1 Timoti 4:15 - Madak

¹⁵ Una mumu asu amisik na levempanga la una raba lorooro axap taram tin, kusu limixin axap diba ven lusuusu at lugugu ram.

1 Timoti 4:15 Iomraidhean Croise

Sam 1:2

Ketla, di suma ka lomomo atla di mumu asu Lenavolo at Leeme Silok, la dim doma mumu amisix i at levenaleng kangking la at levenaleng kanimin bok.

Sam 104:34

A vara i do ni naba momo at lengkom pixan tarak, atla leklek tarak i laala boro ren.

Sam 105:5

Nemi livipisik li at ne Abaram, laradi gugu at ne Moroa, la nemi livipisik li at ne Jakop, mo laradi ne Moroa ga soxolik ka i. Minam doma aklen ti lempanga sangsangu ne Moroa ga lox i, la mo levesongsongot neni ga raba limixin munepen min.

Sam 119:148

A tuuang aan amisik, kusu ana i doxoma mu lengkakaape ram.

Sam 119:15

A viila mumu levempapaase auru ram la aram doma mumu avukat levenanasa ram.

Sam 119:23

Keke i do luvuttadi amgomgo dina xis buru, la dina puse ngas ti sev amer ia; ketla nenia laradi gugu ram, abam doma mumu amisik leventetere avolo ram.

Sam 119:48

A lok ngangao aleng ap mo levempapaase ali ram la labalak i tu mun i, la abam doma mumu amisik mo leventetere avolo ram.

Sam 119:97

Labalak i tu munLenavolo ram, la am doma mumu amisix i at levenaleng kangking la kanimin.

Sam 119:99

Aklen aleng polo nedi axap luvuttadi loklok ase rak, mila am doma mumu amisik levempapaase matmatkun taram.

Sam 143:5

A doxoma su ap mo levenaleng gara oon pam; la a doma mo lempanga nenu ugara lok pam i, la mo leven gugu ram i vot manga at lodoxoma rak.

Sam 19:14

Nia a vara i do levempapaase rak mi lodoxoma rak nak mokso at lamaram. O Leeme Silok, nenu loxot loklok alipe rak, la nenu laradi rutu korop pe ria.

Sam 49:3

Lodoxoma rak naba xasep tinimi, la nia anaba vaase asu levelinga ri raba nimi mi lodoxoma avukat.

Sam 63:6

Dola nia ak midi ro at loora rak, am doma su ram; at laxanimin axap nia am doma u,

Sam 77:12

Anabam doma mumu mo levempanga axap nenu ugarak lok pam i. Anaba paase eburu minu mumu na levempanga lolos nenu uga lox i.

Metiu 5:16

La kerepmo bok laxasep atnemi na soso ro melamgo at limixin, kusu diba reven leveloklok nunuan mik lox i, la diba emi asu mi ne Moroa ne Temen nimi boro vana at laxalibet.”

Leven Gugu 6:4

La nema xa maba raba lorooro axap atnema ri lugugu at lisingising la lugugu at lavapaase asu Lagale Lavavang.”

1 Korin 16:15

Miklen ne Stiven midi loxoetemen, nedi avot diga lok ka lorooro maxat to Grik, la nedi xa diga raba axap pam di ri lugugu at ne Moroa xantubu at limixin teren. La a sing nimi, luvutnetak mi luvurinuk,

2 Korin 4:14

Ataklen i do ne Moroa ga lox axatu kaxat amlong Leeme Silok ne Iesu ri lorooro, la neni naba lox axatu kaxat amlong bok dik keneng at ne Iesu, la na lok li nemi eburu minema ro melamgo at ne Moroa.

2 Korin 8:5

la kopmen ana xusuk mun i. Avot diga raba lorooro atnedi ri Leeme Silok, la at lavavara bok at ne Moroa diga raba bok lorooro atnedi ri ronga res atnama.

1 Timoti 4:14

Nemen uta lox abulubun kepe laramtaba at Loroonan nom i nemen keneng taram; uga lok ka i ap mo laaleng luvuttadi vapaase alii diga paase alii i la luvuttadi mukun diga sa li levengkikngen di mavana ram.

1 Timoti 4:16

Una lok tatao avukat lorooro ram eburu mi nom levenanasa uga anasa limixin min. Unak lox amisix i na levempanga; dola una lox i xuren, unaba lox arooro u eburu minedi nom ding tonga levelinga ram.

1 Timoti 4:6

Dola una vaase asu na levenngas linga tinedi luvutnetam, uba lok ngan lasaxaruki avukat at ne Iesu Karisito; mila loroonan taram i anan mais at lunuunu la at levenanasa avukat, nu ugara mumu asu vam i.

Taitas 2:14

Neni ga raba i xusu neni na un kaka amlong nedik basinge laxakapmek atdik ngan limixin dadat la kusu tana nemen ngan limixin teren kusuk mun la tana lolos ti lok leven gugu nunuan.