1 Timoti 3:16 - Madak

¹⁶ I ruturun aleng do lotu atdik, ni lavanga i silok aleng mumu Leeme Silok atdik; “Neni ga rupot ngan laradi; Loroonan Kaala ga lox asuusu i do lorooro ren ga nemen mokmokso; la lubungangelo diga ven i. Limixin diga vavang min to at lengkot axap la limixin diga nuunu ren nade at na lavatbung menemen; la ne Moroa ga lok ka i uto vana at laxalibet.” Sam 9:11

1 Timoti 3:16 Iomraidhean Croise

Metiu 1:23

‘Tatkin maxat naba balan madak la naba visik tamdak temes la limixin diba so asen i mi ne Emanuel.’ Ais 7:14 Lavasuun teren do, ‘Moroa eburu midik.’

Metiu 13:11

La ne Iesu ga vorang i ridi xeretna, “Moroa ira raba vam nimi mi lakleklen at Linintoo no vana at laxalibet; gano ga nemen alipe; ketla tinedi limixin petpes kopmen.

Metiu 28:2

La soso mene nga langne lolos ga vot, la laangelo at Leeme Silok ga vas si boro vana at laxalibet, gat pas ti lamaaut, la ga xavun kepe lavaruat at lamaaut la garat kis to mavana ren.

Metiu 3:16

Melemu at ne Jon ga sep susu ne Iesu, neni ga vas urut basinge ladan la uto at lisigege dan. La ne Moroa ga suang laxalibet ti ne Iesu, la neni ga ven Loroonan at ne Moroa ga si boro vana la ukopok; ga ven ngan ta lamno la gasga ne Iesu.

Metiu 4:11

La ne Satan ga on basinge i, la lubung angelo diga vot la diga lox alolos i.

Lagale Lavavang At Ne Iesu Karisito Mak Ga Malagan I 1:13

La neni ga nemen e at lavanuet sangaun aleng. La ne Satan gak lok tong i. La ap mo lenep lempanga sio mi lavanuet kangkedek atdi diga nemen box e la lubungangelo digak lok tatao ne Iesu.

Lagale Lavavang At Ne Iesu Karisito Mak Ga Malagan I 16:19

Se Leeme Silok ne Iesu ga vaase axap, Moroa ga lam ka i uto vana at laxalibet la neni ga xis taba ro at lenep at lekngen tino at ne Moroa.

Lagale Lavavang At Ne Iesu Karisito Mak Ga Malagan I 16:5

Diga vubeles at lamaaut, la diga ven lara laradi maxat, levesingsigaara ren ganbun aleng la neni gat kis at lenep tino la diga lingun teren.

Lagale Lavavang At Ne Iesu Karisito Luk Ga Malagan i 2:32

i ngan laxasep kusu naba lox axasep langas taram ti limixin kopmen di me Judaia, la na raba lisinorong ti limixin taram boro Israel.”

Lagale Lavavang At Ne Iesu Karisito Luk Ga Malagan i 20:44

Devit axa ga so asen i do Leeme Silok. Ga lok kereva la Lanarong neni manga lurubuno avolo ren?”

Lagale Lavavang At Ne Iesu Karisito Luk Ga Malagan i 22:43

[La laangelo ga vot saparav i, ga si boro vana at laxalibet kusu na raba i mi lololos.

Lagale Lavavang At Ne Iesu Karisito Luk Ga Malagan i 24:4

Diga tu go la diga rakdu aleng mumu i na, la soso mun legepu radi mi leventamon atdu gam games aleng, duga ru saparap di.

Lagale Lavavang At Ne Iesu Karisito Luk Ga Malagan i 24:51

Se neni ga lox anarong pam di, neni ga on basinge di la ne Moroa ga lok kaka nga i uto vana at laxalibet.

Lagale Lavavang At Ne Iesu Karisito Jon Ga Malagan I 1:14

Lavapaase ga vee radi la ga nemen kantubu atnama. Maga ven lisisixam teren, la ni ga umsu mi letaba nabalamu la levelinga ruturun at ne Moroa. La mo lisisixam neni ga lok ka i ngan legesamdak at ne Temen.

Lagale Lavavang At Ne Iesu Karisito Jon Ga Malagan I 13:3

Iesu gaklen pam i do ne Temen ga lok li levempanga axap maxopok at loklok tatao ren, la gaklen box i do neni ga si boro vana at ne Moroa la nabamlong bok tin.

Lagale Lavavang At Ne Iesu Karisito Jon Ga Malagan I 15:26

La ne Iesu ga lok bok tidi, “Laradi loklok tooro naba vot; neni Loroonan at luruturun, la ni naba si boro vana at ne Tamak. Aba sak tiki i saparap nimi boro at ne Tamak, la neni naba tong asu levelinga mumu ia.

Lagale Lavavang At Ne Iesu Karisito Jon Ga Malagan I 16:28

Agat pas boro at ne Tamak la aga vot nade at na lavatbung menemen; la mo nga ana on basinge na lavatbung menemen la anamlong manga uto at ne Tamak.”

Lagale Lavavang At Ne Iesu Karisito Jon Ga Malagan I 17:5

La mo nga, Tamak, una lox asilok laasen tarak to melamgo ram, la kerepmo una lox asuusu lisisixam tarak aga ruuna avor i ri luruntudum li at na lavatbung menemen, at levenaleng aga nemen eburu minu.”

Lagale Lavavang At Ne Iesu Karisito Jon Ga Malagan I 20:12

la ga ven luangelo go, duga siga levempanga bunbun, la dugat kis at lenep labantuxu at ne Iesu gak midi e; lara ro at lavatlak la lara ro at luxangkedek.

Lagale Lavavang At Ne Iesu Karisito Jon Ga Malagan I 6:62

Kereva, dola mina ven ia, Laradi Mevana, ana urut uto vana, minaba siam ka ba levenanasa rak?

Leven Gugu 1:19

La nedi limixin axap diga nemen go Jerusalem, diga ronga mo lavanga, la diga so asen mo loxongkangka at lavapaase axa atdi, do Akeldama, lavasuun teren keretna, “Loxongkangka at Lada.”

Leven Gugu 10:34

Pita ga vaase kaxat la ga lok, “Anaa, nia a ven kibis i do i ruturun tinotno do ne Moroa kopmen na ven kepe lentaba vetpes, i ven limixin axap ngan legesara mun.

Leven Gugu 14:27

Duga rupot to Antiok la duga ro bubua limixin axap at lotu, la duga tong asu lempanga ne Moroa ga lox i at levengkikngen du; la duga tong i do ne Moroa ga suang langas ti limixin kopmen di me Judaia xusu dina nuunu.

Leven Gugu 20:28

Mina lok tatao avukat nemi la mina lok tatao nedi bok limixin, Loroonan Kaala gara lok li vam nedi maxopok at loklok tatao atnimi. Mina lok ngan luvuttadi loklok tatao sipsip kantubu at limixin at ne Moroa, no ni ga lok li di do ateren axa mumu lanmet at ne nitna.

Lovoang At Ne Pol Ti Limixin Nunu to Rom 10:12

Ana levelinga i vung kimit limixin axap, atla kopmen tevereven petpes kantubu at limixin me Judaia la limixin kopmen di me Judaia; Moroa xusuk mun legese Eme Silok atnedik axap, la ik lox anarong aleng nedi di ngising ti loklok tooro boro ren.

Lovoang At Ne Pol Ti Limixin Nunu to Rom 10:18

Ketla a sue xeretna, i ruturun do di goxo ronga levelinga? Laaba, diga ronga i, i ngan pam Lovoang Kaala i vaase i xeretna; “Levempapaase atdi ga ravasu ri limixin at lavatbung menemen axap. La levelinga ga vot tinotno ro at latnese at na lavatkangka.” Sam 19:4

Lovoang At Ne Pol Ti Limixin Nunu to Rom 16:25

Ata emi asu mi laasen at ne Moroa. Neni i epovo ri lox aru lolos lunuunu atnemi, mumu Lagale Lavavang nenia a vavang min. Ni Lagale Lavavang at ne Iesu Karisito, mo lavapaase asu at luruturun gak lok lipe at laxanmaares buaang.

Lovoang At Ne Pol Ti Limixin Nunu to Rom 16:26

Ketla amo nga, mo levelinga ruturun gara ru asuvos pam ti laxasep, keneng at levenmamalagan at luvuttadi vapaase alii; ne Moroa laradi xopmen taxavaxap teren ga vaase asu i xusu limixin at laranep silok axap dinabaklen i, la nedi axap dinaba nuunu ren la dinang tonga res teren.

Lovoang At Ne Pol Ti Limixin Nunu to Rom 3:4

Kopmen tinotno! Moroa neni naba ruturun amisik la keke i do limixin axap laxampanga xaxarang. I ngan Lovoang Kaala i vaase i xeretna, “Una lox asuusu i do nenu uk mokso at loxonaleng una paase; unaba vas asi levelinga i ru ram at loxonaleng di sok taba u min.” Sam 51:4

Lovoang At Ne Pol Ti Limixin Nunu to Rom 8:3

Lenavolo goxo epovo ri lox arooro limixin atla limixin diga ruuna laxakapmek keneng at lorooro atdi; ketla ne Moroa ga lox arooro dik, neni ga riki asi lamdak tinotno ren, la neni ga lok kepe laxapmek keneng at limixin. La ni ga ruuna ka labantuxu ngan labantuxu at limixin kusu na raba lorooro ren ngan laxaavuk.

Lovoang At Ne Pol Ti Limixin Nunu to Rom 9:5

Nedi lubungmixin diga ravasu at loxongkulao silok at ne Moroa me gano. La ne Karisito, neni ga vot ngan laradi, neni at nedi na lubungmixin. Ata emi asu mi laasen at ne Moroa neni i lok tatao lempanga axap la kopmen taxavaxap teren! Tuturun.

1 Korin 15:47

La ne Adam, ne Moroa ga rudum li i mi laxakup at laxangka, ketla ne Karisito, neni ga si boro vana at laxalibet.

1 Korin 2:7

Maga tong asu Lagale Lavavang at ne Moroa rinimi, mo ga nemen alipe. Moroa gara tong li vam i xusu naba lox aurut levenasen atdik, avot ti loklok li at na lavatbung menemen.

2 Korin 1:19

I lok ngan ne Iesu Karisito, Nitna ne Moroa, mo nema mi ne Sailas la ne Timoti maga vavang min kantubu atnimi, neni xopmen na voovo ela mi levelinga ren, ketla kusuk mun neni i paase ruturun.

Galesia 2:8

Moroa ga lox alolos ne Pita xusu neni laradi vavang ti limixin me Judaia la kerepmo bok neni ga lox alolos ia xusu nenia laradi vavang ti limixin kopmen di me Judaia.

Galesia 4:4

Ketla loxonaleng ga vot ne Moroa ga vit li i, neni ga riki ne Nitna rinotno. La neni ga ravasu ngan lamdak at latkin at na lavatkangka, la neni gak lok maxopok at Lenavolo at leme Judaia,

Epesas 1:9

La at lavavara ren ni ga tong axasep dik mi lodomdoma alii ren, mo ga nemen alipe la ni ga doma alii i do ne Karisito ni lavasuun teren.

Epesas 6:19

La mina ngising bok tia, kusu ne Moroa naba raba ia mi levenngas linga at levenaleng nia a lok gagas ti paase, kusu nia noxo marat la anaba lox axasep Lagale Lavavang mo ga nemen alipe.

Kolosi 1:23

Naba lok kuren mo do mina tu tuxuruxun at lunuunu atnimi la kopmen tara na sat kaka nimi basinge lunuunu atnimi saparap Lagale Lavavang. At nom mun Lagale Lavavang la nia ne Pol a tong asu i ngan lasaxaruki at ne Moroa, la na Lagale Lavavang mo di vavang min ti limixin axap at na lavatbung menemen, ni levelinga nemi miga ronga i.

Kolosi 1:27

Moroa ga soxovo li i do na lox asuvos Lagale Lavavang ti limixin teren; mo levelinga i lok ngan lapnovos silok la i lox asuusu lisisixam at ne Moroa. Mo levelinga i lok keretna, Karisito nabat kis esogo eburu mi limixin kopmen di me Judaia la nedi bok diba ruuna ka loxot at lisisixam teren.

Kolosi 1:6

Na Lagale Lavavang i ruuna laxampipisik solo la i sat kaka limixin at na lavatbung menemen axap kusu dina nuunu at ne Iesu Karisito la dina lok leveloklok i nunuan. La kerepmo bok Lagale Lavavang i pisik kantubu atnimi, ga ru ka i ap mo laaleng miga ronga i la miga ven kibis letaba nabalamu at ne Moroa, mo letaba nabalamu i ruturun tinotno.

Kolosi 2:2

Lavavara rak i lok keretna, lorooro atdi na lolos la diba ru buru mi labalamu ela kusu lorooro atdi ba umsu mi laxasep silok, mo i lok ngan lapnovos silok tidi. Ap mo mun langas nedi dibaklen lodomdoma lipe at ne Moroa, la mo lodomdoma lipe neni ne Karisito.

2 Tesalonia 1:10

Diba lok ka na lumumuat ap mo laaleng ne Iesu naba si ukopok la limixin axap teren diba emi asu min la diba lok ngangao ren. La nemi bok miba emi asu min, mila miga siam kaka Lagale Lavavang maga tong asu i rinimi.

2 Tesalonia 2:7

La ne Satan ga lox aonon pam loklok ting tonga xepe ude at na lavatbung menemen la mo levempanga i gugu nemnem to xeneng at lorooro at limixin; ketla buaang limixin kopmen dina xasep teren. Mo lavanga loklok pe naba lok pe mo loklok kakapmek at ne Satan se ne Moroa naba lok kepe mo lavanga loklok pe la

1 Timoti 3:9

dinam tebeng amisik leveloklox ase at luruturun keneng at lunuunu at ne Moroa la lodoxoma atdi nak lox avukat mun.

Ibru 1:3

Ne Nitna i lox asuusu lisisixam at ne Moroa la ni lampenaxa rinotno ren. Ne Nitna i lok tatao levempanga axap at na lavatbung menemen la mo levempanga i mumu asu levelinga ren i lolos aleng. Neni ga lok langas ti limixin kusu dina dadat basinge laxakapmek; melemu at na, neni ga xis to at lekngen tino at ne Moroa i silok to vana at laxalibet.

Ibru 12:2

Lodoxoma atnimi na tu atkatla at ne Iesu, neni lavasuun la lurutu kaxat at lunuunu atdik. Neni ga siam ka laxasongsongot la lainmangan at laxaba mila ni ga doma mun mo lomomo neni naba ruuna ka i; la na nga neni it kis at lenep tino at loxonin orong at ne Moroa.

Ibru 7:7

La i ruturun aleng do lara i silok, neni na lox anarong mo lara i lixilik tin. La kerepmo ne Melkisedek ga silok ti ne Abaram.

Ibru 8:1

Lavasuun at na levelinga atnama i lok keretna. Nedik ta ruuna lamaasa gomgo xerepmo, mo it kis at lekngen tino at loxonin orong at ne Moroa i silok aleng, to vana at laxalibet.

1 Pita 1:12

Ne Moroa ga raba asu na levelinga rinedi na luvuttadi vapaase alii xusu nedi di noxo gugu xusuk tik lok tooro nedi xa, ketla ti lok tooro nemi, at loxonaleng diga vaase mumu mo levelinga. Ana nemi mira ronga xaka vam i at luvuttadi xipkip linga di vaase asu Lagale Lavavang mi lololos at Loroonan Kaala boro vana at laxalibet. Neni na Lagale Lavavang lubung angelo bok di vara aleng i xusu dinaklen i.

1 Pita 1:20

Avot ti luruntudum li at na lavatbung menemen, Moroa ga soxolik ka i xusu ri lok lugugu ren ganoxa la neni ga ravasu at na levenaleng kavaxap kusu ri lok tooro nemi.

1 Pita 1:21

La at na mun langas neni ga lox i la nemi mira nuunu at ne Moroa, no ga lox arooro amlong i at lanmet la ga raba box i mi laasen silok; kuren la lunuunu atnemi la levendoxoma voovo atnemi i tu rinotno at ne Moroa.

1 Pita 3:18

Karisito ga met gesara mene nga ri ru korop ti laxakapmek axap atnimi, la neni laradi avukat ga met ti rukun levesongsongot ti limixin di lok laxakapmek, kusu ri lam kaka nemi uto saparap ne Moroa. Diga sev amet labantuxu ren, ketla Loroonan Kaala ga lox aroo xat amlong i;

1 Pita 3:22

la neni gara urut pam uto vana at laxalibet, la amo nga ik lok at lekngen tino at ne Moroa, la neni lamgomgo at lubung angelo axap eburu mi luvuttadi loklok tatao la limixin lolos boro vana at laxalibet.

1 Jon 1:2

Mo laradi im taba lorooro ga vor asuvos, nema maga reven i la ma tong asu i rinimi. La ma vavang bok min tinimi, neni lavasuun at lorooro avolo, la neni gat kis esogo eburu mi ne Temen dik la melemu ga vor asuvos tinama.

1 Jon 3:5

La nemi mikleklen i do ne Iesu ga rupot kusu ri lox asepmus limixin basinge laxakapmek atdi. La kopmen taxapmek nak lok at ne Iesu.

1 Jon 3:8

Do tara ik lox amisik laxakapmek, neni at ne Satan, mila ne Satan ga lok laxakapmek, ga ru ka i ganoxa at lereot. Lavasuun at lovotpot at ne Nitna ne Moroa do neni na sele utut kepe lugugu at ne Satan.

Lisilimet 17:5

La levelinga ga nemen to at lamang teren ketla lavasuun teren goxo xasep. Mo levelinga ga lok keretna, “Lemenemen silok Babilon, ni lavasuun at loklok ngarangat la neni bok lavatturunen at leveloklok kakapmek axap at na lavatbung menemen.”

Lisilimet 17:7

Ketla laangelo ga lok tia, “Tila u sangu? Ana soxomus lavasuun at nom latkin eburu mi lavatpanga sio, neni it kis pana ren, la i ruuna lavanuti lempatlak teren la lasangaun lempatkom.

Lisilimet 7:9

Melemu at nai aga ven buaang nedi limixin, ixo epovo do tara na us nedi. Nedi boro at lengkot axap at na lavatbung menemen, la at larabibinat axap la at levenasen bantuxu axap la boro at lempapaase axap, diga tu ro melamgo at loxonin orong la to melamgo bok at Lanasip. Diga sigaara mi levempanga singsiga bunbun. La digam tebeng lempavaxan bisi at levengkikngen di.