2 Timoti 2:2 - Madak

² Unam tebeng alolos levenanasa nu uga ronga ia aga paase asu i at lemeren nedi buaang limixin, una raba nedi limixin min no di epovo nam tebeng avukar i, la di epovo na lox ase limixin petpes bok min.

2 Timoti 2:2 Iomraidhean Croise

Sam 101:6

Anaba lox asuusu i at laxasep tinedi di ruturun amisik ti ne Moroa la anaba siam abeles nedi xusu dinabak lok eburu minia ro xeneng at loogu at loorong. La nedi ua dixo babala vukpuk, anaba siam ka di xusu dina gugu ria.

Metiu 13:52

La ni ga lok, “Kuren la nedi axap luvuttadi loklox ase at Lenavolo do dina mumu asu levelinga at Linintoo no vana at laxalibet, nedi di lok ngan laradi at loogu i xip asu lempanga maxat mi lempanga maut boro xeneng at loogu lili ren kusu na raba limixin min.”

Metiu 24:25

Mina ronga avukar i na. A tong alii avot ta i rinimi.

Lagale Lavavang At Ne Iesu Karisito Luk Ga Malagan i 12:42

Leeme Silok ga vorang i rin keretna, “Nege mo laradi ruturun la lasaxaruki avukat? Neni mo laradi, leeme silok teren naba lok li i xusu nak lok tatao loogu ren la na raba lavasaxaruki mi lempanga anan tidi at lengkonaleng mokmokso.

1 Korin 4:2

Lara lavanga i silok aleng ti laradi loklok tatao at levelinga at ne Moroa i lok keretna; neni na lok amisik lugugu ruturun ti laradi gomgo ren.

2 Korin 2:14

Ketla ata tong avukat ti ne Moroa, mo im gomgo amisik tinama at lugugu atnama; anai i lok ngan at lavatpas momo atnema xeneng at ne Karisito ik sak tup mi lavamunepen atnama; la at lekngen nama neni i paase asu Lagale Lavavang at lengkot axap la neni i so misigisigis tinedi dikleklen i.

2 Korin 3:5

Nema maxo epovo xusu mana vaase ka gamasa na lugugu at ne Moroa do ma epovo ri lox i. Lakleklen atnama, la lololos atnama, ana axav i, ne Moroa im taba i.

Kolosi 1:7

Epapras ga anasa nimi mi nom letaba nabalamu; neni lagale laradi i gugu eburu minema’ la ni laradi ruturun i lok lugugu at ne Karisito ti lok tooro nimi.

1 Timoti 1:12

A tong avukat ti ne Iesu Karisito, Leeme Silok atdik, ni gara raba vam ia mi lololos ti lok lugugu rak. A tong avukat tinotno rin mila ni ga ven ia do nenia laradi ruturun, la ni ga soxolik ka ia xusu ana gugu rin.

1 Timoti 1:18

Timoti, nenu lamdak tarak. Ana raba u mi na levelinga i epovo mi levelinga vapaase alii at lugugu ram saparap ne Moroa gano migomgo. Do una mumu asu i, ba lox alolos u xusu unaba esep avukat ap mo leesep nunuan,

1 Timoti 4:14

Nemen uta lox abulubun kepe laramtaba at Loroonan nom i nemen keneng taram; uga lok ka i ap mo laaleng luvuttadi vapaase alii diga paase alii i la luvuttadi mukun diga sa li levengkikngen di mavana ram.

1 Timoti 4:6

Dola una vaase asu na levenngas linga tinedi luvutnetam, uba lok ngan lasaxaruki avukat at ne Iesu Karisito; mila loroonan taram i anan mais at lunuunu la at levenanasa avukat, nu ugara mumu asu vam i.

1 Timoti 5:22

Nemen gat uta takas kusu una sa li lukngam to mavana at taradi ri lok lugugu at Leeme Silok, la nemen uta lok tooro tara mi laxakapmek teren, una lox adadat amisik lorooro ram.

1 Timoti 6:12

Unak sixit lolos at lekampoovo at lunuunu, kusu unaba ruuna ka mo lorooro i nemen amisik; ti mo mene lorooro ne Moroa ga ro ka u rin ap mo laaleng nenu ga vaase asu lunuunu ram to melamgo at limixin buaang.

2 Timoti 3:10

Ketla nenu u mumu asu avukat levenanasa rak la loklok tarak; ura lok kaka vam lorooro rak, la ura ven kibis lunuunu rak; ngan loklok mulus, labalamu la a tu lolos bok at lunuunu rak.

2 Timoti 3:14

Ketla nenu ne Timoti, unam tebeng lolos mo levelinga ruturun nia agara anasa vam u min la ura nuunu lolos teren. Ukleklen di luvuttadi loklox ase ram.

Ibru 2:17

Kuren la na lavasuun teren la neni ga vee radi at lorooro axap teren ngan luvutneton kusu neni ba ravasu ngan laradi ga umsu mi lebelemumu la laradi ruturun at lugugu at lamaasa gomgo ri ne Moroa, la ga ravasu ngan laxaavuk kusu ne Moroa na doxoma xepe laxakapmek at limixin.