Epesas 1:19 - Madak

¹⁹ La miba xasep ap mo lololos teren i silok aleng, mo i lok tooro nedik limixin nuunu. Mo lololos i ravasu at lololos silok at ne Moroa,

Epesas 1:19 Iomraidhean Croise

Lagale Lavavang At Ne Iesu Karisito Jon Ga Malagan I 3:6

La laradi, nenen i visix i at loklok at ne temen mi nenen, neni at na lorooro xopok; ket dola Loroonan Kaala i visik amaxar i, neni i ruuna lorooro maxat at Loroonan Kaala.

Leven Gugu 26:18

Nenu uba suang lodoxoma atnedi la uba sat kaka nedi basinge lamain at ne Satan uto at laxasep at ne Moroa, la basinge lolos at ne Satan uto saparap ne Moroa, kusu dina nuunu rak. La kerepmo ne Moroa naba doxoma xepe leveloklok kakapmek atnedi la dinaba ruuna ka loxot tidi xantubu ap mo limixin ne Moroa ga soxolik ka vam di.’

Lovoang At Ne Pol Ti Limixin Nunu to Rom 1:16

Nia xopmen ana lok mamangan ti vavang mi Lagale Lavavang, atla ni lololos at ne Moroa ri lox arooro nedi axap di nuunu, leme Judaia avot la melemu rinedi limixin kopmen me Judaia,

2 Korin 4:7

Ketla nedik di ruuna nom lakleklen i ngan lapnovos silok keneng at labantuxu gamasa atdik ti lox asuusu i do mo langsangan lololos, ni at ne Moroa mun la kopmen atdik.

2 Korin 5:17

Do tara i nuunu at ne Karisito, neni i ngan laradi maxat at loroonan teren; levempanga xapmek at lorooro maut ira xap pam, la lorooro maxat mo ira vot ta.

Epesas 2:10

Nedik ta lok ngan loogu ne Moroa ga vaxaru i, mila neni ga rudum li nedik at lekngen ne Iesu Karisito, kusu nedik taba lok leven gugu nunuan, mo ne Moroa ga gagas li avot pam i xusu dik taba lox i.

Epesas 3:20

Ata emi asu mi ne Moroa, i epovo na lok laxampanga solo, mo i volo axap mo lempanga nedik di ngising tin la di doxoma i, la mo levempanga i ravasu at lololos teren, mo i gugu xeneng at lorooro atdik.

Epesas 3:7

Moroa ga lok li ia ngan lasaxaruki ren ti paase asu Lagale Lavavang; na lugugu i ngan letaba nabalamu ria, mo ga ravasu at lololos teren, la i lox alolos ia at na lugugu.

Epesas 6:10

Ti lox axap na lovoang. Mina lox alolos lorooro atnimi keneng at Leeme Silok la mina lok kaka lololos teren i silok pologat.

Pilipai 2:13

mila ne Moroa i gugu amisik keneng at lorooro atnimi ri lok amisik nemi xusu mina vara lodoxoma ren la mina epovo xusu mina mu asu i.

Pilipai 3:21

Neni naba lox asuusu lololos silok teren kusu levempanga axap naba mu asu mun lavavara ren la neni naba lox ekun labantuxu gamasa atnedik kusu naba lok ngan labantuxu ren imgames la i lolos.

Kolosi 1:29

Ti lox empana na lugugu, nenia a gugu lolos, mi nom lololos ne Karisito i vetaba min tia la i gugu keneng tarak.

Kolosi 2:12

Se nemi miga lok ka lesep susu, i lok ngan ta do miga vutup at lamaaut eburu mi ne Karisito la ap mo lesep susu bok nemi miga xatu kaxat amlong eburu mi ne Karisito keneng at lunuunu atnimi la lololos at ne Moroa, mo ga lox aroo xat ne Karisito basinge lanmet.

1 Tesalonia 1:5

Maklen i na mila ap mo levenaleng nema maga tong asu Lagale Lavavang tinimi, goxopmen levelinga mene nga, ketla levelinga ga lolos la maga lok bok levempanga sangsangu mi lololos at Loroonan Kaala; la miga ven i do nema maga nuunu ruturun at Lagale Lavavang. La luruptuvuk atnama ga lox avukat kusu mana lok tooro nimi.

2 Tesalonia 1:11

Kuren la ma ngising amisik ne Moroa do neni na lox epovo nimi ri mo lorooro melemu, mo ne Moroa atdik ga ro ka nimi rin. La neni na lok tooro nimi mi lololos teren kusu miba epovo do mina lok leven gugu nunuan kerekngan limixin nuunu di vara na lox i.

Jems 1:18

Neni ga mumu asu lavavara ren la ga raba nedik mi lorooro maxat, mo ga laa boro at levelinga ruturun teren, kusu nedik taba lok ngan levempipisik avot, la taba gomgo ri lempanga axap, ni ga rudum li i.

1 Pita 4:11

I ngan nege do neni laradi vavang, neni na vavang akmokso mi levelinga at ne Moroa; la do nege i gugu taba, neni na gugu taba mi lololos ne Moroa im taba i min, kusu keneng mun at na leventamtaba axap, leemi asu nabat pas ti ne Moroa mumu mun ne Iesu Karisito. Leemi asu la lololos tin amisik la kopmen taxavaxap teren. Tuturun.