Epesas 1:17 - Madak

¹⁷ la a sing amisik lagale lo Moroa, ne Temen Leeme Silok atdik, Iesu Karisito, ti song araba nimi mi Loroonan teren, mo naba suxa nimi mi lodoxoma nunuan la laxasep kusu nemi mibakleklen avukat ne Moroa.

Epesas 1:17 Iomraidhean Croise

Sam 24:10

Nege na Loorong i silok solo? Neni Leeme Silok, neni Lanaraavuk. Neni Loorong Silok.

Sam 24:7

Mina suang soso mene lempatban at langas uat, mina suang axap lempatban megano kusu Loorong Silok na vubeles.

Sam 29:3

Limixin di ronga laxaka at Leeme Silok to at levengkot axap at laras la ne Moroa silok ik lox asuusu leretepaavat. Laxaka at Leeme Silok i onon to mavana at laras aaxa.

Metiu 11:25

Ap mo laaleng ne Iesu ga lok ti ne Moroa, “Nia a emi asu minu, Tamak; nenu Leeme Silok at laxalibet mi lavatkangka. Nia a emi asu minu mila ugara lox ase vam nedi limixin gamasa mi levelinga mumu Linintoo; la uga lipe i basinge limixin leklen la limixin diga lox ase.

Metiu 11:27

La ne Iesu ga lok ti mo limixin, “Tamak, ira raba vam ia mi lempanga axap. Kopmen teta naklen ia, ketla ne Tamak kusuk mun; la kopmen teta naklen ne Tamak, ketla nenia ne Nitna xusuk mun, la tinedi mun nenia a vara i kusu ana lox ase di min.

Metiu 16:17

Iesu ga lok tin, “Luvukat tu, ne Simon lamdak at ne Jona, mila kopmen taradi ga tong asu i na ru, ketla ne Tamak no vana at laxalibet.

Metiu 20:33

Duga vorang i xeretna, “Leeme Silok. Ma vara i do lengkatli atnama’ na xasep.”

Metiu 6:13

Nemen uta lok li nema ri leveloklok tong pen i lolos, ketla unang tanga amlong ka nema basinge ne Satan.’

Lagale Lavavang At Ne Iesu Karisito Luk Ga Malagan i 12:12

mila Loroonan Kaala naba lox ase nimi mi levelinga ap mo mene loxonaleng la miba vaase asu i.”

Lagale Lavavang At Ne Iesu Karisito Luk Ga Malagan i 2:14

“Ata emi asu mi ne Moroa ik lok to vana at laxalibet, la lumulum at ne Moroa bak lok at na lavatbung menemen tinedi ne Moroa i momo midi.”

Lagale Lavavang At Ne Iesu Karisito Luk Ga Malagan i 21:15

mila nenia aba raba nimi mi levelinga la laxasep at lakleklen kusu kopmen teta atdi di munepen minimi naba epovo xusu na vorang levelinga atnimi.

Lagale Lavavang At Ne Iesu Karisito Jon Ga Malagan I 14:17

Neni Loroonan Kaala at luruturun. Limixin at na lavatbung menemen dixo epovo na siam ka i, mila kopmen dina ven kibis i xopla dinaklen i. Ketla nemi miklen i mila neni i nemen eburu minimi la neni naba nemen keneng atnemi.

Lagale Lavavang At Ne Iesu Karisito Jon Ga Malagan I 14:26

Ketla laradi loklok tooro, ni Loroonan Kaala ne Tamak naba riki i xeneng at laasen tarak. Neni naba anasa nimi mi levempanga vipis axap la naba vaase aronga nemi ri levempanga agara tong pam i rinimi.

Lagale Lavavang At Ne Iesu Karisito Jon Ga Malagan I 16:3

Dinaba lok na levempanga rinimi mila nedi xa xopmen dinaklen nema mi ne Tamak.

Lagale Lavavang At Ne Iesu Karisito Jon Ga Malagan I 17:3

Lorooro avolo i lok keretna; do dinakleklen u, legesa Moroa ruturun kusuk mun la dinakleklen ia, ne Iesu Karisito, nenu ga riki ia ude.

Lagale Lavavang At Ne Iesu Karisito Jon Ga Malagan I 20:17

Iesu ga lok tin, “Nemen uta ranga tu rak, mila a xovisi ana onon uto vana at ne Tamak. Ketla una vosiga luvutnetak la una tong i ridi do anamlong be uto at ne Tamak, neni ne Temen nimi bok, Moroa rak, neni ne Moroa box atnimi.”

Leven Gugu 6:10

Ketla Loroonan Kaala ga raba ne Stiven mi lakleklen silok; kuren la ni ga vaase mi lolos la di goxo epovo xusu dina vorang i.

Leven Gugu 7:2

La ne Stiven ga vorang i ridi xeretna, “Luvutnetak la luvuttamak. Mina ronga be levelinga rak. Moroa at laxasep ga rupot saparap ne Abaram ne temen dik ap mo laaleng neni ga nemen to Mesopotemia, la avot ti laaleng neni gat pas uto Aran;

Lovoang At Ne Pol Ti Limixin Nunu to Rom 1:28

La limixin di goxopara i do dinam tebeng lakleklen tuturun mumu ne Moroa, kuren la ni ga ke xepe di ri mumu asu levendoxoma atdi xa i ekarakat, kerepmo la diga lok levempanga ixo epovo do dina lox i.

Lovoang At Ne Pol Ti Limixin Nunu to Rom 15:6

kusu minaba ruuna mun legesa doxoma la nemi eburu minaba emi asu mi laasen at ne Moroa la neni ne Temen Leeme Silok atnedik ne Iesu Karisito.

1 Korin 12:8

Loroonan Kaala i lox epovo i xusu na raba laradi mi laramtaba ri tong asu Lagale Lavavang. La ti lara vetpes na mun legeso Roonan Kaala i raba i mi laramtaba ri tong axasep levelinga at ne Moroa.

1 Korin 14:6

Kuren la luvutnetak mi luvurinuk, do nenia ana vot pasa nimi la ana paase rinimi mi levempapaase vetpes, mo lavapaase rak naba lok tooro nimi xereva? Kopmen tinotno. Ketla do ana tong asu levelinga boro at ne Moroa rinimi kopla ana raba nemi mi tavapaase axasep at Lovoang Kaala, kopla ana vavang tinimi mi levempapaase alii, kopla ana anasa nimi, nom i naba lok tooro aleng nimi.

1 Korin 2:10

Ketla ne Moroa ga lox axasep pam na levempanga ridik keneng at lololos at Loroonan Kaala. Loroonan Kaala i sin axasep lempanga axap, eburu mi levendoxoma alipe at ne Moroa.

1 Korin 2:8

Kopmen teta at luvuttadi amgomgo at na lavatbung menemen ga xasep at na levelinga nunuan at ne Moroa. Mo do nedi gitaklen i, di gitoxo vaxarem Leeme Silok to vana at laxaba. Neni i ruuna lisisixam silok.

2 Korin 12:1

A vara na lox aru ia, keke i do kopmen na lok tooro tara. Ketla monga a vara i xusu ana vaase levesilimet la levempapaase asuusu bok boro at Leeme Silok.

Epesas 1:3

Nedik ata emi asu mi ne Moroa, Temen ne Iesu Karisito, Leeme Silok atdik. Neni gara lox anarong pam nedik mi leveloklok anarong axap boro vana at laxalibet tinedik limixin at ne Karisito.

Epesas 3:5

At levenaleng axap gano, Moroa xopmen goxo lox asuvos mo levelinga lipe tinedi lavaola. Ketla na mun Loroonan Kaala at ne Moroa ga lox asuvos i rinema luvuttadi vavang eburu mi lavaeme vapaase alii ren ngan nema lavaanat soxolik at ne Moroa.

Epesas 4:13

La na loklok ba gugu xeneng nedik axap se taba lok ngan legesara rinotno at lunuunu saparap ne Nitna ne Moroa la taba ruuna ka nom lakleklen mumu ne Nitna ne Moroa. Kerepmo la nedik taba vee ngan limixin mukun ap mo lunuunu la lorooro atdik ba nunuan axap kerekngan ne Karisito.

Pilipai 3:15

Tinedik axap dira mukun pam, lodoxoma atdik naba lok kuren. Ketla do leventaba di ruuna lodoxoma vetpes, Moroa ba lox axasev i ridi.

2 Timoti 2:25

Neni na lok ngan laradi mulus do ni nak lox akmokso nedi xopmen dina etaba belen min, kusu ne Moroa naba siam ka amlong di la ni na doxoma xepe laxakapmek atnedi la dinabaklen luruturun.

Taitas 1:1

Nenia ne Pol, lasaxaruki at ne Moroa la nenia laradi vavang at ne Iesu Karisito. Nenia a gugu rik lox alolos lunuunu at lavaanat soxolik at ne Moroa. Nia a vanasa nom limixin mi levelinga ruturun at ne Moroa xusu lorooro atdi nak mokso aleng,

Jems 2:1

Luvutnetak mi luvurinuk. Nemi mi nuunu parap Leeme Silok ne Iesu Karisito, mo i umsu mi lisisixam. Kuren la nemen mita lox asi laradi kopmen taasen silok teren la nemen mita lox aurut tara vetpes; ketla mina ven limixin axap ngan legesara.

2 Pita 1:3

Lololos at ne Moroa gara raba vam nedik mi levempanga axap nedik dik pakes tin ti lok kaka lorooro avolo la ti ruuna ka luruptuvuk nunuan mumu lakleklen atnedik ti ne Iesu Karisito, mo ga ro xaka nedik kusu atak lox eburu min keneng at lisisixam la luvukat teren.

2 Pita 3:18

Ketla minak lox epasum i xusu mina susu xeneng at letaba nabalamu la lakleklen at Leeme Silok atnedik la Laradi Loklox Arooro ne Iesu Karisito. La leemi asu xusuk tin, ningina la amisik! I ruturun.

Lisilimet 7:12

Diga lok keretna, “Tuturun pam. Loklox anarong, la leemi asu, lakleklen, luvukat, la loklok ngangao, mi lololos ti ne Moroa atdik amisik la kopmen taxavaxap teren. Tuturun tinotno.”