1 Timoti 3:10 - Madak

¹⁰ Una lok tong pen avot be di, la dola dina gugu avukat, dina lok ka ba nom lugugu loklok tooro.

1 Timoti 3:10 Iomraidhean Croise

1 Korin 1:8

Neni bok naba lox alolos lunuunu atnimi se at laaleng kavaxap la kerepmo at laaleng ete at Leeme Silok ne Iesu Karisito neni noxo ven terek kaka laxakapmek atnimi.

Kolosi 1:22

Ketla mo nga, Moroa ga lok lumulum tinimi mumu mun lanmet at labantuxu at lamdak teren, kusu lorooro atnimi ba dadat axap ap mo laaleng miba tu saxaven to melamgo ren, la taxakapmek noxok lok bok ba atnimi la tara noxo lok li bok ba nimi at lavapaase mumu loklok kakapmek.

1 Timoti 3:13

Do na luvuttadi loklok tooro dina lok leven gugu avukat, diba lok ka laasen silok la dinaba vaase basabas mi lunuunu atdi xeneng at ne Iesu Karisito.

1 Timoti 3:2

Laradi gomgo at lotu neni laradi kopmen tosoogong teren at lemeren limixin; neni latlok at leges atkin mun la it kis atnaasan; la ik lok tatao avukat luruptuvuk teren, loklok teren i lok nunuan mene nga; neni ik lok maraose minedi limixin boro vetpes; la neni i epovo ri lox ase limixin;

1 Timoti 3:6

Laradi gomgo neni laradi mi lunuunu ren i xus pam; mila i lok kapmek do neni na lox asilox i la ni na subu beles at lebelemamao at ne Moroa, kerekngan ne Satan.

1 Timoti 5:22

Nemen gat uta takas kusu una sa li lukngam to mavana at taradi ri lok lugugu at Leeme Silok, la nemen uta lok tooro tara mi laxakapmek teren, una lox adadat amisik lorooro ram.

1 Jon 4:1

Larapen tangas orong tarak. Nemen gat mita rebeng alis soso levenanasa atnedi di tong i do di ruuna Loroonan Kaala; ketla mina viila mumu avot be levenanasa atdi do i sixit epovo mi levenanasa at ne Moroa. Mina lox i xuren atla buaang lavaeme vapaase xaxarang dit pas tangtagap at lengkot axap.