2 Timoti 3:2 - Madak

² Buaang limixin dinaba doxoma xa di, di noxo ruuna bok ba labalamu ri limixin petpes, diba vavara solo lempilas, diba lox asilok axa di, diba emi asu xa midi, diba paase kapmek ti limixin petpes, di noxo ronga res at luvuttemen di mi luvutnen di, di noxo tong avukat ti tara, di noxo lok ngangao at ne Moroa.

2 Timoti 3:2 Iomraidhean Croise

Sam 10:3

Laradi xapmek it las i mi levendoxoma xakapmek teren; laradi mokmorong i paase aksaksa ri Leeme Silok la im taba sinta i.

Sam 49:6

Mo limixin kakapmek di nunua i do dinaba ruuna ka lorooro nunuan mumu laxampanga solo atdi la dim simi xaka di at leven apnovos atdi la dik lox aru ka bok di.

Sam 52:1

Nu laradi silok, tila um simi u at laxapmek taram, la mumu bok mo lempanga xapmek uk lox i ri limixin at ne Moroa?

Lagale Lavavang At Ne Iesu Karisito Luk Ga Malagan i 12:15

La ni ga vaase rinedi axap, “Mina reven avukat, la mina lok tatao avukat nimi basinge lempanga at na lorooro; mila lorooro ruturun ti laradi kopmen dina lok ka i at na lavatkangka, keke i do neni ip novos aleng.”

Lagale Lavavang At Ne Iesu Karisito Luk Ga Malagan i 16:14

Lubung Parisi diga ronga i na; la diga lok kalise ne Iesu, mila diga vavara aleng lempilas.

Lagale Lavavang At Ne Iesu Karisito Luk Ga Malagan i 6:35

Mina balamu limixin dit kis munepen minimi, la mina lok luvukat tidi; mina raba di mi lempanga la nemen gat mita sing amlong tin. Do mina lok na lempanga avukat, miba ruuna ka langsangan luunun, la nemi miba ngan laxamdak at ne Moroa Silok Aleng. Mila Moroa ik lox avukat tinedi limixin kopmen dinak lox avukat tin la tinedi bok dik lok laxakapmek.

Leven Gugu 5:36

Gano ne Tiudas ga vot, ga lok do neni mo i silok aleng; la mo limixin diga mumu asu i ga epovo at lavanuet sangaun kobot (400). Ketla neni ga uu la mo limixin teren diga epeseves la mo lugugu atdi ga met gamasa nga.

Lovoang At Ne Pol Ti Limixin Nunu to Rom 11:18

Kuren la nemen gat mita simi aurut nimi mavana ap mo lentaba lengkakan diga subu, atla nemi lengkakan mene nga; la nemi xopmen levenixe una, atla levenixe una ik lox alolos nimi.

2 Korin 5:15

Neni ga uu nop loklok at limixin axap kusu do nege nedi di rooro at na lavatbung menemen, di noxo rooro rinedi xa, ketla dina rooro ri ne Karisito mo ga doma di la ga met la ga roo xat amlong.

Pilipai 2:21

Buaang limixin dik lox angtang axa mi levempanga atdi, ketla kopmen dinam doma solo lugugu at ne Iesu Karisito.

Kolosi 3:5

Kuren la mina lok kepe leveloklok kakapmek i nemen atnemi, kerekngan loklok kakapmek maxamang at lixitkis epot, loklok kakapmek at labantuxu, lodoxoma liplivi tik lok laxakapmek, lavavara rik lok laxakapmek, la loklok ti belegaao, mo i lok ngan nom loklok ti lotu parap levempoovo moroa.

2 Tesalonia 2:4

Avot be mo laradi xapmek naba sok tixirixes ne Moroa la levelotu axap; la neni naba tong i do neni i silok aleng la nabat kis to at loogu laplavang at ne Moroa la neni naba lok ti limixin keretna, “Nenia ne Moroa.”

1 Timoti 1:20

Kantubu atdi, ne Aimenias la ne Aleksanda, aga song araba vam du ri lekngen ne Satan, kusu dubaklen ka i do du noxo paase vupu ri ne Moroa.

1 Timoti 1:9

Ataklen box i do Lenavolo at ne Moroa, kopmen tinedi limixin avukat, ketla tinedi limixin di los polo Lenavolo, la tinedi limixin tongtonga xepe, la tinedi limixin kopmen dina lotu saparap ne Moroa, la ti luvuttadi xapmek, la tinedi bok kopmen dina lok ngangao at ne Moroa la levempanga at lotu, la tinedi dip sev amet luvuttemen di mi luvutnen di, la tinedi dip sev amet limixin petpes,

1 Timoti 3:3

neni ixo inin tangtangku mi levengkadan lolos la kopmen nak musak soso, ketla neni it kis atnaasan la lorooro ren i umsu mi lumumulus la limila; neni ixo vara solo ri levempilas;

1 Timoti 6:10

Lavavara pilas ni lavasuun tinotno at laxaloklok kakapmek. Leventaba diga vara aleng kusu dina ruuna ka i la dira vas basinge vam lunuunu atdi la dira ekip tangarang mi loklok tuntun at lorooro atnedi.

1 Timoti 6:4

neni i umsu mi loklox asilok la kopmen naklen tevempanga. Lorooro ren kopmen na lox avukat; ni i vavara mun i xusu ni na etep mi levelinga la nak musak amisik; la na, i lox asuusu mun leretere mumu, lekarakat, la lavapaase xapmek, la lodoxoma xapmek;

2 Timoti 3:4

Diba song araba limixin avukat ti limixin kapmek tip sep di, diba lok levempanga rangtangku, di noxo ruuna loklok ngangao, diba ngaongao aleng ti levempanga at na lavatbung menemen, la di noxo vara ne Moroa;

Jems 2:8

Nemi miba lok levempanga ik mokso, mo do mina mu asu mo levelinga i silok aleng la ik lok keneng at Lovoang Kaala, mo i lok keretna, “Mina balamu limixin petpes ngan mi balamu nimi.”

Jems 4:16

Ketla nemi xa mi xip aurut levenasen atnimi la mi tong asu levelinga loklox asilok. Mo axap leveloklox asilok patlak kerepmo, ni i lok kapmek.

Jems 4:6

Ketla ne Moroa i raba dik mi letaba nabalamu, kerekngan Lovoang Kaala i tong i, “Moroa ixo ru ebelen minedi di lox aurut levenasen atdi. Ketla neni i lox asuusu letaba nabalamu ren tinedi di lox asi lorooro atnedi maxopok teren.” Ler 3:34

1 Pita 5:5

La nemi bok luvuraau minang tonga ka levelinga at limixin mukun la mina mumu asu i. La nemi axap mina lok kaka langsangan loklok ngangao kusu na umsu kantubu atnemi. I ngan Lovoang Kaala i vaase xeretna, “Moroa naba vaase asi luvuttadi di simi aurut nedi, ketla i lox asu letaba nabalamu ren tinedi dik lox asi di.” Ler 3:34

2 Pita 2:10

Naba lok tinotno xuren tinedi di mumu asu levendoxoma xapmek at labantuxu la ding tonga xepe levelinga at ne Moroa. La nedi na lavaeme loklox ase xaxarang, di abelemes tinotno la dik lox asilok di, la dixok lox asu loklok ngangao atnedi ri limixin di nemen to vana at laxalibet, ketla di paase xapmek mumu di.

2 Pita 2:12

Ketla ana limixin, di tu eburu xusu ri paase xapmek mumu limixin keneng at levempanga nedi dixokleklen i, la dip tuvuk baulang ngan levempanga aaxa mi lavanuet kangkedek atnedi; lugugu mun atnedi keretna, diga visik mun di xusu dinabak lox alis kaka di la dinap sev amet nedi; la dinaba seeve ngan laxampanga aaxa mi lavanuet kangkedek atnedi.

2 Pita 2:18

Dim simi aurut nedi mi levendoxoma rangtangku la levelinga gamasa. La dik lok lengkot mamangan kusu dinang kan kaka nedi dik lok do dinak sixiro basinge limixin di mumu asu langas kapmek.

2 Pita 2:3

La loklok ti belegaao bok at na lavaeme loklox ase xaxarang naba silok la dinaba lok ka lempilas atnimi mi leventetere xaxarang diga doxoma xaka i. La at laxanaleng buaang, ne Moroa ira gagas pam kusu na lok li lumumuat atdi la naba sele utut nedi.

Lovoang At Ne Jut 1:16

Nedi na limixin di paase xuxurung amisik, la dik sok taba xusuk mun limixin petpes mi laxapmek atdi; di mumu asu mun lavavara xapmek atdi xa, la di lox asilok levenasen atdi; la dik lox atdan limixin petpes kusu dinap kip paxat ka lempanga atnedi.

Lisilimet 13:1

La nia aga ven lara lavatpanga sio mi lavanuet kangkedek teren ga ravasu boro at laras, ni ga ruuna lasangaun kom la lavanuti lempatlak, la lasangaun lempatbungorong gak lok ap mo lasangaun kom. La at nom lavanuti lempatlak, lavanuti levenasen aksaksa gak lok ti vaase vupu ri ne Moroa.

Lisilimet 16:11

La diga paase aksaksa ri ne Moroa no vana at laxalibet mumu losongsongot la laxanabi atdi, ketla di goxo para rinotno xusu dina leeng basinge mo laxapmek diga lox i.

Lisilimet 16:21

La langsangan larakabu ga vot la lengkos teren ga lok ngan lemparuat la lumumuat teren ga epovo at lavanuet sangaun mi lavalimo leven kilogerem, la ga subu at limixin, la diga paase aksaksa ri ne Moroa mila losongsongot at na lavatakabu ga lok kapmek aleng.

Lisilimet 16:9

La laxangking gan bonbo nedi, la diga paase aksaksa ri laasen at ne Moroa, mo i ruuna lololos mavana at nom levesongsongot. Ketla nom limixin di goxo para rinotno xusu dina leeng basinge laxapmek atdi la dina emi asu mi ne Moroa.