1 Timoti 4:3 - Madak

³ Luvuttadi xerepmo di anasa limixin do i lok kapmek ti epot la ti anan bok leventaba levenasen luxa. Ketla ne Moroa ga rudum li nom leveluxa axap kusu ri limixin nuunu, mo diklen levelinga ruturun. La dina lok lisingising ti tong loklox avukat ti mo leveluxa.

1 Timoti 4:3 Iomraidhean Croise

Metiu 14:19

La neni ga tong i ri mo limixin kusu dina xis kopok at mo levempivilis avukat. La ni ga lok ka mo levengkongkide la legepu venmat, la ga milik aurut uto vana at laxalibet, la ga tong avukat ti ne Moroa. La neni ga sebek mo lengkongkide la ga raba i ri luvuttadi loklok ka anasa ren, la diga raba limixin min.

Metiu 15:11

Lempanga i vubeles keneng at lungusno laradi, anai xopmen na lox abilinga i; ketla levelinga laradi i vaase asu i at lungusno, ana i lox abilinga i.”

Metiu 15:36

La ni ga lok ka lavanuti lengkongkide la lutpen mat la ni ga tong aorong ti ne Moroa, la ga sebex i, la ga raba luvuttadi loklok ka anasa ren min; la diga raba limixin min.

Lagale Lavavang At Ne Iesu Karisito Luk Ga Malagan i 24:30

La ni ga xis to at loxot kitkis eburu midu, la ga lok kaka loxongkide, la ga tong loklox anarong; melemu neni ga sebek loxongkide, la ga raba du min.

Lagale Lavavang At Ne Iesu Karisito Jon Ga Malagan I 6:23

Melemu leventaba lesepang boro Tiberias diga oso go saparap mo lenep limixin diga anan lengkongkide e, melemu at Leeme Silok ga tong avukat ti ne Moroa.

Leven Gugu 27:35

Melemu at na lavapaase ren, Pol ga lok ka lengkongkide, la ga tong avukat ti ne Moroa ro melamgo atnedi axap, la ga sebex i la ni ga an kaxat.

Lovoang At Ne Pol Ti Limixin Nunu to Rom 14:17

Linintoo at ne Moroa neni xopmen loklok ti anan la ti inin, ketla neni lomokmokso, la limila, la lomomo at Loroonan Kaala im taba i.

Lovoang At Ne Pol Ti Limixin Nunu to Rom 14:3

Laradi do i anan gamasa guta lox abulubun gat lara do i anan mun levenbi; la neni do i anan levenbi, guta lok abulubun gat mo laradi ga siam kaka i ri anan levenasen luxa axap, atla ne Moroa gara siam kaka vam i.

Lovoang At Ne Pol Ti Limixin Nunu to Rom 14:6

Nege i doxoma alolos i do lara laaleng move i silok, neni i lox i mi loklok ngangao ren ti Leeme Silok. Nege do i anan gamasa levempanga axap, i lok box i mi loklok ngangao ren ti Leeme Silok, atla neni i tong loklox avukat ti ne Moroa ri levempanga anan. Nege do kopmen na anan teventaba teveluxa, neni i lok box i mi loklok ngangao ren ti Leeme Silok, la i tong loklox avukat bok ti ne Moroa rin.

1 Korin 6:13

La lentaba diba lok keretna, “Moroa ga lok levenbelen dik ti leveluxa la ga lok leveluxa ri lox aumsu levenbelen dik.” I ruturun, ketla ne Moroa naba lox asonao buru labantuxu mi lengkot teren. I ruturun bok do labantuxu atdik kopmen tik lok laxakapmek maxamang at lixitkis epot, ketla ne Moroa ga rudum li dik kusu ata emi asu mi Leeme Silok; la Leeme Silok axa ik lok tatao labantuxu atdik.

1 Korin 7:28

Mo do taradi i epot, kopla latkin maxat i epot, kopmen taxakapmek teren. Ketla mo do tara i epot, i epovo do buaang laxanmumuat naba vot parav i. A xopara i do mina solok laxanmumuat solo at na lorooro.

1 Korin 8:8

Leveluxa axap limixin nuunu di anan i, kopmen noxo lox axis buru di mi ne Moroa. Do nedik ata anan mo leveluxa limixin diplavang min saparap laxampoovo moroa, lixitkis etangas atdik mi ne Moroa noxo rekorop, la luruburu atdik mi ne Moroa noxo xap.

Kolosi 2:16

Kuren la ixok mokso do tara na ila mumu loklok atnimi mumu mo leveluxa mi anan i la levengkadan mi inin i; kopla mumu larapeluxa at ne Moroa kopla mumu larapeluxa loklok katling ti lagaaling i vot maxat kopla ti laaleng kaala.

Kolosi 3:17

Levempanga axap mi lox i la mi vaase i, mina lox i at laasen at Leeme Silok ne Iesu, la mina tong loklox avukat ti ne Moroa, ne Temen nedik mumu leveloklox anarong at ne Karisito.

1 Timoti 2:4

Neni i vara i do limixin axap dinaba ruuna ka lorooro avolo, la dinabaklen avukat levelinga ruturun teren,

1 Timoti 4:4

Levempanga axap ne Moroa ga rudum i, i lox avukat; kopmen tevempanga ataba sok tixirixes i, ketla ata lok ka levempanga axap mi lisingising ti tong loklox avukat;

1 Timoti 5:14

Kuren la a vara i do nedi lovosono naa dina epot la dina ruuna madak, la dina lok tatao avukat levempanga ro xeneng at laraugu atnedi, kusu kopmen di noxo raba luvuttadi munepen minedik kusu di noxo vaase xakapmek tidik.

Ibru 13:4

Nemi axap mina mu asu avukat loklok keneng at leepot la mina ke loklok ti elongka mila nedi di mu asu loklok ti elongka, Moroa naba lok li di at lavapaase, eburu minedi bok limixin di los polo levelinga at ne Moroa mumu loklok keneng at leepot.

Ibru 13:9

Nemen gat mitang tonga nedi di lox ase nimi mi levenanasa vetpes, mo ba sar asoogong nimi basinge lunuunu atnimi at ne Iesu. I lox avukat do mina lok ka letaba nabalamu eburu mi loklok tooro at ne Moroa xusu mina lox alolos lebelen nimi. La mina ke xepe mo leveloklok at Lenavolo mumu leveluxa salai ri anan la leveluxa salai kopmen ti anan; na loklok noxo lok tooro lorooro atnedi di mumu asu i.