2 Timoti 4:2 - Madak

² Una vavang mi levelinga at ne Moroa. Una gagas at levenaleng axap ti tong asu i; una lox akmokso lorooro at limixin, una paase aronga di, la una paase tooro di; lorooro ram na umsu mi loklok mulus, ketla una lox ase nunuan limixin.

2 Timoti 4:2 Iomraidhean Croise

Sam 40:9

O Leeme Silok, to melamgo at lovotpot buru at limixin axap taram, nia aga vaase asu lagale lavavang dola uk lox arooro nema limixin taram. Nu uklen i do nia anoxo vamngus ti tong asu i.

Lagale Lavavang At Ne Iesu Karisito Luk Ga Malagan i 7:23

Naba lox avukat ti neni laradi noxo subu basinge ia, la lebelen ixo lok kapmek ti na lugugu rak.”

Lagale Lavavang At Ne Iesu Karisito Luk Ga Malagan i 7:4

Diga vot parap ne Iesu la diga sing lolos i xeretna, “I lox avukat tinotno do una lok tooro mo laasesep,

Lagale Lavavang At Ne Iesu Karisito Luk Ga Malagan i 9:60

Ketla ne Iesu ga vorang i rin keretna, “Una ke nedi limixin kopmen toxot tidi xeneng at Linintoo, dinak mit limixin nedi di met pam. Unat pas at laramenemen la una vavang mi Linintoo at ne Moroa.”

Leven Gugu 13:5

Duga rupot go Salamis, la duga tong asu levelinga at ne Moroa go at laraugu singising at limixin me Judaia. Jon Mak gak lox eburu minedu kusu ri lok tooro du at lugugu.

Leven Gugu 16:13

At laaleng kaala maga vas kaxat basinge lemenemen silok uto at lisigege at ladan; maga nua i do toxot mo go at limixin me Judaia digat pot buru e la diga ngising. Maga xis kopok la maga paase ri lavakin mo diga rupot eburu go.

Leven Gugu 20:7

At laaleng avot ap mo luik ga ukantinao maga vot buru ri lok katling laanan kaala at ne Iesu. Pol ga vaase ri limixin, la ni ga vavang babaalom se at laxanimin tubu mila ni ga lok do naba onon ap mo laaleng melemu.

Leven Gugu 28:16

Maga rupot to Rom, la diga siam do ne Pol na nemen kusuk la lara laradi esep na lok tatao i.

Lovoang At Ne Pol Ti Limixin Nunu to Rom 10:15

La tevelinga naba ravasu xereva mo do dixo riki asu taradi ri vavang min? I ngan Lovoang Kaala i tong i xeretna, “I lox avukat tinotno lavatpas atnedi di vot mi Lagale Lavavang.” Ais 52:7

Lovoang At Ne Pol Ti Limixin Nunu to Rom 12:12

Lodoxoma voovo atnemi na umsu mi lomomo. Minak lok atnaasan at levenaleng mi ekip tangarang mi levenmumuat, la mina ngising amisik.

Galesia 6:6

Do lara i lok kaka levenanasa ti mumu asu ne Karisito, i epovo do neni na raba mo leeme loklox ase mi levempanga ri lok tooro i.

Kolosi 1:25

La aga lok ka na lugugu ngan lasaxaruki ti limixin at lotu; la ne Moroa axa ga soxolik ka ia rin kusu ana paase asu levelinga at ne Moroa rinimi, la a noxo ke xepe toxot teren.

Kolosi 4:3

La mina ngising bok tinema’ kusu ne Moroa naba suang lumusaragu nade rinama’ ti paase asu Lagale Lavavang mumu ne Karisito, gano mo Lagale Lavavang ga nemen alipe. La nenia a nemen at loxokoxo mumu mun i mo Lagale Lavavang.

1 Tesalonia 1:6

Miga siam kaka Lagale Lavavang mi lomomo. La limixin diga lox asongot nimi, ketla nemi move miga umsu mi lomomo, mo Loroonan Kaala ga raba nimi min, la kerepmo miga mumu asu loklok at Leeme Silok la atnema bok.

1 Tesalonia 5:14

Luvutnetak mi luvurinuk. Ma tong i rinimi do mina paase alolos nedi dik molo. La mina paase tooro nedi dik marat soso. La mina lok tooro nedi lunuunu atdi xopmen na lolos, la minat kis mulus mi limixin axap.

1 Tesalonia 5:20

Nemen mitang tonga xepe levelinga atnedi di vavang tinimi.

1 Timoti 4:13

Avot ti lovotpot tarak, una raba axap lorooro ram ti utus levelinga keneng at Lovoang Kaala ti mo limixin, la una vavang la una vanasa bok di.

1 Timoti 5:20

Do tara atdi na lok taxakapmek, una vaase sox i ro melamgo at limixin, kusu dinaba marat.

2 Timoti 2:21

Lavasuun at nom keretna; do tara i lok kepe leveloklok kakapmek teren, neni naba lok ngan nom leventingtigon avukat di anan min at levenaleng silok, atla ni i lok lugugu avukat ti leeme silok teren la ni i gagas kusu na lok leven gugu nunuan.

2 Timoti 2:25

Neni na lok ngan laradi mulus do ni nak lox akmokso nedi xopmen dina etaba belen min, kusu ne Moroa naba siam ka amlong di la ni na doxoma xepe laxakapmek atnedi la dinabaklen luruturun.

2 Timoti 3:10

Ketla nenu u mumu asu avukat levenanasa rak la loklok tarak; ura lok kaka vam lorooro rak, la ura ven kibis lunuunu rak; ngan loklok mulus, labalamu la a tu lolos bok at lunuunu rak.

Taitas 1:13

Na levelinga ren i ruturun. Kuren la una vaase sok di, kusu dina tu lolos at lunuunu atdi.

Taitas 2:15

Na levelinga a tong pam i ru, ne Taitas, una anasa limixin me Krit min, kusu una lox alolos lorooro atdi mi na levelinga; la kerepmo bok una vaase sok di, atla kopmen torooro avukat atdi. La tara atdi guta lox abulubun kepe u, mila nenu leeme vapaase at ne Moroa.

Ibru 13:22

Luvutnetak mi luvurinuk. Nia a sing nimi do mina siam ka levelinga rak keneng at na lovoang. Na levelinga kopmen na baalom solo, i xubulik mene nga.

Lisilimet 3:19

Nedi nia a balamu di, a vaase aronga di la a lox aleeng di. Kuren la nemi bok mina doma avukat la mina leeng.