1 Timoti 6:4 - Madak

⁴ neni i umsu mi loklox asilok la kopmen naklen tevempanga. Lorooro ren kopmen na lox avukat; ni i vavara mun i xusu ni na etep mi levelinga la nak musak amisik; la na, i lox asuusu mun leretere mumu, lekarakat, la lavapaase xapmek, la lodoxoma xapmek;

1 Timoti 6:4 Iomraidhean Croise

Leven Gugu 15:2

Pol mi ne Banabas duga ronga i na la duga vaase mukmusak aleng la duga etep mi levelinga minedi; kuren la limixin nuunu ro Antiok diga lok katling ne Pol mi ne Banabas la lentaba bok kusu dibat pas uto Jerusalem la dina vot pasa luvuttadi vavang la loxongkulao silok la dina paase mumu na lavanga.

Leven Gugu 18:15

Ketla nemi mi paase mumu mene levelinga la levenasen at Lenavolo atnimi. Nia xopmen laradi rongtonga ri lempanga xerepmo. Nemi xa mina epaase mumu i nom.”

Leven Gugu 8:9

Keneng ap mo lemenemen lara laradi laasen teren ne Simon; neni at leventaba levenaleng neni gak lox arakdu limixin me Samaria mi mo lempanga sangsangu ren. Ni ga lok do neni mo i silok tinotno.

Lovoang At Ne Pol Ti Limixin Nunu to Rom 12:16

Mina nemen eburu mi limixin axap at limila. La nemen gat mita xip aurut axa nemi, ketla mina siam kaka leven gugu ik lok kopok. Nemen gat miguta doma i do lakleklen atnimi i volo aleng.

Lovoang At Ne Pol Ti Limixin Nunu to Rom 13:13

Mina lok kaka luruptuvuk nunuan, na ngan do limixin dik lok keneng at laxasep at laaleng kangking; nemen gat miguta raba gamasa lorooro atnemi ri levempanga ik lok kapmek lorooro, ngan liinin tangtangku laxangkadan lolos, loklok kakapmek maxamang at lixitkis epot, lengkot mamangan, lekarakat, la levereven peves.

Lovoang At Ne Pol Ti Limixin Nunu to Rom 14:1

Mina siam abeles kaka mo laradi keneng at lotu atnimi, lunuunu ren kopmen na lolos, ketla nemen gat miguta etep mi levelinga eburu min mumu mo leveloklok ik paxaru kaxat lekarakat.

Lovoang At Ne Pol Ti Limixin Nunu to Rom 2:8

Ketla leventaba atnemi limixin di doxoma mene di, la di sok tixirixes levelinga ruturun at ne Moroa, di vavara i do dina mumu asu levempanga i lok kapmek; nedi na dinaba ekip tangarang mi lebelemamao la lumukmusak at ne Moroa.

1 Korin 11:16

Ketla do tara i vara i do na etep mi na levelinga rak, a tong i do kopmen teretere vetpes bok ba go i nemen mumu na loklok ti kua vatlak to xeneng at lotu, ik lok kantubu atnema luvuttadi vavang kopla limixin at lotu at ne Moroa.

1 Korin 11:18

Lavanga avot i lok keretna; nia aga ronga i do lixitkis epeseves mo ik lok kantubu at levempotpot buru atnimi; la a lok do nai i ruturun.

1 Korin 3:18

Nemen gat tara guta xarang axa i. Mo do tara xantubu atnimi i doxoma i do neni mo laradi akleklen ngan limixin at na lavatbung menemen, i epovo do neni na ke xepe mo lakleklen teren la na lok kaka lakleklen tuturun at ne Moroa.

1 Korin 3:3

mila nemi move mi rooro ngan limixin mede at na lavatbung menemen. Levereven peves mi levenekarakat move i nemen kantubu atnimi, la nai i lox asuusu i do nemi move mi rooro eburu mi loklok at na lavatbung menemen; la kerepmo loklok atnimi i lok ngan loklok at limixin at na lavatbung menemen.

2 Korin 11:20

I ruturun mi xip tutu mi nege i lok nemi ngan lavasaxaruki ren, kopla ip kip pilo levempanga atnimi, la i ven asi rinimi, kopla i vasa bobonot levenmeren nimi.

Galesia 5:15

Ketla do minap tuvuk ngan lempanga mi lavanuet lengkangkedek atdi la minak lox asongot ela axa nemi, mina memek avukat, atla lavanga mina eso reles.

Galesia 5:26

Nemen gat nedik guta simi aurut nedik kopla ata velox abelemamao ela minedik kopla ata reven peves mumu lempanga vetpes at lentaba atnedik.

Galesia 6:3

Do tara na doma i do neni mo laasen teren i volo rinotno ketla neni laradi gamasa mene, neni mo laradi i xarang axa i.

Pilipai 1:15

I ruturun leventaba di vavang mi ne Karisito kusu ri lox asilok levenasen atdi, di umsu mi loklok ti ngaongao ri lempanga at lentaba vetpes la loklok tik lox asilok di; ketla leventaba di vavang mi luruptuvuk atdi i nunuan.

Pilipai 2:14

At levempanga axap mi lox i, nemen mita gagalinga la mita etep mi levelinga,

Pilipai 2:3

Nemen mita doma i do mina lox asilok nimi, ketla mina lox asi nimi maxopok at limixin; amisik mina doxoma mumu nunuan nedi avot la melemu ba nemi, la mina umsu mi langsangan loklok ngangao.

Kolosi 2:18

Ixok mokso do tara na tong i rinimi do mixo epovo kusu mina lok kaka leveloklox anarong at ne Moroa. Laradi xerepmo i lok poovo i do i lox asi aleng lorooro ren; i nua i do i ruuna laasen silok mila i lotu saparap lubungangelo la mumu bok levesilimet teren, ketla i ruuna loklok papavas la i mumu asu mene lodoxoma kopmen tavasuun teren boro at na lavatkangka.

2 Tesalonia 2:4

Avot be mo laradi xapmek naba sok tixirixes ne Moroa la levelotu axap; la neni naba tong i do neni i silok aleng la nabat kis to at loogu laplavang at ne Moroa la neni naba lok ti limixin keretna, “Nenia ne Moroa.”

1 Timoti 1:4

La una tong i ridi do dina xap ta ap mo laxampapaase solo mumu leventetere, la levenasen at lavalabat, mila nai ik lox asu mun levenedak; la ik lox asi lugugu at ne Moroa, mo lugugu i lox alolos lunuunu at limixin.

1 Timoti 1:7

Di vara i do dina anasa limixin mi Lenavolo at ne Moroa, ketla dixo xasep teren la dixo xasep bok ap mo levelinga di anasa limixin min.

1 Timoti 3:6

Laradi gomgo neni laradi mi lunuunu ren i xus pam; mila i lok kapmek do neni na lox asilox i la ni na subu beles at lebelemamao at ne Moroa, kerekngan ne Satan.

2 Timoti 2:14

Una tong aronga amisik limixin at lotu mi na levelinga la una paase lolos tidi at lemeren ne Moroa do nemen dita etep mi levelinga. Na loklok ixo lok tooro di la naba lok kapmek lodoxoma at limixin tongtonga.

2 Timoti 2:23

Ketla una nemen petpes basinge limixin tangtangku la di etep mi levelinga rangtangku. Limixin dik lok kerepmo, di lox asuusu levenekarakat.

2 Timoti 3:4

Diba song araba limixin avukat ti limixin kapmek tip sep di, diba lok levempanga rangtangku, di noxo ruuna loklok ngangao, diba ngaongao aleng ti levempanga at na lavatbung menemen, la di noxo vara ne Moroa;

Taitas 3:9

Ketla nemen uta vetep mi levelinga at levempanga gamasa. Na levelinga i lok ngan ta levenasen at lavalabat at lubungmixin me Judaia, la i lok ngan bok levelinga ik lok to xeneng at Lenavolo at ne Moses. Una ke na levempanga, mila na levempanga noxo lok tooro limixin nuunu.

Jems 1:19

Luvutnetak mi luvurinuk. Mina doxoma na lavanga. Nemi axap mina lok soso ri ronga res, ketla nemen mita vaase porang soso levelinga, la mita musak soso,

2 Pita 2:12

Ketla ana limixin, di tu eburu xusu ri paase xapmek mumu limixin keneng at levempanga nedi dixokleklen i, la dip tuvuk baulang ngan levempanga aaxa mi lavanuet kangkedek atnedi; lugugu mun atnedi keretna, diga visik mun di xusu dinabak lox alis kaka di la dinap sev amet nedi; la dinaba seeve ngan laxampanga aaxa mi lavanuet kangkedek atnedi.

2 Pita 2:18

Dim simi aurut nedi mi levendoxoma rangtangku la levelinga gamasa. La dik lok lengkot mamangan kusu dinang kan kaka nedi dik lok do dinak sixiro basinge limixin di mumu asu langas kapmek.

Lovoang At Ne Jut 1:10

Ketla nom limixin di paase xapmek mumu lempanga salai nedi xopmen dina xasep teren; nedi di lok ngan mun lempanga mi lavanuet kangkedek atdi la di mumu asu mun lodoxoma atdi xa, la mo loklok naba lok kapmek axap lorooro atdi.

Lovoang At Ne Jut 1:16

Nedi na limixin di paase xuxurung amisik, la dik sok taba xusuk mun limixin petpes mi laxapmek atdi; di mumu asu mun lavavara xapmek atdi xa, la di lox asilok levenasen atdi; la dik lox atdan limixin petpes kusu dinap kip paxat ka lempanga atnedi.

Lisilimet 3:17

Nemi mi tong i do, ‘Nema mo map novos aleng la ma ruuna lempanga axap la maxok pakes bok ti tempanga.’ Ketla mixoklen i do nemi limixin etaba la mi baava. Nemi mi lok ngan limixin pakpakes, lengkatli atdi i main, la dik lok beleben.