Epesas 1:22 - Madak

²² Moroa ga lok li lempanga axap maxopok at luxangkedek at ne Karisito la ga lok li i rim gomgo at lempanga axap at lotu.

Epesas 1:22 Iomraidhean Croise

Sam 110:1

Leeme Silok ne Moroa ga vaase ri leeme silok tarak keretna, “Unat kis de at lakngak tino, se ana lok li lavamunepen taram na ngan loxot burubut ti luxangkedek taram.

Sam 91:13

Minabat pas povorok asi lempat laion mi lempat sii, mo lempat laion atat la lempat sii mamao.

Metiu 16:18

Nia a tong i ru do, nenu ne Pita la nenu Luat Kis la nia aba vaxaru ka lotu rak to mavana ram, la limixin lolos at ne Satan diba lok tong i kusu dina sele utut kepe i, ketla di noxo epovo.

Leven Gugu 20:28

Mina lok tatao avukat nemi la mina lok tatao nedi bok limixin, Loroonan Kaala gara lok li vam nedi maxopok at loklok tatao atnimi. Mina lok ngan luvuttadi loklok tatao sipsip kantubu at limixin at ne Moroa, no ni ga lok li di do ateren axa mumu lanmet at ne nitna.

1 Korin 11:3

Ketla a vara i do minaklen avukar i do ne Karisito neni i nemen mavana at lavatlok axap, la latlok neni i nemen mavana at latkin teren; la ne Moroa neni i nemen mavana at ne Karisito.

Epesas 3:21

La limixin lotu dinap kip aurut laasen at ne Moroa to at lotu, la keneng at laasen at ne Iesu Karisito, la lavaola move i tu umelamgo dinap kip aurut laasen teren amisik la kopmen taxavaxap teren. I ruturun.

Epesas 5:23

mila latlok ni lamgomgo at latkin teren, kerekngan ne Karisito ni lamgomgo at lotu. Lotu ni labantuxu at ne Karisito, la ne Karisito neni Laradi Loklox Arooro atdik.

Kolosi 1:18

Neni lamgomgo at lotu ren kerekngan lavatlak at laradi, ni lamgomgo at labantuxu ren. Neni lavasuun at lorooro maxat, la neni lara avot ga roo xat amlong basinge lanmet. Ni ga lox i xuren kusu neni xusuk naba ruuna ka lixitkis silok ti levempanga axap.

Kolosi 1:8

Neni ga tong i rinama’ do lorooro atnimi i umsu mi labalamu, Loroonan Kaala ga suxa aumsu nimi min.

Kolosi 2:10

La nemi bok miga lok ka vam nom leveloklok at ne Karisito, neni lamgomgo ri lubung angelo eburu mi limixin lolos atdi.

Kolosi 2:19

La ira xap tim tebeng lolos ne Karisito, neni lavatlak at labantuxu. Karisito xa neni imgomgo nga na labantuxu, la labantuxu im tem saga mun at lavatlak, la mo do labantuxu na repes boro at lavatlak, neni ixo epovo rinotno na su maraanu.

1 Timoti 3:15

Do nia a noxo vot soso, nenu u epovo na lox ase limixin kusu dina lok tatao avukat di keneng at lixitkis koetemen atdi mi ne Moroa; na loklok, ni lavasuun at lotu ruturun at ne Moroa i rooro amisik, neni luxus una la lusu auru at levelinga ruturun.

Ibru 2:8

Uga tong li i do una lox asilok di xusu diba lok tatao mo levempanga axap.” Sam 8:4-6 Ne Moroa ga lok li levempanga axap maxopok at loklok tatao atdik, kopmen goxo ke xepe tavanga. Na lingina kovisi nedik ata ven i do levempanga ik lok maxopok at loklok tatao atdik.