2 Timoti 1:7 - Madak

⁷ Atla nom Loroonan ne Moroa ga raba dik min kopmen nak lox amarat dik, ketla Loroonan teren ik suxa aumsu dik mi lololos, labalamu la lodoxoma avukat.

2 Timoti 1:7 Iomraidhean Croise

Sam 119:80

Naba lox avukat do labalak nang tonga res mu avukat leventetere avolo ram, kusu naba lox asepsu ia basinge lainmangan atdi mo dik lox asi ia.

Lagale Lavavang At Ne Iesu Karisito Luk Ga Malagan i 10:19

Mina ronga i na. Ara raba vam nimi mi lololos, kusu mibat pas mavana at laxasii la at laxan aksoxomet, la mavana bok at lololos at ne Satan la kopmen tepanga naba lox asongot nimi.

Lagale Lavavang At Ne Iesu Karisito Luk Ga Malagan i 15:17

At lara laaleng neni ga ven kibis lorooro salai neni ga ruuna i, la ga lok, ‘Limixin gugu at ne tamak di ruuna laxampanga anan solo xusu ridi ri anan, la nenia na a lok do ana sala nga!

Lagale Lavavang At Ne Iesu Karisito Luk Ga Malagan i 24:49

La nenia xa anaba riki mo laramtaba rinimi, mo ne Tamak gara xaape vam min do tinimi. Ketla miba nemen ngangais i ro Jerusalem se at loxonaleng lololos boro vana naba suxuna nimi.”

Lagale Lavavang At Ne Iesu Karisito Luk Ga Malagan i 8:35

La limixin digat pas kusu dina ven mo lavanga ga vot. Diga vosiga ne Iesu la diga long lenget mo laradi, lubunggas ga vas su basinge vam i, mo gat kis saparap luxangkedek at ne Iesu; ga siga lempanga singsiga la lodoxoma ren ga xasep ta, la diga marat.

Lagale Lavavang At Ne Iesu Karisito Jon Ga Malagan I 14:27

Lenmila rak na nemen maxeneng atnimi; limila rak ana raba nimi min. Axo raba i na i ngan limixin at na lavatbung menemen dim taba i xuren. Nemen mita bulu la mina marat.

Leven Gugu 1:8

Ketla nemi minaba umsu mi lolos mo do Loroonan Kaala na vubeles atnimi; la minaba paase katling mi lorooro rak tinedi limixin to at lemenemen silok Jerusalem, la to bok at lengkot axap at lunep silok Judaia la Samaria, la to at lengkot axap bok at na lavatbung menemen kopok.”

Leven Gugu 10:38

Nemi miklen i do ne Iesu me Nasaret, ne Moroa ga lox anarong i mi Loroonan Kaala la ga raba box i mi lolos teren. Ni gat pas at lengkot axap la ga lok lempanga nunuan la ga lox aroo nedi bok ne Satan ga xoxo di, mila ne Moroa ga nemen eburu min.

Leven Gugu 20:24

Ketla nia a lok do lorooro rak i lok ngan ta do lavanga gamasa mun tia; nia a vara mun i do ana lox axap lavatpas tarak la ana lox axap lugugu at Leeme Silok ne Iesu ga raba ia min; mo lugugu ri tong asu Lagale Lavavang mumu letaba nabalamu at ne Moroa.

Leven Gugu 21:13

Ketla ni ga lok, “Lai nom nemi mik lox i, ming teng keretnom la mirak lox abulu lorooro rak? Nia a gagas pam kusu dinaba xoxo ia. La nia a gagas bok kusu ri met mo go Jerusalem kusu ri xip aurut laasen at Leeme Silok ne Iesu.”

Leven Gugu 26:11

Buaang laxanaleng agak lox asongot di ro xeneng at laraugu singising, la agak lok di xusu dina tong i do di xopara ri ne Iesu. Agak musak aleng tinotno di, kuren la agat pas bok uto vaxalom at lara menemen petpes kusu anak lox asongot nedi.

Leven Gugu 26:25

Pol ga vorang i rin keretna, “Leeme silok! Nia xopmen ana baulang. Na levelinga rak i ruturun la ik mokso.

Leven Gugu 6:8

Stiven neni laradi ga umsu mi letaba nabalamu at ne Moroa; la ni ga umsu bok mi lolos la ga lok lempanga sangsangu kantubu at limixin.

Leven Gugu 9:22

Ketla lavavang at ne Sol ga mumuat amisik, la ni ga lox asuusu i do ne Iesu mo neni Lanarong; la levelinga ren ga mumuat aleng la buaang atnedi limixin me Judaia mo diga nemen to Damasko di goxo epovo do dina vorang i.

Lovoang At Ne Pol Ti Limixin Nunu to Rom 5:5

Na lodoxoma voovo xopmen na lox abulu nedik, atla ne Moroa gara soli asu vam labalamu ren ukeneng at lorooro atnedik mi Loroonan Kaala, ni laramtaba at ne Moroa rinedik.

Lovoang At Ne Pol Ti Limixin Nunu to Rom 8:15

atla Loroonan no ne Moroa gara raba vam nimi min ik lok nimi xusu mi noxo marat ngan lasaxaruki; ketla i lok nimi xusu nemi luvutnitna ne Moroa, la nedik di toro ri ne Moroa mi lololos at Loroonan Kaala keretna, “Tamak! Tamak!”

1 Korin 2:4

la leveloklox ase rak mi lavavang tarak kopmen goxo ravasu mi tengkolinga nunuan mi lakleklen at na lorooro. Ketla levelinga rak ga lox asuusu lolos at Loroonan Kaala at ne Moroa.

Galesia 5:22

Ketla mo lara i ruuna Loroonan Kaala at lorooro ren i pisik asu labalamu, lomomo, lenmila, loklox atnaasan, loklox anare, luvukat, loklok tuturun,

Kolosi 1:8

Neni ga tong i rinama’ do lorooro atnimi i umsu mi labalamu, Loroonan Kaala ga suxa aumsu nimi min.

Ibru 2:15

Ketla ne Iesu ga lox asepmus di basinge loxokoxo at ne Satan, mila at lorooro axap atdi xeneng ap mo loxokoxo, digak marat at lanmet.

1 Pita 1:22

La mo nga, mira ronga ka vam levelinga ruturun la kerepmo lorooro atnemi ira dadat pam la labalamu ruturun i ravasu at lorooro atnimi ti luvutneton nimi; kuren la mina ebalamu ela mi lorooro axap atnemi;

1 Jon 4:18

Do tara i ruuna labalamu, ixo epovo do lanmarat na nemen keneng at lorooro ren. La mo labalamu ruturun teren naba lok kepe mo lanmarat i nemen at lorooro ren; lanmarat ik lok at laradi i lok laxakapmek la ba xip lumumuat. Do tara i ruuna lanmarat, kovisi labalamu na epampana avukat at lorooro ren.