1 Timoti 6:16 - Madak

¹⁶ Neni xusuk mun naba roo avolo la i nemen keneng at langsangan laxasep la kovisi tara goxo ven tu ren, la tara noxo ven box i. Loklok ngangao xusuk tin eburu mi lololos amisik! Tuturun.

1 Timoti 6:16 Iomraidhean Croise

Sam 104:2

U bom u mi laxasep. Uga rep asala laxalibet ngan ta loogu kadis

Sam 90:2

Avot ti laaleng uga rudum li levengkaana la lempanga di rooro xeneng at lavatbung menemen, nenu ugak lox axa ngan ne Moroa i rooro lexen, la unabat kis Moroa amisik la kopmen tekavaxap taram.

Lagale Lavavang At Ne Iesu Karisito Jon Ga Malagan I 1:18

Tara goxovisi ven ne Moroa. Ne Nitna xusuk mun, neni i epovo mi ne Moroa, neni it kis esogo mi ne Temen la neni xa ga paase axasep dik mi ne Moroa.

Lagale Lavavang At Ne Iesu Karisito Jon Ga Malagan I 14:9

Iesu ga lok tin keretna, “Pilip, aga nemen amisik eburu minu la nu xovisi unaklen ia do? Do lara ira ven pam ia, neni ira ven pam ne Tamak. Ixo epovo do una tong i do, una lox ase nama mi ne Tamam.

Lagale Lavavang At Ne Iesu Karisito Jon Ga Malagan I 6:46

Kovisi tara na ven ne Tamak; nenia aga laa boro at ne Moroa, nenia xusuk mun agara ven pam ne Tamak.

Lagale Lavavang At Ne Iesu Karisito Jon Ga Malagan I 8:58

Iesu ga vorang i ridi xeretna, “A tong tuturun i rinimi. Gano ne Abaram goxovisi vot, nenia mo aga nemen pam.”

Epesas 3:21

La limixin lotu dinap kip aurut laasen at ne Moroa to at lotu, la keneng at laasen at ne Iesu Karisito, la lavaola move i tu umelamgo dinap kip aurut laasen teren amisik la kopmen taxavaxap teren. I ruturun.

Pilipai 4:20

Leemi asu amisik ti ne Moroa ne Temen dik la kopmen taxavaxap teren. I ruturun.

Kolosi 1:15

Karisito neni lampoovo at ne Moroa nedik kopmen tana reven tu ren. Neni lanat meren avot, la i silok tinedi levempanga ne Moroa ga rudum li di.

1 Timoti 1:17

Kuren la ata emi asu mi Loorong Silok naba rooro amisik, la kopmen noxo met la dik taxo epovo ri ven i; neni xusuk mun ne Moroa. Ata lox asuusu amisik loklok ngangao la leemi asu rin! Tuturun.

Ibru 13:8

Diga nuunu do ne Iesu Karisito ixok lox ekun levelinga ren; levelinga ren ga sorun gano la i sorun lingina la naba sorun bok melemu.

Jems 1:17

Leventamtaba mo i lox avukat aleng, ni axap nom boro vana at laxalibet; i si boro vana at ne Temen dik, mo ga rudum li laxangking, lagaaling, la laxampenti; kopmen teretepukus at loklok teren la kopmen toxot at lamain ik lok keneng teren.

1 Jon 1:5

Na levelinga nema mara ronga vam i boro at ne Nitna la ma vavang min tinemi keretna, Moroa neni laxasep la kopmen lamain nak lok teren.

1 Jon 1:7

Ketla mo do nedik ta nemen at laxasep, kerekngan ne Moroa i nemen at laxasep, nedik atat kis esogo eburu; la lada at ne Iesu, nitna ne Moroa i lox adadat nedik basinge levengkakapmek axap.

1 Jon 4:12

Kopmen tara goxo ven tu at ne Moroa; ketla do nedik ta ebalamu ela, i lox asuusu i do ne Moroa i nemen keneng atdik, la labalamu ren i lox ampana avukat keneng at lorooro atdik.

Lovoang At Ne Jut 1:25

Leemi asu ri ne Moroa, neni Laradi Loklox Arooro atdik la neni lo Moroa xusuk mun; la lololos axap la loklok ngangao gat pas tin ganoxa at lereot, it pas bok tin at na levenaleng lingina, la nabat pas bok tin ap mo levenaleng i tu melamgo. At laasen at ne Iesu Karisito, Leeme Silok atdik. I ruturun.

Lisilimet 1:6

La ga lok li nedik ngan lavamaasa at Linintoo ren, kusu dik tana lok lugugu at ne Moroa, ne Temen. Ata emi asu mi ne Iesu, lisisixam mi lololos axap teren; neni naba nemen amisik. I ruturun.

Lisilimet 1:8

Moroa Leeme Silok atdik ga lok keretna, “Nenia mun Lurutu Kaxat la Lumumupit at lempanga axap. Nia aga nemen gano, a nemen lingina, la anaba vot bok melemu. Nenia a lolos aleng.”

Lisilimet 21:3

La aga ronga luxupkup silok boro at loxonin orong at ne Moroa ga lok, “Mina ven ba i, lemenemen aulis at ne Moroa monga ira si vam la neni nak lok eburu mi limixin. La ne Moroa naba nemen eburu minedi, la nedi diba lok ngan limixin teren, la ni naba nemen ngan ne Moroa atdi.

Lisilimet 22:5

La noxopmen bok ba taxanimin, la limixin di noxok pakes bok ba ri taxasep at lababao xopla laxangking, mila Leeme Silok ne Moroa neni naba lok ngan laxasep tidi, la dinaba ruuna lixitkis silok ti lok tatao limixin la dinaba nemen amisik kuren, la kopmen taxavaxap teren.

Lisilimet 4:11

‘Moroa Leeme Silok atnama, nenu xusuk mun u epovo na lok kaka leemi asu, loklok ngangao mi lololos, mila nenu uga rudum li lempanga axap; la at lavavara mun taram uga rudum li di la uga lok li di xusu dina rooro.’

Lisilimet 7:12

Diga lok keretna, “Tuturun pam. Loklox anarong, la leemi asu, lakleklen, luvukat, la loklok ngangao, mi lololos ti ne Moroa atdik amisik la kopmen taxavaxap teren. Tuturun tinotno.”