2 Timoti 4:1 - Madak

¹ At lemeren ne Moroa la at lemeren ne Iesu Karisito, mo naba ila mumu lorooro at limixin di rooro la at limixin diga met pam; la neni nabamlong la naba nemen ngan Loorong Silok. Kuren la a sing alolos u xeretna.

2 Timoti 4:1 Iomraidhean Croise

Sam 50:6

Laxalibet i tong asuusu i do ne Moroa neni laradi mokmokso, la neni xa laradi rongtonga linga

Sam 96:13

at loxonaleng Leeme Silok na vot kusu rim gomgonga lavatbung menemen. Neni nabam gomgonga limixin at lavatbung menemen mi lodoxoma mokmokso la levelinga ruturun.

Sam 98:9

atla i vot kusu nam gomgonga lavatbung menemen. Neni nabam gomgonga limixin at lavatbung menemen mi lodoxoma mokmokso la levelinga ruturun.

Metiu 16:27

Nenia, Laradi Mevana, mo anaba vot mi lisisixam silok at ne Tamak la eburu mi lubungangelo, la ap mo laaleng limixin axap dinaba lok kaka luunun i epovo mi leveloklok diga lox i.

Lagale Lavavang At Ne Iesu Karisito Luk Ga Malagan i 19:12

Neni ga lok, “Lara leeme silok gat pas uto vaxalom at lara lenep silok kusu diba lox i ngan loorong silok la melemu neni nabamlong ukolonu.

Lagale Lavavang At Ne Iesu Karisito Luk Ga Malagan i 19:15

Ketla neni ga ruuna ka i nom lololos at loorong silok, la gamlong. La ni ga xup kaka lavasaxaruki ren, no neni ga raba vam di mi lempilas. La nedi diga ru ro melamgo ren, la neni ga sue di do lavanisa levempilas diga lok kaka i.

Lagale Lavavang At Ne Iesu Karisito Luk Ga Malagan i 23:42

La ni ga lok ti ne Iesu xeretna, “Iesu, una doxoma ia, do unamlong ngan loorong silok!”

Leven Gugu 10:42

La ni ga tong alolos i rinama do mana paase asu Lagale Lavavang tinedi limixin la mana tong asu i do neni mun laradi ne Moroa ga soxolik ka i xusu neni naba ronga linga atnedi di rooro la nedi digara met pam.

Leven Gugu 17:31

Mila neni ira lok katling pam lara laaleng neni naba lok li limixin axap at lavapaase, la lavapaase ren nabak mokso aleng; la ni ga soxolik ka vam lara laradi xusu na ronga linga at laaleng ete. Ni ga lox asuvos pam mo laradi ri limixin axap mi loklok katling keretna, ni ga lox aroo amlong i basinge lanmet.”

Lovoang At Ne Pol Ti Limixin Nunu to Rom 2:16

Lagale Lavavang nia a vavang min, i tong asu i do ne Moroa naba ila mumu loklok at limixin at laaleng ete la keneng at ne Iesu Karisito neni naba ila mumu bok levendoxoma alipe xapmek at limixin.

Kolosi 3:4

Karisito, ni lavasuun at lorooro ruturun atnemi, la do neni naba ru asuvos, kerepmo nemi bok miba ru asuvos eburu min la minaba ruuna ka lagale lisisinang teren.

2 Tesalonia 2:8

ap mo laaleng laradi xapmek naba suvos ba. Ketla at lovotpot at Leeme Silok ne Iesu, neni naba lok kepe mo laradi xapmek mi lamamas teren la naba sev amer i mi lagamgames at lemeren.

1 Timoti 5:21

At lemeren ne Moroa la at ne Iesu Karisito la at lubung angelo melemelengan, a sing alolos u xusu una mumu asu na levelinga; nemen uta lox asilok taradi mavana at limixin axap la nemen uta lox asi tara at levempanga axap nenu u lox i.

2 Timoti 1:10

Ketla ne Iesu Karisito ga rupot pam de at na lavatbung menemen, la ga lox asuusu vam nom letaba nabalamu ren ngan Laradi Loklox Arooro atdik la ni ga lox axap lololos at lanmet. La at na levelinga at Lagale Lavavang ni ira lox asuusu vam lorooro avolo.

2 Timoti 2:14

Una tong aronga amisik limixin at lotu mi na levelinga la una paase lolos tidi at lemeren ne Moroa do nemen dita etep mi levelinga. Na loklok ixo lok tooro di la naba lok kapmek lodoxoma at limixin tongtonga.

2 Timoti 4:18

La neni naba lox aroo ia basinge leveloklok kakapmek axap, la neni naba lam abeles ia uto vana at laxalibet at Linintoo ren. Leemi asu amisik tin la kopmen taxavaxap teren. I ruturun.

2 Timoti 4:8

Lavatbungorong tia i ngan luunun ti luvuttadi mokmokso mo i nemen tangais ia. Leeme Silok ni laradi rongtonga linga la loklok teren ik mokmokso, ni naba raba ia mi nom luunun ap mo laaleng neni nabamlong teren. La kopmen tia xusuk ketla tinedi bok di ngangais mi lodoxoma liplivi ri lomlong teren.

Taitas 2:13

La kerepmo atam tebeng loklox avukat ap mo levenaleng atat kis tangais ti mo langsangan laaleng avukat, la lovotpot nunuan at ne Iesu Karisito, neni ne Moroa silok atdik la neni Leeme Loklox Arooro atdik; neni naba rupot mi lisisixam silok at ne Temen.

1 Pita 1:7

Ketla ana levempanga it pot ti lox asuusu mun i do lunuunu atnemi i lolos. I ngan bok leven gol ni i epovo xusu dina lok kapmex i, din tin tong pen box i ro at laxao; la lunuunu atnemi, neni lavanga i silok aleng ti logol, neni dinaba lok tong pen i xusu ri long lenget ka i do i lolos kopla kopmen. Melemu minaba ruuna ka leemi asu, la lisisixam eburu mi loklok ngangao at laaleng ne Iesu Karisito naba ru asuvos.

1 Pita 4:5

Ketla nedi dinaba raba levelinga loklox axasep atnedi ri ne Moroa mumu laxapmek diga lox i, neni laradi i gagas kusu na viila limixin axap di rooro la nedi bok diga met pam.

1 Pita 5:4

La do Laradi Gomgo rinotno at lubungsipsip na vot, minaba ruuna xaka luunun, ni lempatbungorong i ruuna lisisixam, la mo lisisixam teren noxo repes.

2 Pita 1:11

Do mina mu asu na langas, lumusaragu naba rem suang tinotno xusu miba vubeles ukeneng at Linintoo ik lox amisik la neni Linintoo at Laradi Loklox Arooro atnedik, Leeme Silok ne Iesu Karisito.

2 Pita 1:17

At loxonaleng ne Moroa ne Temen ga raba i mi laasen silok la lisisixam, nema mo magak lok, la maga ronga laxaka tadi ga laa boro at lisisixam silok ga vaase xeretna, “Neni na ne Nuruk, a balamu i la a momo min!” Mt 17:5

1 Jon 2:28

Luvutnuruk orong. Minat kis esogo amisik mi ne Iesu kusu at lovotpot teren mi noxo marat la mi noxo mangan.

Lisilimet 1:7

Mina ven avukat tin. Neni mo naba vot eburu mi loxontakabu, la larabung mixin axap eburu minedi diga vaxarem i at laxaba, dinaba ven i. La limixin axap at na lavatbung menemen dinaba saxaanu mu bok ba i. La nai naba ravasu ruturun kuren. I ruturun.