1 Timoti 4:8 - Madak

⁸ Lugugu at labantuxu i lox asuusu loklok tooro ri labantuxu; ketla leveloklok at Loroonan at ne Moroa, naba lox asuusu leventaangas axap i nunuan, la uba ruuna ka lorooro avukat at na lorooro xopok la at lorooro melemu bok.

1 Timoti 4:8 Iomraidhean Croise

Sam 145:19

Neni im taba epovo ri levem pakpakes atnedi ua dik lok ngangao ren; ing tonga leven anteng atnedi la irak lox asepmus nedi.

Sam 37:11

Ketla nedi di lox alixilik nedi; dinaba ruuna ka lenep kangka aulis atdi, la dinaba ngasang kobot la dinaba momo rino mi limila.

Sam 37:29

Limixin mokmokso dinaba ruuna xaka lenep kangka aulis atdi la dinaba nemen amisik teren.

Sam 37:9

Nedi di nuunu saga at Leeme Silok, dinaba ruuna ka lenep kangka aulis atdi, ketla Leeme Silok naba sak su limixin bilinga.

Sam 84:11

Leeme Silok neni Lurutu See Pe atnedik la ni Loorong Silok i ruuna lisisinang, la ik lox anarong dik mi lebelemumu la ik lox asilok dik kusu limixin dina lok ngangao atnedik. Neni ixom tebeng alis lempanga avukat basinge nedi dik lok luvukat.

Metiu 12:32

La ne Moroa naba doxoma xepe tara i paase kapmek mumu ia, Laradi Mevana, ketla neni noxo doxoma xepe tara i paase kapmek mumu Loroonan Kaala, at na levenaleng la at lorooro melemu bok.

Metiu 19:29

La nedi axap diga on basinge laraugu atdi, luvutneton di, luvurinen di, luvuttemen di, luvutnen di, laxamdak mi laxaalik kakalik atdi, la leventaamang atdi kusu dina lok lugugu rak, nedi dinaba ruuna ka laxampanga solo la dinaba rooro amisik at lorooro melemu.

Metiu 6:33

Ketla mavana at lempanga axap, mina lolos avot be ri puse ka Linintoo at ne Moroa la leveloklok mokmokso ren, la neni naba raba bok nemi mi nom lempanga mik pakes tin.

Lagale Lavavang At Ne Iesu Karisito Mak Ga Malagan I 10:30

neni naba ruuna xaka luunun silok at na lorooro, i ngan buaang laraugu, buaang luvutneton, buaang luvurinen, buaang luvutnen, buaang laxamdak mi laxaalik, laxantaamang solo; la neni naba lok kaka bok levesongsongot mumu Lagale Lavavang la neni naba rooro amisik at lorooro melemu.

Lagale Lavavang At Ne Iesu Karisito Luk Ga Malagan i 5:38

Laxadan vaen maxat mina soli li i at labantuxu maxat!

Lovoang At Ne Pol Ti Limixin Nunu to Rom 8:28

Nedik ataklen i do ne Moroa i gugu mi luvukat at levempanga axap, keneng at lorooro atnedi di balamu i, la nedi no neni gara ro xaka vam nedi xerekngan lodoxoma ren kuren.

1 Korin 3:22

Pol mi ne Apolos la ne Pita; la lempanga at na lavatbung menemen, la lorooro, la lanmet, la mo lempanga ik lok ningina la mo lempanga axap naba ravasu melemu; na axap ne Moroa ga lok li i xusu ri lok tooro nimi.

1 Korin 8:8

Leveluxa axap limixin nuunu di anan i, kopmen noxo lox axis buru di mi ne Moroa. Do nedik ata anan mo leveluxa limixin diplavang min saparap laxampoovo moroa, lixitkis etangas atdik mi ne Moroa noxo rekorop, la luruburu atdik mi ne Moroa noxo xap.

1 Timoti 4:7

Ketla una ru asepsu basinge nom leventetere xaxarang mo ixo lox avukat ti paase asu i. Ketla una lolos amisik kusu una ruuna ka luruptuvuk avukat at ne Moroa.

1 Timoti 6:3

Do nege na anasa limixin mi levelinga vetpes, la kopmen na sixit eburu mi levelinga ruturun at Leeme Silok atdik ne Iesu Karisito, la eburu bok mi levenanasa at lotu atdik,

1 Timoti 6:5

la lumukmusak naba nemen alolos amisik kantubu atnedi la lodoxoma atdi ba lok kapmek tino. La di doxoma i do lotu ni langas tip novos.

1 Timoti 6:6

Ketla do laradi i ruuna xobot ka vam leveloklok i nunuan la i lok momo mun mi mo lempanga i ruuna i, i lok ngan ta do neni ip novos aleng.

2 Timoti 3:5

diba lok ngan limixin lotu ketla diba tong i do kopmen tololos at lotu. Una nemen petpes basinge limixin kerepmo.

Taitas 3:8

Na levelinga mumu loklox arooro at ne Moroa i ruturun; la una lolos ti tong asu amisix i ri limixin nuunu me Krit, kusu dina lolos ti lok leven gugu nunuan. Na leven gugu nunuan i lox avukat la i lok tooro limixin axap.

Ibru 13:9

Nemen gat mitang tonga nedi di lox ase nimi mi levenanasa vetpes, mo ba sar asoogong nimi basinge lunuunu atnimi at ne Iesu. I lox avukat do mina lok ka letaba nabalamu eburu mi loklok tooro at ne Moroa xusu mina lox alolos lebelen nimi. La mina ke xepe mo leveloklok at Lenavolo mumu leveluxa salai ri anan la leveluxa salai kopmen ti anan; na loklok noxo lok tooro lorooro atnedi di mumu asu i.

1 Jon 2:25

La neni naba lox epovo lavapaase alii ren, no ni ga xaape min tinedik keretna, neni naba raba nedik mi lorooro avolo.

Lisilimet 3:12

Do tara na tu lolos, aba lox i ngan luxus una at loogu laplavang at ne Moroa rak, la ixo epovo rinotno do neni naba vas su basinge i. Aba malagan li laasen at ne Moroa rak teren la laasen orong bok at lemenemen silok at ne Moroa rak. Mo lemenemen silok, ni Jerusalem maxat mo naba ravasi boro vana at laxalibet basinge ne Moroa rak. La aba malagan bok laasen maxat tarak go ren.

Lisilimet 3:21

Do tara na tu lolos at lunuunu ren la it pas asi lololos laxapmek, aba mulus ka i xusu ni nabat kis eburu minia ro at lixitkis orong tarak, kerekngan ia aga sak tup mi lavamunepen tarak la na nga nia at kis eburu mi ne Tamak to at loxonin orong teren.