1 Timoti 4:6 - Madak

⁶ Dola una vaase asu na levenngas linga tinedi luvutnetam, uba lok ngan lasaxaruki avukat at ne Iesu Karisito; mila loroonan taram i anan mais at lunuunu la at levenanasa avukat, nu ugara mumu asu vam i.

1 Timoti 4:6 Iomraidhean Croise

Sam 19:7

Lenavolo at Leeme Silok ik mokso axap; im taba lolos maxat ti limixin di mu asu i. Lavapaase matmatkun at Leeme Silok, i epovo do dik ata nuunu saga ren. La im taba lodoxoma avukat tinedi xopmen todoxoma avukat atnedi.

Metiu 13:52

La ni ga lok, “Kuren la nedi axap luvuttadi loklox ase at Lenavolo do dina mumu asu levelinga at Linintoo no vana at laxalibet, nedi di lok ngan laradi at loogu i xip asu lempanga maxat mi lempanga maut boro xeneng at loogu lili ren kusu na raba limixin min.”

Lagale Lavavang At Ne Iesu Karisito Luk Ga Malagan i 1:3

La nenia bok agara sue avukat ka vam levelinga mumu lorooro axap at ne Iesu; kuren la a doma i do i lox avukat kusu ana malagan akmokso lempanga ne Iesu ga lox i.

Leven Gugu 1:15

At lara laaleng Pita ga xatu kaxat kantubu atnedi legesa sangaun kobot mi legepu sangaun (120) luvuttadi nuunu;

Leven Gugu 20:31

Mina lok tatao avukat nemi. Mina doma bilong ti mo lavantun maares nenia aga paase lolos tinemi axap at levenaleng kangking la kanimin, la agang teng mu nimi.

Leven Gugu 20:35

At lempanga axap nia aga lox i, aga lox ase nimi do mina lolos kusu mina lok tooro mo limixin banbalo. Mina lox i xuren mila ne Iesu ga lok keretna, ‘I lox avukat do tara i lok kaka levempanga, ketla i lox avukat aleng do tara na raba levempanga ri laradi vetpes.”

Lovoang At Ne Pol Ti Limixin Nunu to Rom 15:15

Ketla keneng at na lovoang a malagan levelinga lolos kusu ri lox axasep levendoxoma atnemi ri levempanga nenia agara vaase vam nemi min. Nenia a epovo ri paase lolos tinimi mila gano ne Moroa ga raba ia mi na lugugu,

1 Korin 4:17

Lavasuun mun at nai la nia ara riki aonon pam ne Timoti udom saparap nimi. Neni ne nuruk tinotno at laasen at Leeme Silok, la a balamu i. Neni laradi ruturun at lorooro ren keneng at Leeme Silok. Neni naba vaase axasep manga nimi mi loklok tarak keneng at lorooro at ne Iesu Karisito. La loklox ase ren i epovo mi loklox ase rak kerekngan aga lox ase limixin min at laraugu lotu at lengkot axap.

2 Korin 11:23

Kereva, nedi lavasaxaruki at ne Karisito? Nenia bok lasaxaruki at ne Karisito la a lok nunuan aleng tidi. (A paase ngan laradi baulang tinotno.) Agara lok pam laxan gugu buaang. Buaang levenaleng agara nemen pam at loogu xokoxo, la digak pixis aleng ia, la nia axo epovo xusu ana exes i; la agak lox auret ti lanmet. Nia a lok do nedi dixo ekip tangarang mi levempanga xerepmo.

2 Korin 3:6

La ne Moroa axa ga lox aepovo nama xusu mana tong asu Lagale Lavavang mumu lekabus maxat. Ana lekabus kopmen boro at Lenavolo, ketla boro at Loroonan Kaala. Lenavolo i lox asuusu lanmet, ketla Loroonan im taba lorooro.

2 Korin 6:4

Ketla keneng at levempanga axap ma lox i, ma lox asuusu loklok at lavasaxaruki at ne Moroa, la map kip levenmumuat, la levesongsongot, la levenaknixip mi lumulus.

Epesas 6:21

Tikikas, neni neton orong atdik la lasaxaruki ruturun at Leeme Silok. Neni naba vosiga nimi la naba raba nimi mi lavapaase axasep mumu lorooro rak la lugugu rak nade.

Pilipai 2:20

Kopmen tara i lok ngan ne Timoti, im doma amisik lorooro atnimi.

Pilipai 2:22

La nemi miklen pam i do neni gara lox asuusu vam lugugu avukat teren, atla neni ga gugu eburu minia ri tong asu Lagale Lavavang, kerekngan lamdak i gugu eburu mi ne temen.

Pilipai 3:16

Ketla lavatpas atdik at na lorooro naba epovo mi lorooro maxat miga lok ka vam i.

Kolosi 2:19

La ira xap tim tebeng lolos ne Karisito, neni lavatlak at labantuxu. Karisito xa neni imgomgo nga na labantuxu, la labantuxu im tem saga mun at lavatlak, la mo do labantuxu na repes boro at lavatlak, neni ixo epovo rinotno na su maraanu.

Kolosi 3:16

La mina ke levelinga at ne Karisito na nemen atmatkun keneng at lorooro atnimi. Mina umsu min mo do mina lox ase la mina vaase axasep ela nimi mi lakleklen at ne Moroa. La minak pixan ti ne Moroa mi lengkompixan at ne Devit la lengkompixan at lotu la lengkompixan emi asu; la lorooro atnimi na umsu mi loklok ti tong avukat saparap ne Moroa.

Kolosi 4:7

Netak orong ne Tikikas, ni laradi i ruturun at lugugu ren la lasaxaruki eburu minema at lugugu at Leeme Silok, la neni naba raba nemi mi lavapaase axasep mumu ia.

1 Tesalonia 3:2

la maga riki ne Timoti kusu na vosiga nimi. Neni i lok ngan neton dik la neni bok ik lok lugugu at ne Moroa, la i vavang mi Lagale Lavavang at ne Iesu Karisito. Maga riki i xusu neni na lox alolos lunuunu atnimi la na paase tooro nimi;

1 Timoti 1:10

la tinedi bok di lok laxakapmek maxamang at lixitkis epot, la tinedi lavatlok di velongka, la tinedi bok di babala ka limixin kusu dina gugu atdi; la tinedi bok di xaxarang la di tong asu levelinga xaxarang mumu laradi i tu at lavapaase; tinedi bok di lok levempanga xerepmo xopmen na epovo mi levelinga ruturun at ne Moroa.

1 Timoti 4:16

Una lok tatao avukat lorooro ram eburu mi nom levenanasa uga anasa limixin min. Unak lox amisix i na levempanga; dola una lox i xuren, unaba lox arooro u eburu minedi nom ding tonga levelinga ram.

1 Timoti 6:3

Do nege na anasa limixin mi levelinga vetpes, la kopmen na sixit eburu mi levelinga ruturun at Leeme Silok atdik ne Iesu Karisito, la eburu bok mi levenanasa at lotu atdik,

2 Timoti 1:6

Na mun i lavasuun teren la nia a vaase alolos u xusu unam tebeng alolos nom laramtaba ne Moroa gara raba vam u min ap mo loxonaleng nenia aga sa li lukngak mavana ram.

2 Timoti 3:10

Ketla nenu u mumu asu avukat levenanasa rak la loklok tarak; ura lok kaka vam lorooro rak, la ura ven kibis lunuunu rak; ngan loklok mulus, labalamu la a tu lolos bok at lunuunu rak.

2 Timoti 4:3

Laaleng naba vot la limixin di noxo ronga xaka na levenanasa ruturun at ne Moroa, ketla dinaba mu asu lavavara atdi xa; diba ro xaka buaang lavaeme loklox ase xaxarang, kusu diba lox ase nedi mi levelinga di vavara nang tonga i.

Taitas 2:1

Ketla nenu ne Taitas, una lox ase limixin nuunu mi loklok nunuan ik sixit eburu mi levelinga at ne Moroa.

1 Pita 2:2

Minak lok ngan laxamdak mumulum, no di vavara inin amisik levendan tus at loroonan, atla do mina inin amisix i, minaba vee mukun at lunuunu atnimi la mina roo suu.

2 Jon 1:9

Do tara ixo mumu asu levenanasa at ne Karisito, la i lox epasum i mi levenanasa vetpes, neni xopmen nat kis esogo mi ne Moroa. Ketla do tara i mumu asu levenanasa at ne Karisito, neni it kis esogo mi ne Temen dik la ne Nitna.

Lovoang At Ne Jut 1:5

Nemi mira xasep pam at na, ketla a vara i do ana vaase adoxoma manga nimi xeretna; Moroa ga sar asu limixin teren basinge lenep silok Isip. Ketla melemu ni ga sev amet nedi di goxo nuunu ren.