruuna mun legesa doxoma la nemi eburu minaba emi asu mi laasen at ne Moroa la neni ne Temen Leeme Silok atnedik ne Iesu Karisito.

1 Korin 1:30

Ketla ne Moroa gara lok ka vam nimi ri lixitkis etangas eburu mi ne Iesu Karisito la ne Moroa ga lok katling pam ne Karisito ngan laxasep tidik; keneng mun at ne Iesu Karisito, ne Moroa ga vaxaxis buru dik min, la ga lok dik ngan limixin dadat teren, la gara lox asepmus nedik basinge laxakapmek atdik.

1 Korin 12:12

Labantuxu at laradi i ruuna buaang laxangkot; ketla neni mun legesa bantuxu mi levengkot axap ik lok teren. Karisito ik lok mun kuren.

2 Korin 1:3

Ata emi asu mi ne Moroa ne Temen Leeme Silok atdik ne Iesu Karisito; Temen dik kusuk mun lavasuun at labalamu, la neni lo Moroa at loklox amenemen.

2 Korin 11:31

Moroa Temen Leeme Silok ne Iesu, limixin axap dina emi asu min at levenaleng axap la iklen i do nia axo babala mi na levelinga.

2 Korin 5:17

Do tara i nuunu at ne Karisito, neni i ngan laradi maxat at loroonan teren; levempanga xapmek at lorooro maut ira xap pam, la lorooro maxat mo ira vot ta.

2 Korin 5:21

Karisito neni xopmen taxakapmek teren, ketla ti lununuan tidik, Moroa ga lox i ga xip tutu mi laxakapmek atdik, kusu keneng teren ataba ravasu ngan limixin mokmokso at ne Moroa.

Galesia 3:9

Ne Abaram ga nuunu, kuren la neni ga lok ka loklox anarong, la nedi di nuunu, dinaba lok kaka bok loklox anarong ngan i.

Epesas 1:10

La at laaleng mokmokso ne Moroa naba lox epovo nom lodomdoma alii la naba sat tomtom buru ka lempanga axap, mo ik lok to vana at laxalibet la ik lok bok nade xopok at lavatbung menemen, kusu ne Karisito naba nemen ngan lamgomgo atdi.

Epesas 1:17

la a sing amisik lagale lo Moroa, ne Temen Leeme Silok atdik, Iesu Karisito, ti song araba nimi mi Loroonan teren, mo naba suxa nimi mi lodoxoma nunuan la laxasep kusu nemi mibakleklen avukat ne Moroa.

Epesas 1:20

mo ni ga lox asu i ap mo laaleng neni ga lox axatu ne Karisito basinge lanmet la ga vaxaxis i saparap lekngen tino ro vana at laxalibet.

Epesas 2:6

I lok ngan ta do ne Moroa ga lox axatu amlong dik eburu mi ne Karisito la ga lox axis dik eburu min to vana at laxalibet; na i ravasu boro at lugugu at ne Iesu Karisito.

Epesas 3:10

Lavavara ren ga lok keretna, neni na lox asuvos lagale lodoxoma ren la mo nga limixin lotu dinap kip ka mo lugugu ti lox asuusu mo lodoxoma ren ti lubung angelo la leventoonan to vana at laxalibet.

Epesas 6:12

Nedik na kopmen ta esep tangarang mi limixin ketla nedik di esep tangarang mi laxampanga lolos at lamain at na lavatbung menemen, nedi lubungangelo xapmek, lubunggas, la luvuttadi amgomgo atdi. La dik ta esep tangarang mi lubungmixin kapmek at ne Satan dik lok to vana at lamavangkap.

Pilipai 2:11

La nedi axap diba tong asu i dola ne Iesu Karisito neni Leeme Silok la kerepmo dina emi asu mi ne Moroa, ne temen dik.

Ibru 8:5

Nedi di gugu ro at loxot kaala nade xopok at na lavatbung menemen, na loxot kaala neni lampoovo mun ap mo loxot kaala no vana at laxalibet. Ni lavasuun teren la ne Moroa ga vaase lolos ne Moses at laaleng neni ga lok do na xip loogu kadis at ne Moroa, la ne Moroa ga lok tin keretna, “A vara i do una xip avukat na loogu ngan lampoovo nia aga lox ase u min to at lakaana Sinai.”

Ibru 9:23

Kuren la ga epovo do limixin dina lox adadat mo levempanga at loogu kadis mi lada at levempanga digaplavang min. Ketla mo levempanga at loogu kadis ni lampoovo mun ap mo levempanga no vana at laxalibet. Ketla mo levempanga ruturun no vana at laxalibet gak pakes ti lada at ne Karisito; la mo lada ren i lolos aleng ti lada at laxanbulumaxao, la mo lada ren ik lox agagas li mo loxot tidik.

1 Pita 1:3

Ata emi asu mi ne Moroa neni ne Temen, Leeme Silok atnedik ne Iesu Karisito, mumu mun lebelemumu silok teren tinedik, la neni ga lox arooro xaka amlong ne Iesu Karisito basinge lanmet kusu ri raba nedik mi lorooro maxat. La nai, ik suxa nedik mi lodoxoma voovo ri lorooro avolo.