1 Timoti 4:16 - Madak

¹⁶ Una lok tatao avukat lorooro ram eburu mi nom levenanasa uga anasa limixin min. Unak lox amisix i na levempanga; dola una lox i xuren, unaba lox arooro u eburu minedi nom ding tonga levelinga ram.

1 Timoti 4:16 Iomraidhean Croise

Lagale Lavavang At Ne Iesu Karisito Mak Ga Malagan I 13:9

Ketla mina lok tatao avukat nimi. Tentaba diba ranga alis nimi la miba tu at lavapaase ro melamgo at lavaeme silok la dibak pixis nimi ro at laraugu singising. La miba tu at lavapaase ro melamgo at lavaeme amgomgo mi lavaorong silok mila nemi mi nuunu rak, ketla miba tong asu Lagale Lavavang tidi.

Lagale Lavavang At Ne Iesu Karisito Luk Ga Malagan i 21:34

La ne Iesu ga lok keretna, “Mina lok tatao avukat nimi! Nemen mita esum solo mi loklok lara peluxa la liinin lara kadan lolos, la nemen mita bulu mu na lorooro; lavanga nom laaleng na vot asangu nimi.

Leven Gugu 26:22

Moroa ga lok tooro aleng ia ise at na laaleng lingina; kuren la nia a ru na de, a tong asu levelinga ruturun tinemi axap, limixin gamasa la limixin silok. La na levelinga rak nia a tong asu i, i epovo mi levelinga at lavaeme vapaase alii la ne Moses, nedi diga tong i do na lempanga naba vot.

Leven Gugu 6:4

La nema xa maba raba lorooro axap atnema ri lugugu at lisingising la lugugu at lavapaase asu Lagale Lavavang.”

Lovoang At Ne Pol Ti Limixin Nunu to Rom 11:14

Nia a lok do mo lugugu rak naba lok bok limixin tinotno rak dinaba vaase mumu ia, kuren la anaba lox epovo i xusu ana lok ka amlong teventaba atdi.

Lovoang At Ne Pol Ti Limixin Nunu to Rom 16:17

Luvutnetak mi luvurinuk, mo nga a sing nemi; minak lok tatao nemi basinge luvuttadi no dik lok do dinak lok levenekarakat, la dik lox antun lunuunu at limixin la nedi no dik lox abulubun leveloklox ase nemi migara lok kaka vam i; minak lok petpes basinge nedi.

Lovoang At Ne Pol Ti Limixin Nunu to Rom 2:7

Leventaba at limixin dik lox amisik leveloklok i nunuan, kerepmo di puse ri lisisixam mi loklok ngangao la lorooro nunuan; ne Moroa naba raba di mi lorooro avolo.

1 Korin 1:21

Moroa i ruuna lakleklen solo la ni ga lok pe limixin akleklen kusu kopmen di noxo epovo na vuse sa ren mi lakleklen atdi xa. Ketla ne Moroa ga lok losoxovo do ni naba lox arooro nedi dina nuunu at Lagale Lavavang, keke i do limixin di tong i do Lagale Lavavang ni lavanga gamasa.

1 Korin 9:22

Kantubu atnedi lunuunu atdi ixo lolos, ana nemen ngan bok di, kusu aba lok ka bok di la ana lox alolos lunuunu atdi. La kerepmo a lox ia ngan limixin axap, kusu aba sat ka bok tentaba atnedi uto xeneng at Linintoo at ne Moroa.

1 Korin 9:27

Nenia a gugu lolos ti lok kaka limixin uto xeneng at Linintoo la ba lok kapmek do nenia noxo vubeles teren. Kuren la a lox amisik labantuxu rak kusu ana mumu asu leventaangas linga la kerepmo nenia aba epovo bok ti nom luunun mo ne Moroa ba raba limixin nuunu min.

Epesas 4:14

Do lorooro atdik nak lok kuren, lunuunu atdik noxo lok ngan lunuunu at laxamdak lixilik, it los ekat ngan laras i repit la iap sep tang at lisim la ira onon taba ugo la ude to at lamaxat. Kerepmo lavaeme loklox ase xaxarang di lok tong i xusu dina sar asoogong lunuunu atdik basinge ne Karisito mi leveloklox ase xaxarang la levelinga babala arup.

Kolosi 4:17

La mina vaase bok ti ne Akipas keretna, “Una lolos kusu una lox epovo mo lugugu Leeme Silok ga raba u min.”

1 Tesalonia 2:16

digak lok pe nama xusu ma noxo tong asu bok Lagale Lavavang tinedi limixin kopmen di me Judaia, kusu di noxo vubeles at Linintoo at ne Moroa. Laxakapmek atnedi limixin me Judaia i silok la mo laxakapmek ti lok pe limixin kopmen di me Judaia i lox asilok laxakapmek atdi. Kuren la lebelemamao at ne Moroa ira rupot pam saparap di.

1 Timoti 1:3

Nia a vara i do una nemen go Epesas, kerekngan aga tong i ru ap mo laaleng nia aga vas kaxat uto Masadonia. Leventaba luvuttadi me go Epesas di vanasa limixin mi levenanasa xaxarang; kuren la una tong i ridi do dina xap ta ap mo loklok.

1 Timoti 4:15

Una mumu asu amisik na levempanga la una raba lorooro axap taram tin, kusu limixin axap diba ven lusuusu at lugugu ram.

1 Timoti 4:6

Dola una vaase asu na levenngas linga tinedi luvutnetam, uba lok ngan lasaxaruki avukat at ne Iesu Karisito; mila loroonan taram i anan mais at lunuunu la at levenanasa avukat, nu ugara mumu asu vam i.

2 Timoti 2:10

Kuren la nia a tu lolos keneng at levesongsongot kusu ri lok tooro mo lavaanat soxolik at ne Moroa la kusu nedi bok dinaba lok kaka loklox arooro at ne Iesu Karisito la ri lox asuusu bok lisisixam avolo ren.

2 Timoti 3:14

Ketla nenu ne Timoti, unam tebeng lolos mo levelinga ruturun nia agara anasa vam u min la ura nuunu lolos teren. Ukleklen di luvuttadi loklox ase ram.

2 Timoti 4:2

Una vavang mi levelinga at ne Moroa. Una gagas at levenaleng axap ti tong asu i; una lox akmokso lorooro at limixin, una paase aronga di, la una paase tooro di; lorooro ram na umsu mi loklok mulus, ketla una lox ase nunuan limixin.

Taitas 1:9

Nedi dinam tebeng lolos levelinga ruturun at ne Iesu xerekngan nia aga lox ase vam di min. Dina nemen kuren kusu dina lox alolos lunuunu at limixin mi levelinga ik mokso, la kusu dina lox akmokso lodoxoma atnedi limixin nuunu di xopara levelinga at ne Iesu.

Taitas 2:15

Na levelinga a tong pam i ru, ne Taitas, una anasa limixin me Krit min, kusu una lox alolos lorooro atdi mi na levelinga; la kerepmo bok una vaase sok di, atla kopmen torooro avukat atdi. La tara atdi guta lox abulubun kepe u, mila nenu leeme vapaase at ne Moroa.

Taitas 2:7

At levempanga axap nenu una lok leveloklok i nunuan ngan lampoovo ridi xusu nedi bok dina lok levempanga nunuan. Dola una lox ase limixin, una paase ruturun tidi la levelinga ram nak sixit nunuan,

Pilimon 1:19

Nenia ne Pol, a malagan na levelinga ru. Na levelinga rak i ruturun la nenia anaba vorang levempanga ram. Ketla una doma i do nenia aga lok tooro u xusu una lok ka lorooro.

Ibru 12:15

Mina lok tatao avukat nimi xusu tara atnimi noxo sok tixirixes kepe letaba nabalamu at ne Moroa la na seeve; la nemen nimi guta ke xepe teventaba atnimi dina lok lekarakat kusu mo laxakapmek na lox asubu lunuunu at limixin, kerekngan laradi sak i sev amet limixin.

Ibru 13:9

Nemen gat mitang tonga nedi di lox ase nimi mi levenanasa vetpes, mo ba sar asoogong nimi basinge lunuunu atnimi at ne Iesu. I lox avukat do mina lok ka letaba nabalamu eburu mi loklok tooro at ne Moroa xusu mina lox alolos lebelen nimi. La mina ke xepe mo leveloklok at Lenavolo mumu leveluxa salai ri anan la leveluxa salai kopmen ti anan; na loklok noxo lok tooro lorooro atnedi di mumu asu i.

Jems 5:20

Nemi mina ven kisip na lavanga. Do taradi i lok tooro laradi kakapmek, la laradi kakapmek i on basinge langas at lanmet la iamlong parap ne Moroa, neni ira lox arooro vam mo laradi basinge lanmet lexen la ne Moroa naba doxoma xepe buaang laxaloklok kakapmek teren. I ruturun.